HARURUAR 16:25 - BIBEL JAMITA NA DENGGAN

²⁵ Didok si Musa ma, “On ma panganonmunu sadari on, angke Ari Sabat do sadari on, ari paradianan laho pasangap Tuhan, jana hamu pe nada dapot hamu saotik pe sipanganon di balian ni parbandaran on.

HARURUAR 16:25 ပူးပေါင်းရင်းမြစ်များ

NEHEMIA 9:14

Angkon pestahonon ni halahi do Ari Sabat na badia, jana marhite si Musa dilehen Ho uhumMi.

HARURUAR 16:23

Gabe didok si Musa ma tu halahi, “Madung ditontuhon Tuhan, ancogot i ma ari na badia laho maradian, ari na nihaulkon tu Tuhan. Sanga aha na giot tutungonmunu sadari on, tutung hamu ma. Lobina i dipaasing jana disimpan ma i tu ancogot.”

HARURUAR 16:24

Jadi disimpan halahi ma na lobi sian sipanganon i tu ancogot songon na niparentahon ni si Musa; nada pola bari roti i sanga ulohon.

HARURUAR 16:26

Onom ari ma lolotna hamu palagutkon sipanganon, tapi anggo ari papituhon, ari paradianan do i, jadi nada adong sipanganon disi.”

HARURUAR 16:29

Ingot ma, Au, Tuhan, madung Hulehen di hamu sada ari anso maradian. Hara ni i ma da dibaen na Hulehen di ari paonomkon i sipanganon tu dua ari. Di ari papituhon i sude jolma angkon tinggal di bagas, ulang haruar.