HARURUAR 16:23 - BIBEL JAMITA NA DENGGAN

²³ Gabe didok si Musa ma tu halahi, “Madung ditontuhon Tuhan, ancogot i ma ari na badia laho maradian, ari na nihaulkon tu Tuhan. Sanga aha na giot tutungonmunu sadari on, tutung hamu ma. Lobina i dipaasing jana disimpan ma i tu ancogot.”

HARURUAR 16:23 ပူးပေါင်းရင်းမြစ်များ

NEHEMIA 9:13

Mijur Ho sian langit di Dolok Sinai na badia, lalu mangkobari Ho dohot bangsoMu sandiri. Dilehen Ho uhum, aturan dohot sipaingot na tigor, na denggan dohot na bonar boti marguna.

NEHEMIA 9:14

Angkon pestahonon ni halahi do Ari Sabat na badia, jana marhite si Musa dilehen Ho uhumMi.

HARURUAR 16:19

Didok si Musa ma tu halahi, “Sahalak pe nada tola manyimpan sipanganon saotik pe baen ancogotna.”

HARURUAR 23:12

Angkon markarejo hamu onom ari di bagasan saminggu, tapi ulang hamu karejo anggo di ari papituhon, anso tarbaen angka hatobanmunu dohot halak na asing na markarejo di hamu bope angka pahan-pahananmunu maradian.

HARURUAR 31:15

Onom ari lolotna tola markarejo, tapi anggo ari papituhon angkon marari Sabat do, i ma Ari Paradianan na gok, ari na badia di Tuhan: Sanga ise na mambaen karejona di Ari Sabat, nimatehon do uhuman ni i.

JEREMIA 17:22

Nada tola muse hamu markarejo sanga maroban barang sanga aha pe haruar sian bagasmu anggo di Ari Sabat. Angkon parbadiaanmunu do ari i songon sada ari hapunjungan hombar tu na Huparentahon tu ompumunu.

HAMALIMON 23:3

Sanga di dia sajo pe hamu maringanan angkon sumurung Ari Sabat i baenonmunu di Au. Onom ari honokna hamu markarejo tapi ingot ma, ari papituhon, Ari Sabat ari paradianan do i. Nada tola markarejo di ari i, hum marpungu do laho pasangap Au.

BILANGAN 11:7

Tompa ni manna i songon batu ni hayu na menek, rupana bontar gorsing.

BILANGAN 11:8

Muda borngin madabu ma manna i rap dohot ombun i di parbandaran i. Manyogotna i marroan ma halahi marhaliang laho palagutkonsa, dung i digiling sanga diduda halahi ma i baen topung, dung i dimasak halahi ma gabe roti na hembang. Daina songon dai ni roti na nipanggang dohot miak zetun.

LUKAS 23:56

Dung i mulak ma halahi, dipature halahi ma angka parmasak dohot miak na huskus silapuhonon tu bangke ni Jesus. Ancogotna i, di Ari Sabat, maradian be ma halahi markarejo mangoloi angka Tona ni ugamo Jahudi.

PANGARATAION 5:12

Pagodang ma Ari Sabat, anso diparbadiai ho ari i, angke Au do Tuhan Debatamu na mamarentahon i tu ho.

HALUMBAAN 1:10

Di ari ni Tuhan i, digohi Tondi Parbadia do au, dung i hubege ma sada sora na gogo – songon sora ni sarune – mandok hata sian pudingku.