HARURUAR 16:20 - BIBEL JAMITA NA DENGGAN

²⁰ Hape adong do deba sian halahi na so manangihon hata ni si Musa i. Disimpan halahi do deba sian roti i. Hape ancogotna i gabe ulohon ma roti i jana bau, jana gabe muruk ma si Musa tu halahi.

HARURUAR 16:20 ပူးပေါင်းရင်းမြစ်များ

HARURUAR 16:19

Didok si Musa ma tu halahi, “Sahalak pe nada tola manyimpan sipanganon saotik pe baen ancogotna.”

HARURUAR 16:21

Muda manyogot dipapungu halak Israel ma panganon i sabahat ni na hasaya di halahi, jana muda mamungka milas ari i, malala ma sipanganon na tinggal di tano i.

HARURUAR 16:24

Jadi disimpan halahi ma na lobi sian sipanganon i tu ancogot songon na niparentahon ni si Musa; nada pola bari roti i sanga ulohon.

BILANGAN 12:3

Sada halak na toruk roha do si Musa, tumoruk do rohania sian sude jolma na adong di ginjang tano on.)

BILANGAN 16:15

Muruk sajo ma si Musa gabe ning ia ma tu Tuhan, “Tuhan, ulang jagit angka silehen-lehen na nihaulkon ni halak on. Nada jungada hurugii sada halak pe sian halahi, sanga halode pe nada jungada hubuat sian halahi.”

MATEUS 6:19

“Ulang ma palagut arta hamu di portibi on. Harana anggo di portibi on adong do ngitngit dohot harat na manyegohon arta i. Dung i muse tarbungkar jana tartangko panangko do i.

MARKUS 10:14

Jadi marnida i muruk ma Jesus didok Ia ma tu angka anak siseanNia i, “Padiar hamu ma marroan angka dakdanak i tu Au! Ulang rarang hamu halahi. Angka halak sisongon i do na gabe nampuna Harajaan Ni Debata.

MARKUS 3:5

Marsak ma Jesus hara ni pir ni roha ni halahi. Jadi muruk ma Jesus marnida halahi na humaliang i, didok Ia ma tu bayo i, “Pahortang ma tanganmi!” Dipahortang ia ma tangannia i dung i gabe malum ma.

LUKAS 12:15

Dung i didok Jesus ma hata tu sude halak na disi, “Manat jana jagohon hamu ma dirimunu, angke haru bahat sajo pe arta ni halak, nada marguru tu sinadonganna i anggo ngoluna.”

LUKAS 12:33

Gadis ma sude sinadonganmunu, jana lehen hamu ma i gabe asi-asi. Pature hamu ma di hamu angka huncang na so ra buruk, arta parbanua ginjang na so ra abis, na so hadonohan ni panangko jana nada tarpasego ngitngit.

EPESUS 4:26

Muda muruk hamu, ulang oloi hamu gabe jabat mardosa hara ni na muruk i. Ulang ma muruk hamu sasadari.

IBRANI 13:5

Ulang dirajai hepeng ngolumunu, tapi hasonangkon hamu ma intap ni na adong di hamu. Angke madung didok Debata, “Nada padiaronKu ho jana nada tadingkononKu ho.”