HARURUAR 16:14 - BIBEL JAMITA NA DENGGAN

¹⁴ Dung manguap ombun i tarida ma na nipis jana marlampis-lampis payak di parhorsihan i. Halus do tompana songon ombun na himpal.

HARURUAR 16:14 ပူးပေါင်းရင်းမြစ်များ

NEHEMIA 9:15

Dompak male jana hurang mangan halahi, dipaijur Ho do roti sian langit i. Jana sian batu na himpal, na gogo jana na koras, dipadalan Ho aek na pasombu nguas maradu doras. Disuru Ho do halahi mangingani tano, na nijanjihonMu tu halahi mardongan sumpa.

MASMUR 105:40

Mangido halahi gabe disuru Ia angka unggas marroan, dipangan halahi sipanganon banua ginjang lopus butongan.

MASMUR 147:16

Diijur Ia salju songon imbulu ni biri-biri, jana disarsarkon Ia ombun na himpal songon abu.

MASMUR 78:24

Dipaijur Ia roti sian banua ginjang, i ma manna di halahi na gabe sipanganon.

HARURUAR 16:31

Dung i digoari halak Israel ma panganon i “manna”. Pangalahona songon parbatu na menek, tompana bontar, daina songon roti mardongan aer ni loba.

PANGARATAION 8:3

Dipadiar Ia hamu tangkuraparon, dung i dilehen Ia tu hamu manna baen panganon, i ma sipanganon na so jungada hian dope dipangan hamu sanga ompumunu. Na mangajari hamu do umbaen dipatupa Tuhan songon i bahaso nada hum sian roti sajo jolma mangolu, tapi sian sude na nidok ni Tuhan.