HARURUAR 16:12 - BIBEL JAMITA NA DENGGAN

¹² “Madung Hubege ungut-ungut ni halak Israel. Dok ma di halahi, muda andospotang dapotan juhut ma halahi baen panganon, jana manyogotna i dapotan roti ma halahi sanga sadia giotna. Gabe botoon ni halahi ma, bahaso Au do Tuhan, Debata ni halahi.”

HARURUAR 16:12 ပူးပေါင်းရင်းမြစ်များ

1 RAJA-RAJA 20:28

Jadi ro muse ma sahalak panurirang tu Raja Ahab mandok, “On ma pandok ni Tuhan: ‘Dibaen diambang angka halak Siria na hum di dolok sajo do Au markuaso jana nada dohot di napa na toruk, lehenonKu ma tu ho hamonangan mangalo tentara ni halahi na santak bahat i, jadi gabe botoonmu dohot rayatmu ma, Au do Tuhan.’ ”

MASMUR 105:40

Mangido halahi gabe disuru Ia angka unggas marroan, dipangan halahi sipanganon banua ginjang lopus butongan.

HARURUAR 12:6

Jana di ari paopatbolaskon bulan on, sude ma halak Israel manyambol anak ni pahan-pahanan i.

HARURUAR 16:11

Didok Tuhan ma tu si Musa,

HARURUAR 4:5

Ninna Debata ma, “Baen ma songon i mambuktihon tu halak Israel bahaso Au do, Tuhan Debata ni ompu ni halahi, Debata ni si Abraham, si Ishak dohot si Jakob na dung ro manopot ho.”

HARURUAR 6:7

Gabe bangsongKu ma hamu baenonKu jana Au gabe Debatamunu. Anso diboto hamu, Au do Tuhan Debatamunu di na Hupalua hamu sian parhatobanon di Mesir.

HARURUAR 7:17

Saonnari, Na Marmulia i Tuhan mandok, botoon ni raja i ma sian na giot baenonNia, sanga ise Tuhan i. Ligi da, lipatonku ma aek ni batang aek on dohot tungkot on, jana muba ma aek i gabe mudar.

JEREMIA 31:24

Maringanan ma halak di Juda dohot di angka huta na disi. Adong ma disi partani dohot parmahan na marmahani pahan-pahananna.

JEHESKIEL 34:30

Jadi gabe botoon ni sude jolma ma, bangsongKu do hape Israel jana Au mangondihon halahi, Au Tuhan Debata madung mandok songon i.

JEHESKIEL 35:13

Ale bangso Edom, siruak pamangan do hamu jana bulbul pangkulingmunu tu Au. Na dung Hubege do sudena i.

JEHESKIEL 39:22

Botoon ni halak Israel ma mamungka sian hatiha i, Au do Tuhan Debata ni halahi.

JOEL 3:17

“Ale Israel, saonnari botoonmunu, Au do Tuhan Debatamunu. Di Sion do Au maringanan i ma dolokKu Na Badia i. Gabe kota na badia noma Jerusalem, nada be taluhonon ni halak na asing kota i.

HAMALIMON 11:44

Au do Tuhan Debatamu, hara ni i jago ma anso tongtong badia hamu, angke na badia do Au.

ZAKARIA 13:9

Hum sapartolu noma na mangolu sian i. Jana paiasonKu ma halahi songon perak na dipapita ni api. UjionKu ma halahi songon panguji ni halak di sere. Jadi martangiang ma halahi tu Au, jana alusanKu ma halahi. DokkononKu ma tu halahi, paboa na bangsongKu do halahi, jana okuon ni halahi muse ma, Au do Tuhan Debata ni halahi.”

BILANGAN 11:4

Di bagasan pardalanan ni halak Israel i, adong do halak na leban mangihutkon halahi. Malungun situtu do halahi giot mangan juhut, halak Israel pe mamungka ma marungut-ungut. Ninna halahi ma, “Ah, sugari adong ma juhut di hita.

BILANGAN 14:27

“Sadia honok nari halak na jahat on, sai marungut-ungut jana mangalo Au? Madung ingoran Au pabege-bege angguk-angguk ni halahi.