HARURUAR 15:9 - BIBEL JAMITA NA DENGGAN

⁹ Ninna musu, ‘Ayakonku ma halahi anso hutangkup jana hubuat por ni rohangku. Sintahonku ma podangku jana hurampas ma sude arta ni halahi, hubagi-bagi jana di au ma i lopus sombu rohangku.’

HARURUAR 15:9 ပူးပေါင်းရင်းမြစ်များ

PAMUNGKAAN 49:27

Si Benyamin, songon sorigala na manggasa-gasa. Manyogot ni ari manjomak soroanna, jana hatiha potang ari dibagi-bagi ia na nirampasna i.”

2 SAMUEL 22:38

Hukojar musungki jana hutaluhon halahi, nada mulak au painte so humatehon sudena i.

1 RAJA-RAJA 19:2

Gabe ditonahon si Isebel ma barita on tu si Elia, “Sai diuhumi angka debata ma au, dibunu pe au jadi ma, anggo so hubaen ancogot songon on ari tu ho songon na nibaenmi tu angka panurirang i.”

1 RAJA-RAJA 20:10

“Suruon ni rajanami i ma tentara bahat sajo laho mangarorak kotamon, jana taroban halahi do abu ni tapor-tapor ni kotamon dohot tangan ni halahi. Madung disumpahon ia anso diuhumi debata i, salang dimatehon pe jadi, anggo inda dipatulus ia songon i!”

HARURUAR 14:5

Dung dibege raja ni Mesir na dung maporus halak Israel i, manyosal ma ia rap dohot menterinia i, ninna halahi ma, “Mambaen bia dehe hita? Tapadiar do halak Israel i kehe, gabe mago ma hatobanta di na kehe halahi?”

PODA 16:19

Gumonan do toruk roha jana nada marsinadongan, ulang pado maniru halak na gakgak jana mangarasoi sinadonganna sian hageduhon.

JESAYA 36:20

Debata dia ma na jungada paluahon tanona sian kuasongku? Jadi, ulang diambang hamu tarpalua Tuhan Jerusalem on!’ ”

JESAYA 53:12

Hara ni i lehenonKu ma tusia angka na sangap songon rampasan dohot angka na togos songon tabanan, i ma gonti ni na dung dilehen ia hosana tu hamatean dohot hara ni na dietong ia parjahat, haru pe ia do mananggung dosa ni halak na bahat, jana martangiang tu parjahat i.

JEREMIA 46:17

Lehen ma goar na imbaru tu Mesir: ‘Si Gaor na so marhasayangkon ari-ari.’

HABAKUK 3:14

Mangkatombuk dibaen angka siorMu na mamimpin parangan ni musu, di na ro paranganna i songon gogo ni halingsungsung, anso masarsar nian hami dibaen. Martata ma halahi marsonang-sonang laho mamparkanciti halak na marhahurangan.

LUKAS 11:22

Tapi muda adong sada halak na gumogo sian ia jana manaluhon ia, buatonnia ma sandok sinjata na dipakenia i, jana bagi-bagionna ma sude tabanna i.

HAKIM-HAKIM 5:30

“Na marbagi-bagi barang na dapot dirampas do halahi, ganop parajurit mandapot dua be bujing-bujing. Disi Sisera ma bahan ni baju na ummarga, salendang sulaman na marragam tompa ma tu rungkung ni ratu.”

1 SAMUEL 30:8

Dung i marsapa ma si Daud tu Tuhan, “Angkon kojaronku do ulaning garombolan pangaroro i? Tarkojar au dope halahi?” Dialusi Tuhan ma, “Olo, kojar ma! Dapot ho dope i jana paluaonmu ma angka na tartaban i.”