HARURUAR 15:7 - BIBEL JAMITA NA DENGGAN

⁷ Marhite hatongamonMu na lumobi, dibalikkon Ho aloMu marpiar-piar hamuruhonMu, jana manutung halahi songon durame.

HARURUAR 15:7 ပူးပေါင်းရင်းမြစ်များ

JOB 9:4

Sun do daulat ni Debata dohot kuasoNa; ise ma he na tahan mangalosa?

MASMUR 148:13

Denggan do pujion ni halak goar ni Tuhan, dibaen gumodang do goar i sian sandok goar. HamuliaonNa gumincat sian tano dohot langit.

MASMUR 59:13

Pangabis ma halahi ale Debata, di bagasan hamuruhonMu, pangabis ma halahi lopus punu. Gabe sude ma halak umboto bahaso Debata do mamarenta di pomparan ni si Jakob, jana mangararati do pangarajaionNa tu sude tano on.

MASMUR 68:33

diSia na mamolus awang-awang, angkasa na adong sian narobian. Tangihon bo! Gogo do Tuhan mandok hata, matuoror maradu gogo, soraNia.

MASMUR 83:13

Ale Debata, sampakkon ma halahi songon abu, songon durame na niombuskon ni alogo.

HARURUAR 14:27

Dung i dipahortang si Musa ma tangannia tu ginjang laut i, jana marayak andostorang, mulak ma mardomu aek i songon na somal bagasna. Digogo halak Mesir i ma paluahon dirina, hape diparambungkon Tuhan halahi tu bagasan aek i.

HARURUAR 5:12

Dung i mampar ma halak Israel i tu sude tano Mesir laho manjalahi durame.

HARURUAR 9:16

Tapi Hupadiar dope mangolu hamu laho patidahon kuasongKu tu hamu, anso tarbonggal goarKu tu sude portibi on.

JESAYA 37:17

Ale Tuhan, sugari nian diparrohahon Ho ma sanga aha na tarjadi on tu hami. Tangihon ma sude pangalayasi ni si Sanherib maradopkon Ho, ale Debata na mangolu.

JESAYA 37:23

Ise dehe na nipaila dohot na nipabilemu! Tu ise dehe dipasihil ho soramu, dohot pangaligimu na sombong? Tu na badia, Debata ni Israel.

JESAYA 37:29

Madung Hubege do sanga songon dia ginjang ni rohami. Saonnari Hubaen harihir di igungmu dohot kokang di babamu, anso Hutarik ho mulak mamolus dalan na nibolusmu di na laho ro.”

JESAYA 37:36

Laing di borngin i, ro ma Surusuruan ni Tuhan tu parundung-undungan ni halak Asur i jana dibunu ma 185.000 halak parajuritna. Ancogotna i manyogot-nyogot, marampar ma angka bangkena i.

JESAYA 37:38

Sanoli dompak marsomba ia di bagasan pamelean ni Debata Nisroh, hona bunu ma ia dibaen podang ni si Adramelek dohot si Sareser, angka anaknia do i. Dung i lari ma halahi tu Luat Ararat. Jadi anaknia na asing ma gontinia gabe raja, i ma na margoar si Esarhadon.

JESAYA 47:14

Satutuna, songon durame na nitutung ni api do halahi, nada tarpalua halahi dirina sandiri. Milas ni apina nada na boti-boti, nada songon parsisuduan milas ni i.

JESAYA 5:16

Tapi patuduhonon ni Tuhan Na Markuaso i ma hagodanganNia markite-hite na patuluskon sanga aha na tigor, jana Debata Na Sun Badia angkon patidahon habadiaanNa di bagasan hasintonganNa.

JESAYA 5:24

Madung ditulakkon hamu pangajaran ni Tuhan Na Markuaso i, Debata Na Badia ni Israel. Hara ni i, songon durame dohot duhut na mahiang abis dipangan api, laing songon i muse ma angka urat-uratmunu gabe busuk, angka bungamunu pe malos ma i lalu abis diombuskon alogo.

JEREMIA 10:6

Nada adong tudosanMu, ale Tuhan! Sangap jana marsahala do goarMu.

MIKA 4:11

Madung marlagut bahat bangso laho mamorangi ho, ale Jerusalem! Pandok ni halahi, “Angkon roncohonon do Jerusalem! Idaonnami ma kota i gabe timbunan ni angka batu!”

ZAKARIA 14:3

Jadi kehe ma Tuhan marporang mangalo angka bangso i songon na nibaenNia narobi.

ZAKARIA 14:8

Di ari i, mardalan ma aek na lan sian Jerusalem; satonga sian aek i kehe tu Laut Hamatean do jana na satonga nari kehe tu Laut Tonga. Mardalan do torus aek i sasataon, bope di ari nonat sanga pe di logo ni ari.

ZAKARIA 2:8

Harana songon on do hata ni Tuhan Na Markuaso, na dung marsuru au di bagasan hamuliaonNa, taringot tu angka bangso na dung manaban hamu na jolo. Angke sanga ise na manjama hamu, na manjama anak ni matana sandiri do ia disi.

MALEAKI 4:1

Didok Tuhan Na Markuaso i ma, “Dapot do i arina, sude halak siginjang roha dohot na jahat surbuon ma i songon durame. Di ari i, abis ma halahi surbuon, jana nada adong be na tinggal sian halahi.

MATEUS 3:12

DitanganNia do anduri laho mamiari. PiaranNia ma emena i tu talobat, tapi anggo lapung tutungonNia ma tu api na so ra mintop.”

BAENON NI ANGKA RASUL 9:4

Gabe tungkap ma ia tu tano i jana dibege ia ma sada sora na mandok tusia, “Saulus, Saulus! Biasi diparkanciti ho Au?”

PANGARATAION 33:26

“O, Israel, boto hamu ma, sumurung do Debata sian sasude debata. Dibolus Ia do langit di bagasan hamuliaan mamintas di ombun mangalehen di hamu tolongan.

PANGARATAION 4:24

dibaen songon api do Tuhan Debatamunu i na mamosokkon; nada ra Ia padiarkon adong imbangNia.

IBRANI 12:29

Angke songon api na mangabiskon do tutu anggo Debatanta i.