HARURUAR 15:25 - BIBEL JAMITA NA DENGGAN

²⁵ Dung i martangiang ma si Musa marsitutu tu Tuhan, dung i gabe dipatidahon Tuhan ma tu si Musa samponggol hayu. Diambungkon si Musa ma hayu i tu aek i, gabe tarinum ma aek i. Di inganan i ma dilehen Tuhan angka paraturan tu halahi, jana disi ma diuji Ia halahi.

HARURUAR 15:25 ပူးပေါင်းရင်းမြစ်များ

2 RAJA-RAJA 2:21

Jadi kehe ma si Elisa tu mual ni aek mandanggurkon sira i tu bagasan aek i jana didok ia ma, “On ma na nidok ni Tuhan, ‘Hupapita ma aek on anso ulang be sai mambaen hamatean sanga haambungan!’ ”

2 RAJA-RAJA 4:41

Tapi didok si Elisa ma, “Buat ma topung!” Dipamasuk ia ma i tu bagasan huali huhut didok, “Saonari sonduk ma muse tu halak on, anso mangan halahi.” Jana inda adong be rasun di bagasan huali i.

2 RAJA-RAJA 6:6

“Di dia dabuna?” ning si Elisa. Dipatuduhon bayo i ma hadabuanna i; dirampingkon si Elisa ma sada hayu jana didanggurkon ia ma tu bagasan aek i. Jadi mulgap ma mata ni kampak i di ginjang ni aek i.

MASMUR 50:15

Muda ro hasusaan, pio-pio ma ho tu Au paluaonKu ma ho, jana pujionmu ma Au.”

MASMUR 66:10

Ale Debata, madung diuji Ho do hami, songon na papitahon perak di bagasan api.

MASMUR 81:7

Di bagasan hasusaanmu pio-pio do hamu tu Au, gabe ro do Au paluahon hamu. Hualusi pe sian ronggur, inganan partabunianKu, di mata mual Meriba, Huuji hamu.

MASMUR 91:15

Muda pio-pio ia tu Au, alusanKu ma ia. Dompak masa hasusaan, urupanKu do ia, paluaonKu jana lehenonKu ma hasangapan disia.

MASMUR 99:6

Si Musa dohot si Harun do angka malimNia, si Samuel do sada na martangiang tuSia. Pio-pio do halahi tu Tuhan, jana dilehen Ia do alusna.

HARURUAR 14:10

Dung diida halak Israel mur donok raja Mesir dohot tentarania i, sun ma biar ni halahi, jana pio-pio ma halahi tu Tuhan mangido pangurupion.

HARURUAR 16:4

Didok Tuhan ma, “Giot paroonKu ma saonnari sipanganon marlobi-lobi songon udan di hamu sudena. Ganop ari angkon papunguonmunu do sipanganon tuk balanjo sadari. Songon i ma baenonKu manguji bangsongKu anso tarboto sanga na ra do halahi mangoloi angka na Huparentahon.

HARURUAR 17:4

Pio-pio ma si Musa tu Tuhan, ning ia ma, “Aha ma baenonku tu angka halak on? Ligi ma, madung marhobas halahi giot mandangguri au dohot batu.”

HARURUAR 20:20

Didok si Musa ma, “Ulang mabiar hamu, na giot mancubo rohamunu sajo do dibaen na ro Debata, anso tongtong mangoloi hamu tuSia jana ulang mardosa hamu.”

PODA 17:3

Sere dohot perak diuji di bagasan api, tapi anggo roha ni jolma Tuhan do manguji.

JEREMIA 15:1

Didok Tuhan ma tu au, “Indada ra Au maribo ni roha mida bangso on, haru pe jongjong dison si Musa dohot si Samuel mangido ibo ni roha sian Au tu halahi. Suru ma kehe bangso on; nada jop rohangKu paida-ida halahi.

JEREMIA 9:7

Jadi patunda ni i didok Tuhan Na Markuaso i ma, “UjionKu ma bangsongKi anso gabe pita halahi. Angke aha dope na bolas baenonKu maradopkon bangsongKu?

JEHESKIEL 47:7

jana huida ma hape na bahat sajo do hayu di topi ni batang aek i angkup bariba.

JEHESKIEL 47:8

Didok ia ma tu au, “Mamolus tu Habincaran do batang aek on manyalpui luat on lalu tu Rura ni Batang aek Jordan lopus tu Laut Mate. Muda dung lalu aekna tu bagasan Laut Mate, digonti ia ma aek laut na ancim i dohot aek tawar.

1 KORINTUS 1:18

Harana anggo di halak na hona uhum ni Debata, songon haotoan do barita taringot tu hamamate ni Kristus di parsilang i. Tapi anggo di hita na nipalua ni Debata, kuaso ni Debata do barita i.

PANGARATAION 13:3

ulang ma lehen hamu saotik pe rohamunu tusi. Na nipake ni Tuhan Debatamunu do halakna i laho manguji hamu laho marnida sanga na tutu situtu do sian sandok roha dihaholongi hamu Tuhan.

PANGARATAION 8:16

Di parhorsihan i dilehen Ia do manna gabe sipanganonmunu, i ma sipanganon na so jungada humani dope dipangan ompumunu di jolo ni i. Diparo Ia angka hamaolon tu dirimunu laho manguji hamu anso di ujungna tarbaen Ia mamasumasu hamu dohot rasoki.

PANGARATAION 8:2

Ingot hamu ma! Opat pulu taon lolotna Tuhan Debatamunu manogu-nogu hamu di pardalanan na dao manyalpui parhorsihan. Diloas Ia masa angka hamaolon tu hamu laho manguji hamu, anso tarida Ia sanga aha na giot baenonmunu jana sanga na oloanmunu do angka parentaNia.

HAKIM-HAKIM 2:22

Giot pakeonKu ma angka bangso i laho manguji bangso Israel anso Huboto sanga na ra do bangso Israel mangihutkon angka parentangKu songon angka ompu ni halahi, sanga nada.”

HAKIM-HAKIM 3:1

Jadi laho manguji angka halak Israel na so jungada mangalami parporangan di Kanaan, dipadiar Tuhan ma sanga na piga bangso laing maringanan di luat i.

HAKIM-HAKIM 3:4

Na gabe batu ujian do halahi di bangso Israel umbaen na laing disi halahi. Jadi songon i ma pamotona sanga na ihutkonon ni bangso Israel do angka parenta ni Tuhan tu ompu ni halahi marhite si Musa.