HARURUAR 15:22 - BIBEL JAMITA NA DENGGAN

²² Dung i dioban si Musa ma bangso Israel sian Laut Rara adop Parhorsihan Sur. Tolu ari halahi mardalan mamolus parhorsihan i nada ungada marsuo dohot aek.

HARURUAR 15:22 ပူးပေါင်းရင်းမြစ်များ

PAMUNGKAAN 16:7

Ro ma surusuruan ni Tuhan mandapotkon ia di lambung ni mual ni aek di parhorsihan, di dalan laho tu Parhorsihan Sur.

PAMUNGKAAN 20:1

Bungkas ma si Abraham sian Mamre tu sabola Selatan ni tano Kanaan, jana disi noma ia maringanan di antara ni Kades dohot Sur. Dung adong sadia honok di na niinganannia Gerar,

PAMUNGKAAN 25:18

Di holang-kolang ni Hawila dohot Sur do maringanan pomparannia i, i ma di Habincaran ni Mesir tu Asur. Marsirang do halahi sian pomparan ni si Abraham na asing i.

MASMUR 136:16

Diuluhon Ia bangsoNia mamolus parhorsihan, hot do holong ni rohaNia sapanjangna.

MASMUR 77:20

Songon parmahan diiring-iring Ho bangsoMu, na nipimpin ni si Musa dohot si Harun.

MASMUR 78:52

Jadi diuluhon Ia ma bangsoNia songon habanan ni biri-biri, mangiring halahi mamolus padang halongonan i.

MASMUR 78:53

Sonang jana nada mabiar halahi di panoguNia tapi didondoni hamatean do anggo musuna.

HARURUAR 17:1

Dung i kehe ma sude halak Israel maninggalkon Parhorsihan Sin, jana marpinda-pinda ma halahi sian inganan na sada tu inganan na asing mangihutkon parenta sian Tuhan. Sanoli marbandar halahi di Rafidim, tapi nada adong aek inumon disi.

HARURUAR 3:18

Tangihonon ni bangsongKi do angka hata na nidokmu. Dung i kehe ma ho rap dohot angka hatobangon ni Israel mangadop tu raja ni Mesir mandok tusia, ‘Tuhan, Debata ni halak Ibrani madung ro pataridahon diriNa tu hami. Paloas ma hami kehe saonnari, hira-hira tolu ari pardalanan daona tu halongonan laho manghaulkon haul tu Tuhan, Debatanami.’ ”

BILANGAN 33:8

Dung i ditinggalkon halahi ma Pi Hahirot torus manaripari Laut Rara dung i torus tu Parhorsihan Zur dung tolu ari di pardalanan, marbandar ma halahi di Mara.

1 SAMUEL 15:7

Dung i marporang ma si Saul dohot halak Amalek jana talu ma halahi dibaen ia di dalan na sian Hawila lopus tu Sur di Habincaran ni Mesir.

1 SAMUEL 27:8

Di hatiha i, na jotjotan do si Daud dohot parangannia mamorangi halak Gesur, halak Girsi dohot halak Amalek na maringanan di luat i. Diroro ia do tu tano ni halahi lalu tu Sur, sapanjang dalan tu Mesir,