HARURUAR 15:21 - BIBEL JAMITA NA DENGGAN

²¹ Marende ma si Miryam di halahi, “Marende ma di Tuhan, dibaen tarlobi do hamonanganNia kudo dohot na manenggetsa diambungkon Ia tu bagasan laut.”

HARURUAR 15:21 ပူးပေါင်းရင်းမြစ်များ

2 SAMUEL 1:20

Ulang nian habotoan i di angka halak na di Gat. Sai ulang habegean di angka banjar na di Askelon barita i. Ulang jabat dadaboru ni Pilistin marsurahi Ulang sanga angka boru ni na so marsunat marsurak manggorai.

2 SAMUEL 6:14

Dung i marsitutu ma si Daud manortori laho pasangapkon Tuhan. Pakeannia di hatiha i, i ma baju efod na sian abit linen.

MASMUR 76:6

Ale Debata ni si Jakob, Ho do manyonggak halahi, gabe marmatean ma sude na manengget dohot kudona i.

HARURUAR 15:1

Dung i diendehon si Musa dohot halak Israel ma ende on di Tuhan, “Giot marende ma au di Tuhan, hara ni na monang Ia marhasurungan. Kudo dohot na mangalombut diambungkon Ia tu bagasan laut.

HARURUAR 15:4

Tentara ni Mesir dohot angka karetana diambungkon Ia tu laut, tentara pilian na jumingar bonom di Laut Rara.

HALUMBAAN 14:3

Di jolo ni habangsa i dohot mahluk na opat i dohot di angka pamimpin na humaliang habangsa i diendehon angka halak si 144.000 i ma sada ende na imbaru. Nada tarparsiajari sanga ise pe ende i asing sian halak na 144.000 i. Angka halak na nipalua do halahi sian tano on.

HALUMBAAN 15:3

Jana diendehon halahi ma ende ni si Musa, naposo ni Debata i dohot ende ni Anak Ni Biri-biri i. Songon on ma ende ni halahi i, “Na godang jana hahomangan do angka pambaenanMu ale Tuhan, Debata Parkuaso Na Sumurung. Na tigor jana na sintong do sude dalanMu, ale Raja ni sude bangso.

HALUMBAAN 5:9

Dung i diendehon halahi ma sada logu na imbaru: “Hum Ho sajo do na patut mambuat buku on dohot mambuka angka capna i. Angke madung hona bunu Ho, jana hara ni hamamateMi madung ditobus Ho jolma tu Debata sian sandok marga, hata, negara, dohot bangso.

HAKIM-HAKIM 5:3

Angka raja dohot parkuaso tangihon hamu ma, marende au di Tuhan Debata, ni Israel.

1 SAMUEL 18:6

Di na mulak si Daud dung ditaluhon ia si Goliat halak Pilistin i, marbaris ma angka parangan i masuk tu bagasan kota, ruar ma angka dadaboru sian sude kota ni Israel laho mangalo-alo Raja Saul. Marende-ende na riang ma halahi jana manortori mamalu rapano dohot hasapi.

1 SAMUEL 18:7

Lalu marmoga-moga laing marendei ma angka anakboru i songon on, “Si Saul mamunu marribu-ribu musu, tapi si Daud mamunu marpulu ribu.”