HARURUAR 15:20 - BIBEL JAMITA NA DENGGAN

²⁰ Dung i dibuat si Miryam, i ma sada panurirang, iboto ni si Harun ma rapanonia jana sude dadaboru rap mamalu rapano lalu manortor.

HARURUAR 15:20 ပူးပေါင်းရင်းမြစ်များ

PAMUNGKAAN 31:27

Biasi pola akalanmu au gabe sip-sip ho kehe, nada marpaboa? Sugari marpaboa ho tu au pasti do hupatola ho laho kehe di bagasan jop ni roha jana niendean dohot musik dohot hasapi!

2 SAMUEL 1:20

Ulang nian habotoan i di angka halak na di Gat. Sai ulang habegean di angka banjar na di Askelon barita i. Ulang jabat dadaboru ni Pilistin marsurahi Ulang sanga angka boru ni na so marsunat marsurak manggorai.

2 SAMUEL 6:14

Dung i marsitutu ma si Daud manortori laho pasangapkon Tuhan. Pakeannia di hatiha i, i ma baju efod na sian abit linen.

2 SAMUEL 6:16

Dompak na maroban Poti i masuk ma tu bagasan kota i, manungkir ma si Mikal boru ni si Saul i sian jandela, diida ia ma Raja Daud marhujingjang dohot manortori laho pasangapkon Tuhan, jana gigi ma roha ni si Mikal mida si Daud.

2 SAMUEL 6:5

Si Daud dohot halak Israel i sude mardalan di jolo ni Poti i manortori lalu marendei sagogo-gogona laho pasangapkon Tuhan. Marhasapi, margondang, marnungneng dohot marhesek-hesek.

2 RAJA-RAJA 22:14

Gabe kehe ma halahi mangido panogu-noguon tu sada dadaboru na margoar si Hulda. Panurirang do ia na maringanan di parhutaan na imbaru di Jerusalem. Si Salum do goar ni halaklahina, i ma anak ni si Tikwa, pahompu ni si Harhas; mangurus pakean ibadat do karejonia di Bagas Ni Debata. Dung dibege si Hulda sude na nipatorang ni halahi i;

1 JUJUR TAON 15:16

Laing disuru si Daud muse ma angka pamimpin ni halak Levi i anso didok halahi sanga na piga-piga halak sian marga ni halahi laho marende na marlogu jop ni roha mamake hasapi dohot simbal.

1 JUJUR TAON 6:3

Si Amram dua anaknia, i ma si Harun dohot si Musa jana sada borunia, i ma si Miryam. Si Harun opat anaknia: Si Nadab, si Abihu, si Eleasar dohot si Itamar.

NEHEMIA 6:14

Martangiang ma au, “Ale Debata, sai ingot ma na nibaen ni si Tobia dohot si Sanbalat i. Uhumi ma halahi! Songon i panurirang dadaboru na margoar si Noaja dohot angka panurirang na asing i na mambiar-biari au.”

MASMUR 149:3

Puji ma goarNa markite-hite angka tortor, puji hamu ma Ia mardongan hasapi dohot gondang!

MASMUR 150:4

Puji ma Ia mardongan angka tortor dohot tambor, puji ma Ia mardongan suling dohot tulila!

MASMUR 30:11

Dipauba Ho hadangolanku gabe tortor siriaon digonti Ho hamarsahanku dohot hamogaon.

MASMUR 68:11

Dibaen Tuhan ma tanda panggora, jadi dioban angka dadaboru ma barita:

MASMUR 68:25

Mardalan ma di jolo angka parende, di pudina ma angka parhasapi; di tonga ma angka nauli bulung partambor; songon on ma da ende ni halahi,

MASMUR 68:26

“Puji ma Debata di tonga-tonga ni parlagutan ni bangsoNa, puji ma Tuhan, o hamu pomparan ni si Jakob sudena!”

MASMUR 81:2

Palu ma tambor, marende ma tangging piltik ma gambus dohot hasapi na mandonting.

HARURUAR 2:4

Jongjong ma iboto ni dakdanak i tar dumao sian inganan i laho mangaligi-ligi sanga aha na masa tu angginia i.

PARJAMITA 3:4

Adong do hatihana tangis dohot hatihana martata; hatihana mangandungi dohot hatihana manortor.

JEREMIA 31:4

PadengganonKu ma mangulahi parngoluonmunu. Sanoli nari buatonmunu ma rapano jana manortor ma hamu marjop ni roha.

MIKA 6:4

Madung Huoban hamu haruar sian Mesir, jana Hupalua sian parhatobanan; Husuru do si Musa, si Harun dohot si Miryam laho mamimpin hamu.”

BILANGAN 12:1

Dung i dibuat si Musa ma sada dadaboru halak Kus gabe dadaborunia, gabe digorahon si Miryam dohot si Harun ma i.

BILANGAN 12:2

Ninna halahi ma, “Hum markite-hite si Musa noma he mangkobari Tuhan i? Markite-hite hita pe nada he mangkobari Ia?” Dibege Tuhan do hata ni halahi i. (

BILANGAN 20:1

Di bulan parjolo bolkas ma halak Israel sudena tu Halongonan Zin jana marbandar ma halahi di Kades. Marujung ma ngolu ni si Miryam jana dikuburkon disi.

BILANGAN 26:59

na mardongan saripehon sada boru Levi. Dadaboru i margoar si Jokebed na sorang di Mesir do i. Anaknia dohot si Amram dua halaklahi i ma si Musa dohot si Harun dohot sada anak dadaboru na margoar si Miryam.

LUKAS 2:36

Adong muse do sahalak panurirang dadaboru na dung matobang situtu, i ma na margoar si Hanna. Boru ni si Panuel do i Marga Aser. Dung adong pitu taon ia marbagas

BAENON NI ANGKA RASUL 21:9

Adong do opat halak borunia na dung manjagit gogo sian Debata laho manjamitahon barita na sian Debata.

1 KORINTUS 11:5

Jana muda adong dadaboru na martangiang, sanga manyurirangi ia, hape inda marbasaen ulunia, na pabilehon ulunia i do i. Gabe tarsongon na marcukur ma ia muda songon i.

1 KORINTUS 14:34

Songon na masa di sude parlagutan ni halak na badia, angkon hohom do angka dadaboru di bagasan parlagutan. Nada tola halahi manghatai, tapi angkon unduk do halahi songon na nidok ni Tona i.

HAKIM-HAKIM 11:34

Di na mulak si Jefta tu Mispa, ro ma borunia mangalo-alo ia manortor lalu mamake rapano. Sasada i do dakdanaknia.

HAKIM-HAKIM 21:21

jana marjago-jago ma hamu disi. Jadi muda haruar angka bujing-bujing ni Silo laho manortor salolot Pesta Taonan di Tuhan, angkon ruar ma hamu sian angka kobun anggur i. Jadi angkon marsilojongkon ma sada be bujing-bujing i sian halahi jana dioban ma tu Luat Benyamin anso dibaen ripemunu be.

HAKIM-HAKIM 4:4

Di hatiha i, sada panurirang dadaboru do na mamimpin Israel, na margoar si Debora, dadaboru ni si Lapidot.

1 SAMUEL 10:5

Dung salpu i angkon kehe do ho tu dolok ni Debata na di Gibea, inganan parbandaran ni halak Pilistin. Di pintu masuk laho tu kota i, marsuo ma ho dohot panurirang sarombongan na manuat sian langgatan na di ginjang dolok i. Manortori do halahi jana marsurak-surak, mamalu gambus, rapano, suling dohot hasapi.

1 SAMUEL 18:6

Di na mulak si Daud dung ditaluhon ia si Goliat halak Pilistin i, marbaris ma angka parangan i masuk tu bagasan kota, ruar ma angka dadaboru sian sude kota ni Israel laho mangalo-alo Raja Saul. Marende-ende na riang ma halahi jana manortori mamalu rapano dohot hasapi.