HARURUAR 15:17 - BIBEL JAMITA NA DENGGAN

¹⁷ Ho do pataruhon halahi masuk, jana pahotkon halahi di ginjang ni dolokMu, inganan na nitodoMu gabe inganan parmiananMu; bagas na nipajongjongMu.

HARURUAR 15:17 ပူးပေါင်းရင်းမြစ်များ

2 SAMUEL 7:10

Boti muse, madung Huparade inganan di bangsongKu Israel jana Husuru halahi maringanan na hot disi, anso tarbaen halahi mangolu di bagasan sonang, nada adong na tarhapit.

1 RAJA-RAJA 8:13

Dison hupajongjong di Ho tarsongon bagas godang baen inganan ma i di Ho sapanjangna.”

MASMUR 114:2

dijadihon Tuhan ma Juda gabe habadiaanNa, Israel dibaen Ia gabe luat hakuasoonNia.

MASMUR 2:6

Ning Ia ma, “Di Sion, dolokKu na badia i madung Hupabangkit raja na Hupili i.”

MASMUR 44:2

Ho sandiri do paorotkon angka bangso anso hot bangsoMi di tano ni halahi. Diago Ho do angka bangso na asing i, hape anggo bangsoMi dipadiar Ho do mamopari.

MASMUR 68:16

Biasi ma manatap mangiburu ho Dolok Basan sian puncutna na bahat i tu Dolok Sion na nitodo ni Debata baen ingananNa? Angke i do na gabe Parmianan Ni Tuhan salolot-lolotna.

MASMUR 76:2

Jerusalem do ingananNia; Dolok Sion do inganan parmiananNia.

MASMUR 80:15

Ro ma Ho paluahon hami bangsoMon na songon bona ni anggur, i ma na nisuanMu sandiri.

MASMUR 80:8

Songon bona ni anggur do bangsoMu, na nipaimbarMu sian Mesir. Dipaorot Ho angka bangso na asing gabe disuan Ho anggur i di tano ni halahi.

HARURUAR 15:13

Setia do Ho tu janjiMu manogu bangso na dung nipaluaMu, diiring Ho do halahi tu tanoMu na badia marhite hagogoonMu.

HARURUAR 23:20

“Ingot ma suruonKu do surusuruanKu manjoloi hamu laho mangondihon hamu di pardalanan dohot maroban hamu tu inganan na dung Huparade.

HARURUAR 25:8

Suru ma anso dibaen bangso i di Au sada Bandar Na Badia, anso maringanan Au di tonga-tonga ni halahi.

HARURUAR 32:34

Tapi anggo ho kehe ma saonnari manogu-nogu bangso i tu inganan na dung Hupaboa tu ho; mardalan do surusuruanKu di jolomu; tapi di ari pamalosonKi baloskononKu ma tu bangso i dosa ni halahi i.”

JEREMIA 2:21

Husuan ho songon bona ni anggur na Hutodo sian tampang na sumurung. Hape saonnari ho gabe muba, songon hayu na muab busuk, hayu anggur na riar.

JEREMIA 31:23

Didok Tuhan Na Markuaso i, Debata ni Israel, “Muda dung Huoban bangsongKu mangulahi tu tano ni halahi sandiri, tarbege muse ma di tano Juda dohot di angka kotana i dokkonon ni halak, ‘Sai dipasupasu Tuhan ma da, ho ale inganan hasintongan ho ale dolok na badia!’

JEREMIA 32:41

Sonang ma rohangKu mambaen na denggan tu halahi jana baenonKu halahi hot di luat on sapanjangna.

JEHESKIEL 37:26

BaenonKu ma sada parjanjian dohot halahi na manjamin hasonangan ni halahi sapanjangna. PasupasuonKu, jana tambaanKu ma bilangan ni halahi. PajongjongonKu ma di tano ni halahi BagasKu na hot salolot-lolotna.

JEHESKIEL 37:28

Jadi muda dung ditonga-tonga ni halahi inganan na badiangKu salolot-lolotna, gabe botoon ni angka bangso na asing ma Au Tuhan, madung manodo Israel gabe bangsongKu sandiri.”

PANGARATAION 33:19

Diontang halak sileban tu dolok ni halahi haul na asli dihaulkon disi. Sian laut halahi dapotan arta sian horsik sapanjang ni pantaina.”

JOSUA 22:19

Antong hara ni i, muda na so patut do luatmunu i baenon gabe inganan marsomba tu Tuhan, pinda ma hamu tuson tu tano ni Tuhan, di inganan ni Bandar Parmianan Ni Tuhan. Pangido hamu ma deba luatnami on, tapi ulang antong alo hamu Tuhan, sanga mambaen hami mangalo Tuhan marhite na pajongjongkon sada langgatan na asing, angke na dung adong do antong langgatan ni Tuhan Debatanta.