HARURUAR 15:16 - BIBEL JAMITA NA DENGGAN

¹⁶ Biar dohot sursar mandondoni halahi; O Tuhan, paida-ida gogoMi, jana umpe margogo be jongjong hara ni na humitir halahi lopus mamolus bangsoMi – bangso na nipaluaMu sian parhatobanan i.

HARURUAR 15:16 ပူးပေါင်းရင်းမြစ်များ

PAMUNGKAAN 35:5

Di na mardalan si Jakob dohot angka dakdanaknia i, digohi biar ma sude halak kota na humaliang i, gabe nada puluk halahi mangkojar si Jakob.

2 SAMUEL 7:23

Jana nada adong sada bangso di tano on songon Israel. Hum sasada Israel do bangso na nipaluaMu sian parhatobanan anso baenonMu gabe bangsoMu sandiri. Sude pambaenanMu na godang i dohot hahomangan na nibaenMu tu halahi, na pararatkon hahuskuson ni goarMu do i tu sandok tano on. Madung dipaorot Ho angka bangso na asing dohot angka debata ni halahi di na kehe bangsoMi tu paraloan.

MASMUR 105:38

Mabiar halak Mesir mida halahi, gabe marjop ni roha halak Mesir di na kehe halahi.

MASMUR 74:2

Ingot ma bangso na nadipulditMi sian narobi, bangso na nipaluaMu anso gabe bangsoMu sandiri. Ingot ma Dolok Sion, na nibaenMu gabe ingananMu.

MASMUR 89:14

Hatigoran dohot hajujuron do ojahan ni harajaanMu, torang do huida holong dohot habonaron di sude na nibaenMu.

HARURUAR 11:7

Tapi anggo di halak Israel, bope jolma bope pahan-pahanan nada adong na mahua. Jadi gabe botoonmu ma, Au do Tuhan na mambaen marasing halak Mesir sian halak Israel.’ ”

HARURUAR 15:13

Setia do Ho tu janjiMu manogu bangso na dung nipaluaMu, diiring Ho do halahi tu tanoMu na badia marhite hagogoonMu.

HARURUAR 15:5

Laut na bagas mangalingkup halahi; songon batu, bonom di bagasan laut i.

HARURUAR 15:6

Tangan siamunMi ale Tuhan, tung na so tarpatudos hagogoanna, tangan siamunMi ale Tuhan mangaropuk angka musu.

HARURUAR 18:8

Dicaritohon si Musa ma sude tu si Jetro sanga na aha na nibaen ni Tuhan maradopkon raja Mesir dohot bangsona i laho paluahon halak Mesir. Laing dicaritohon ia ma dohot hamaolon na niadopan ni bangso i di tonga dalan, jana songon dia dibaen Tuhan paluahon halahi.

HARURUAR 20:2

“Au do Tuhan Debatamu, na maroban ho ruar sian tano Mesir, sian tano parhatobanan i.

HARURUAR 23:20

“Ingot ma suruonKu do surusuruanKu manjoloi hamu laho mangondihon hamu di pardalanan dohot maroban hamu tu inganan na dung Huparade.

HARURUAR 23:22

Tapi muda burju do hamu mangoloi tusia dohot patuluskon sandok na Huparentahon, sosohononKu ma musumu jana Au ma marporang mangalo sude musumunu.

HARURUAR 23:27

Gok biar maradopkon Au baenonKu angka bangso na mangalo hamu. PagolaponKu roha ni angka halak na mamorangi hamu; mulak be do angka musumunu marsipalua dirina sian hamu.

HARURUAR 6:7

Gabe bangsongKu ma hamu baenonKu jana Au gabe Debatamunu. Anso diboto hamu, Au do Tuhan Debatamunu di na Hupalua hamu sian parhatobanon di Mesir.

JESAYA 51:10

Ho muse do na pahiangkon laut bidang; na mambaen dalan sian aek i, gabe tarbaen bangso na nipaluaMi manariparisa.

JESAYA 63:12

Di dia do na mandongani si Musa marhite tanganNa na gogo marmulia, jana na mambola aek di jolo ni bangsoNia anso tarbarita goarNia?

JEREMIA 31:11

Madung malua Hubaen halak Israel sian bangso na gogo halahi Hupalua.

JEHESKIEL 16:8

Dung i mamolus ma Au sian i jana Huida ma ho, tutu, madung hatihana ho marhaposoon. Hupahembang ma abitKu tu ho laho mangulosi ho. Hubaen ma parjanjian dohot ho, songon i ma pandok ni Tuhan Debata, jana marhite na songon i Au ma nampuna ho.

BAENON NI ANGKA RASUL 20:28

Antong jagohon hamu ma dirimunu dohot sude habanan i, harana madung dipabangkit Tondi Parbadia hamu gabe parmahan. Parmahani hamu ma parlagutan ni Tuhan i, na nibaen gabe nampunaNia markite-hite mudarNia sandiri.

PANGARATAION 11:25

Di sude luat i, baenon ni Tuhan Debatamunu i ma gok biar angka bangso i maradopkon hamu, songon na dung dijanjihonNia, lopus nada adong sahalak pe na mangambati hamu.

PANGARATAION 2:25

Mamungka sadari on baenonKu ma angka bangso sanga na di dia pe mabiar tu hamu. Sandok jolma gabe humitir ma mabiar muda dibegesa didok goarmunu.’ ”

PANGARATAION 2:4

Dung i disuru Tuhan ma au mangalehen sitiopan ni roha di hamu songon on, ‘Nada sadia honok nari masuhanmunu ma tano partoran Edom, luat ni angka kahanggimunu pomparan ni si Esau. Mabiar ma halahi tu hamu, tapi angkon marjaga-jaga do hamu.

PANGARATAION 32:6

Songon i ma he pamalosmu di hadengganan ni Tuhanmu, ale jolma na so marbisuk boti na sun otomu? Nada he Amangmu do Ia, na manjadihon ho, na manompa hamu gabe sada bangso?

PANGARATAION 32:9

Hape anggo pompar ni si Jakob on dipili Tuhan diSia sandiri antong.

TITUS 2:14

Madung dihaulkon Ia diriNia hara ni hita laho paluahon hita sian hajahatan sudena, jana dibaen Ia hita gabe bangso hapunjunganNia, jana na ringgas mambaen na denggan.

JOSUA 2:9

jana didok ia ma tu halahi, “Huboto do na dung dilehen Tuhan do anggo luat on tu hamu. Sude do halak na dison mabiar tu hamu.

JOSUA 4:24

Marhite na masa on gabe botoon ni sude jolma na di tano on ma sanga songon dia godangna kuaso ni Tuhan. Jana pasangaponmunu ma Tuhan Debatamunu salolot-lolotna.”

1 PETRUS 2:9

Tapi anggo hamu, bangso na Hupili do hamu, angka harajaan hamalimon, bangso na badia, bangso hapunjungan ni Debata. Ia do na mamiohon hamu haruar sian hagolapan anso masuk tu bagasan sinondangNia na tumorang i, anso pararatonmunu barita taringot tu angka pambaenanNia na godang i.

2 PETRUS 2:1

Najolo di tonga-tonga ni bangso ni Debata, ro do angka panurirang pargabus. Laing songon i muse do di tonga-tongamunu, marroan ma angka guru pargabus. Baritahonon ni halahi ma angka pangajaran na so tutu, na pasegohon. Jana diporso halahi do Parkuaso na dung marhancit laho paluahon halahi. Jadi na mangalap magona do halahi disi, na tibu mandondoni halahi sandiri.

1 SAMUEL 2:9

Halak na tigor do na sai sonang di bagasan pangaramotion ni Tuhan. Tapi anggo na jahat sai na sarsar do i mago di bagasan hagolapan na marimpot-impot. Gogona sandiri so tarpangasahon, so tarlehen gogo ni jolma hamonangan.

1 SAMUEL 25:37

Ancogotna i dung nada be mabuk si Nabal, dipaboa dadaborunia i ma taringot tu sude na masa i. Jadi taroktohon ma si Nabal jana gabe so noma jantungnia jana lumpuon ma pamatangnia.