HARURUAR 15:14 - BIBEL JAMITA NA DENGGAN

¹⁴ Madung dibege angka bangso, jana humitir be halahi mabiar, halak Pilistin pe gabe manyogar.

HARURUAR 15:14 ပူးပေါင်းရင်းမြစ်များ

1 JUJUR TAON 14:17

Gabe tarbonggal ma goar ni si Daud sun ro di dia, jana mabiar ma dibaen Tuhan sandok bangso tu si Daud.

MASMUR 48:6

Humitir be ma halahi mabiar disi jana mangae na hancit songon ina na giot di api.

MASMUR 48:7

Songon kapal na dumaol-daol diombus alogo.

JESAYA 14:29

O ale bangso Pilistin, madung maponggol potuk-potuk na nipake laho mamukul ho. Tapi ulang pola marjop ni roha ho, angke muda mate pe sada ulok, laing ro do ulok na jumahat manggontisa, jana manotas ma pira ni ulok jana ruar ma naga na marhabong.

JESAYA 14:31

Martangisan ma hamu, jana marsurahi mangido tolong, hamu ale angka kota ni Pilistin! Humitir ma hamu sugari nian mabiar! Marbual-bual do abuan sian Utara tanda ni haroro ni tentara na garang-garang; nada adong sahalak pe sian halahi parbiar.

JESAYA 23:5

Salangkan halak Mesir pe gabe humitir-hitir ma jana gaor muda dung tarbege na dung dironcohon kota Tirus.

JEHESKIEL 32:9

Di na Huparentahon barita taringot tu hasesegomu di angka luat na so nitandamu dope, bahat ma bangso gabe sak rohana.

HABAKUK 3:6

Muda jongjong Ho, humutur ma tano; muda manatap Ho, humitir ma angka bangso. Mangkahoping ma angka dolok sian najolo; angka tor sian narobi gabe marondo, di angka tanggurung ni tor i ma mardalani Ho di hatiha na robi.

HABAKUK 3:7

Huida ma mabiar rayat ni Kusan, jana humitir halak Midian.

BILANGAN 14:14

Jana nadung dibaritahon halahi do angka pangalaho i tu halak na maringanan di luat on. Jadi madung diboto halahi, na rap do Ho dohot hami. Jana madung dibege halahi, bahaso tarida do Ho tangkas muda maradian ombunMu di ginjangnami, dijoloi Ho do hami mardongan tiang ombun muda arian, jana marhite tiang api muda borngin.

BILANGAN 22:5

ma suruanna laho mamio si Bileam anak ni si Beor na maringanan di kota Petor donokkon ni Batang aek Efrat di Luat Amau. Dipalalu angka suruan i ma tu si Bileam tona sian si Balak songon on, “Anso diboto ho, adong sada bangso na ro sian Mesir, sarsar do halahi sun tu dia, gabe parmaraan do on di luatnami.

PANGARATAION 2:25

Mamungka sadari on baenonKu ma angka bangso sanga na di dia pe mabiar tu hamu. Sandok jolma gabe humitir ma mabiar muda dibegesa didok goarmunu.’ ”

JOSUA 10:2

Tarancam situtu ma pangkilalaan ni halak na maringanan di Jerusalem, angke sarupa do godang ni Gibeon dohot angka kota na marraja; gumodang dope tehe sian Ai, jana angka halakna pe angka parporang na malo-malo do.

JOSUA 2:11

Disi hami bege barita i, gabe sun ma biarnami. Ma pola mago habaranion nami hara ni hamu. Debata ni langit dohot tano do anggo Tuhan Debatamunu.

JOSUA 9:24

Dialusi halahi ma, “Hami baen pe songon i tuannami, hara ni na dung hami bege do bahaso na dung disuru ni Tuhan Debatamunu do si Musa, naposoNia i, mangalehen tu hamu sude luat on dohot mamunu sude jolma na tinggal di angka inganan na nidapotkonmunu. Jadi gabe mabiar situtu hami tu hamu; mabiar hami hona bunu, i ma dalanna umbaen na hami baen sudena on.

JOSUA 9:9

Jadi dicaritohon halahi ma tu si Josua songon on, “Na sian luat na dao situtu do hami ro, tuan, dibaen madung hami bege taringot tu Tuhan Debata na nisombamunu tuannami. Madung hami bege taringot tu sude na nibaenNia di Mesir.

1 SAMUEL 4:7

gabe mabiar ma halahi jana didok halahi ma, “Adong ro Debata tu parbandaran ni halahi! Mago ma hita on! Na so unjung dope taalami na songon on!

1 SAMUEL 4:8

Anggo on mago ma hita! Ise dope tarbaen paluahon hita sian Debata Na Gumogo i? Nada he Debata i do na mamunu halak Mesir di parhorsihan i najolo?