HARURUAR 15:13 - BIBEL JAMITA NA DENGGAN

¹³ Setia do Ho tu janjiMu manogu bangso na dung nipaluaMu, diiring Ho do halahi tu tanoMu na badia marhite hagogoonMu.

HARURUAR 15:13 ပူးပေါင်းရင်းမြစ်များ

PAMUNGKAAN 19:16

Ganggu dope si Lot. Tapi ibo ma roha ni Tuhan mida ia; jadi gabe ditogu tamu na dua i ma si Lot dohot daborunia dohot borunia na dua i, dioban ma halahi tu ruar ni kota i.

2 SAMUEL 15:25

Dung i didok raja i ma tu si Zadok, “Paulak ma mangulahi Poti Parjanjian i tu kota i. Muda na lomo do roha ni Tuhan tu au, paloasonNia do au mulak marnida Poti Parjanjian i dohot inganan parmiananNia i mangulahi.

NEHEMIA 9:12

Muda arian dipimpin Ho do halahi dohot tiang ombun, muda borngin torang boluson ni halahi hara ni tiang api na gara.

MASMUR 106:9

Hara ni parentaMu, mahiang ma Laut Rara, dibolus bangsoMu laut i, songon na mardalan di tonga padang.

MASMUR 74:2

Ingot ma bangso na nadipulditMi sian narobi, bangso na nipaluaMu anso gabe bangsoMu sandiri. Ingot ma Dolok Sion, na nibaenMu gabe ingananMu.

MASMUR 77:20

Songon parmahan diiring-iring Ho bangsoMu, na nipimpin ni si Musa dohot si Harun.

MASMUR 78:35

Diingot halahi ma, Debata do pangondian di halahi jana Debata Na Gumincat i do na palua halahi.

MASMUR 80:1

Ale Parmahan ni Israel, tangihon ma hami, Ho do pamimpin ni bangsoMu, sai parrohahon hami. Ho na marhabangsa di ginjang ni kerub, ro ma Ho mardongan sahala na godang.

HARURUAR 15:16

Biar dohot sursar mandondoni halahi; O Tuhan, paida-ida gogoMi, jana umpe margogo be jongjong hara ni na humitir halahi lopus mamolus bangsoMi – bangso na nipaluaMu sian parhatobanan i.

HARURUAR 15:17

Ho do pataruhon halahi masuk, jana pahotkon halahi di ginjang ni dolokMu, inganan na nitodoMu gabe inganan parmiananMu; bagas na nipajongjongMu.

HARURUAR 20:2

“Au do Tuhan Debatamu, na maroban ho ruar sian tano Mesir, sian tano parhatobanan i.

HARURUAR 6:6

Jadi baen ma boa-boa tu bangso Israel, bahaso madung Hudok tu halahi: ‘Au do Tuhan; sai na urupanKu do hamu jana paluaonKu sian parhatobanon ni bangso Mesir i. SurduhononKu tanganKu na gogo i mandabu uhum na dokdok tu bangso Mesir, jana paluaonKu hamu.

JESAYA 51:10

Ho muse do na pahiangkon laut bidang; na mambaen dalan sian aek i, gabe tarbaen bangso na nipaluaMi manariparisa.

JESAYA 57:15

Angke songon on do pandok ni Na Gumincat jana Na Marmulia na marhabangsa salolotna jana Na Sun Badia goarNa: “Di inganan na gincat jana badia do habangsangKu, tapi rap muse do dohot halak na magopu jana na toruk rohana, laho pangoluhon arop ni roha ni halak na toruk roha dohot laho pangoluhon roha ni halak na magopu.

JESAYA 63:9

sian sude hasusaan ni halahi. Nada tongoson ni Tuhan suruan sanga duta, Ia sandiri do paluahon halahi. Sian narobi do dipature-ture Ia halahi hara ni holong dohot ibo ni rohaNia.

JEREMIA 2:6

Nada diantoi halahi Au; Au do nian na dung manogu halahi di dalan, jana na maroban halahi ruar sian Mesir, manyalpui parhorsihan; tano gariang na margaba-gobi, boti na harsang gok parmaraan padang na so diingani jana nada adong mamolus sian i!

EPESUS 2:4

Tapi na godang do denggan ni roha ni Debata! Songon i ma holong ni rohaNia tu hita.

1 PETRUS 1:5

Di hamu do i sudena, hara ni na dung porsaya hamu tu Debata. Gabe dijago kuaso ni Debata ma hamu anso dohot hamu manjagit haluaan na dung singkop giot pabotohonon di hatiha parpudi.