HARURUAR 15:1 - BIBEL JAMITA NA DENGGAN

¹ Dung i diendehon si Musa dohot halak Israel ma ende on di Tuhan, “Giot marende ma au di Tuhan, hara ni na monang Ia marhasurungan. Kudo dohot na mangalombut diambungkon Ia tu bagasan laut.

HARURUAR 15:1 ပူးပေါင်းရင်းမြစ်များ

NEHEMIA 9:11

Laho mambaen dalan di bangsoMu, laut dibolahon Ho; di dalan na so maraek halahi dipataripar Ho. Marmogapan angka na mangkojar halahi di aek na bagas, songon batu na bonom di laut na jingar boti na ganas.

JOB 36:24

Sai na pujion do Ia hara ni pambaenanNia; jana ho pe patutna dohot mamparsangapi Ia.

MASMUR 105:43

Jadi ditaruhon Ia bangsoNia mardongan jop ni roha, marendei halahi marsurak marmoga-moga.

MASMUR 106:12

Gabe porsaya ma bangsoMu di janjiMi, jana marende di Ho mamuji.

MASMUR 107:15

Patut ma da antong halahi mandok tarimakasi, dibaen tongtong halahi dihaholongi Tuhan, dipatupa Ia di halahi angka hahomangan.

MASMUR 107:8

Patut ma da antong halahi mandok tarimakasi dibaen sai holong roha ni Tuhan di halahi, dipatupa Ia angka hahomangan di halahi.

MASMUR 32:7

Ho do inganan parsimonjapanku, diondingi Ho do iba sian mara. Gabe marsurak ma au hara ni moga ni roha, dibaen dipalua Ho do antong iba.

MASMUR 76:6

Ale Debata ni si Jakob, Ho do manyonggak halahi, gabe marmatean ma sude na manengget dohot kudona i.

MASMUR 76:7

Sude do halak mabiar be mida Ho, muda pola marsijongjong murukMu, ise ma he na tahan?

HARURUAR 14:26

Didok Tuhan ma tu si Musa, “Pahortang ma tanganmu tu ginjang ni laut i, dung i mulak ma mardomu aek i mangogap halak Mesir i, bope angka kareta dohot angka na juguk di kareta i.”

HARURUAR 14:27

Dung i dipahortang si Musa ma tangannia tu ginjang laut i, jana marayak andostorang, mulak ma mardomu aek i songon na somal bagasna. Digogo halak Mesir i ma paluahon dirina, hape diparambungkon Tuhan halahi tu bagasan aek i.

HARURUAR 15:21

Marende ma si Miryam di halahi, “Marende ma di Tuhan, dibaen tarlobi do hamonanganNia kudo dohot na manenggetsa diambungkon Ia tu bagasan laut.”

HARURUAR 18:11

Saonnari madung huboto, gumodang do hape Tuhan i sian sandok debata, harana di hatiha di hasombongan ni halak Mesir maradopkon halak Israel do dibaen Tuhan sudena on.”

PODA 29:6

Tardapot do parjahat dibaen dosana, halak na tigor bebas jana moga pangkilalaanna.

JESAYA 42:10

Endehon ma logu na imbaru di Tuhan, jana puji ma Ia sian sude parsuhi ni tano on. Gumadobur ma laut maradu sude isina, dohot angka pulo rap dohot sandok na manginganisa.

JEREMIA 51:21

Hupake do ho laho mangaropuk kudo dohot na manenggetsa, maradu kareta dohot na marobansa.

HOSEA 2:17

Dung i padaoonKu ma goar ni angka Baal sian pamanganmu gabe nada dokkonon be goar ni halahi.

HABAKUK 3:18

Sai tongtong noma au marjop ni roha di bagasan Tuhan, jana maria-ria di bagasan Debata Sipalua au.

BILANGAN 21:17

Di hatiha i ma diendehon halak Israel, ende on, “Ale sumur-sumur, marbuldak ma baen aekmu, sambutonnami ma i mardongan logu.

KOLOSSE 2:15

Sude angka tondi na mamarenta dohot na markuaso gabe gale noma di parsilang ni Kristus i. Gabe sitontonan ni halak na bahat noma halahi dibaen, di na niiring ni Kristus halahi songon halak na tartaban di uduran ni hamonanganNia.

HALUMBAAN 15:3

Jana diendehon halahi ma ende ni si Musa, naposo ni Debata i dohot ende ni Anak Ni Biri-biri i. Songon on ma ende ni halahi i, “Na godang jana hahomangan do angka pambaenanMu ale Tuhan, Debata Parkuaso Na Sumurung. Na tigor jana na sintong do sude dalanMu, ale Raja ni sude bangso.