HARURUAR 14:4 - BIBEL JAMITA NA DENGGAN

⁴ Jogal do baenonKu rohania anso gabe diayak-ayak ia hamu. Hamonanganmunu maradopkon raja ni Mesir dohot tentarania i ma mambaen halak pagodangkon Au. Gabe botoon ni halak Mesir i ma, Au do Tuhan.” Dipatulus halak Israel do songon na nidok ni Tuhan tu halahi.

HARURUAR 14:4 ပူးပေါင်းရင်းမြစ်များ

NEHEMIA 9:10

Dibaen Ho do hahomangan tu raja i, maradopkon pagawe maradu sude rayat di luatna i, dibaen diboto Ho do bangsoMi na niparkancitan ni halahi, gabe tarbonggal ma lopus tu sadari on goarMi.

HARURUAR 10:2

anso tarcaritohon ho i tu anakmu dohot tu pahompumu sanga songon dia Hubaen marmayam-mayamkon bangso Mesir marhite hahomangan na dung Hubaen di tonga-tonga ni halak i. Sude ma hamu mambotosa, bahaso Au do Tuhan.”

HARURUAR 10:27

Dipajogal Tuhan do roha ni raja i; gabe nada diloas raja i bangso Israel kehe.

HARURUAR 12:28

Dung i kehe ma halak Israel patuluskon na niparentahon ni Tuhan tu si Musa dohot si Harun.

HARURUAR 14:23

Diayak-ayak halak Mesir ma halahi lalu mangihut masuk tu laut i dohot sude kudo, kareta dohot na maroban kareta i.

HARURUAR 14:25

Marsangkotan ma dibaen Ia angka roda ni kareta i, jadi gabe maol ma mardalan. Ninna halak Mesir i ma, “Tuhan do marporang di halak Israel mangalo hita. Beta ma hita morot sian on!”

HARURUAR 14:3

Gabe diambang raja Mesir ma na madang-adang halak Israel di luat on, jana tarhurung dibaen parhorsihan i.

HARURUAR 14:5

Dung dibege raja ni Mesir na dung maporus halak Israel i, manyosal ma ia rap dohot menterinia i, ninna halahi ma, “Mambaen bia dehe hita? Tapadiar do halak Israel i kehe, gabe mago ma hatobanta di na kehe halahi?”

HARURUAR 14:8

Dipatangkang Tuhan do roha ni raja i, gabe diayak-ayak ia halak Israel na mardalan maninggalkon luat i di bagasan na niondihon ni Tuhan i.

HARURUAR 18:11

Saonnari madung huboto, gumodang do hape Tuhan i sian sandok debata, harana di hatiha di hasombongan ni halak Mesir maradopkon halak Israel do dibaen Tuhan sudena on.”

HARURUAR 6:7

Gabe bangsongKu ma hamu baenonKu jana Au gabe Debatamunu. Anso diboto hamu, Au do Tuhan Debatamunu di na Hupalua hamu sian parhatobanon di Mesir.

HARURUAR 7:17

Saonnari, Na Marmulia i Tuhan mandok, botoon ni raja i ma sian na giot baenonNia, sanga ise Tuhan i. Ligi da, lipatonku ma aek ni batang aek on dohot tungkot on, jana muba ma aek i gabe mudar.

HARURUAR 7:3

Tapi mur patangkangonKu do roha ni raja i. Nada tangihononnia hatamu, hara ni i bahat ma Hupamasa hahomangan di Mesir.

HARURUAR 7:5

Dung i botoon ni halak Mesir i ma bahaso Au do Tuhan, di hatiha Huuhumi halahi jana Huoban Israel haruar sian luat ni halahi.”

HARURUAR 9:16

Tapi Hupadiar dope mangolu hamu laho patidahon kuasongKu tu hamu, anso tarbonggal goarKu tu sude portibi on.

JEHESKIEL 20:9

Tapi nada Hupalalu i anso ulang marlayas goarKu dibaen angka bangso di tano na niinganan ni halahi. Harana na dung Hupabotohon do tu bangso Israel di jolo ni angka bangso-bangso i, na giot obanonKu halahi ruar sian Mesir.

JEHESKIEL 28:22

Palalu ma tu halak kota i, Au Tuhan Debata mandok tu halahi, ‘Musumu do Au, ale Sidon. Pujion ni halak ma Au hara ni pambaenanKu tu ho. Di na Huuhumi halak na mangingani ho, botoon ni halahi ma Au do Tuhan Na Badia jana na magigi tu sude na jahat.

JEHESKIEL 32:15

Muda dung Hubaen Mesir gabe halongonan na lungun, jana Humatehon sude na adong disi botoon ni halahi ma Au do Tuhan.

JEHESKIEL 38:16

Songon halingsungsung na manondong portibi on. Muda dung dapot hatihana, tongosonKu ma ho laho mambuat tanongKi. Marhite na Hubaen i di na Hupake ho ale Gog, botoon ni angka bangso ma sanga ise do Au, i ma Debata Na Badia.

JEHESKIEL 38:23

Songon i ma dalanna baenonKu laho patuduhon tu ganop bangso paboa na badia jana na godang do Au. Jadi botoon ni halahi ma bahaso Au do Tuhan.”

JEHESKIEL 39:13

Sude do halak na di luat i dohot mangurupi laho pasidungkon panguburan i; jana domu tusi jagiton ni halahi ma tanda ni hadengganan di ari ni hamonanganKu. Au Tuhan Debata madung mandok songon i.

HAMALIMON 10:3

Didok si Musa ma tu si Harun, “On ma pikiran ni Tuhan i di na nidokNia, ‘Sude halak na giot mangoloi Au angkon pasangaponna do Au angke sasada Au do Debata. Giot patuduhononKu hamuliaonKu tu bangsongKu.’ ” Tapi hohom do si Harun.

SURAT NI SI PAULUS TU PARLAGUTAN ROM 11:8

Songon na tarsurat, “Lopus tu ari sadari on madung dilehen Debata di halahi tondi parpodom, mata na so marnida dohot pinggol na so marbinege.”

SURAT NI SI PAULUS TU PARLAGUTAN ROM 9:17

Angke Buku Na Badia i mandok tu raja ni Mesir, “Hubaen pe ho gabe raja, na adong do sada maksudKu, i ma laho patuduhon kuasongKu markite-hite ho jana mambaen tarbonggal goarKu di portibi on sudena.”

SURAT NI SI PAULUS TU PARLAGUTAN ROM 9:18

Jadi, maribo ni roha do Ia tu sada-sada halak, muda por rohaNia mambaen songon i. Jana dipapir Ia do roha ni sada-sada halak, muda giot baenonNia songon i.

JOSUA 11:20

Dipajogal Tuhan do roha ni halahi laho marporang mangalo angka halak Israel, anso hona pusa halahi jana dibunu sude nada adong ampunanna. Songon i do parenta ni Tuhan tu si Musa.

HAKIM-HAKIM 4:7

Giot baenonKu annon si Sisera panglima ni tentara ni si Jabin i ro dohot tentarania i dohot angka kareta porangna i mandapotkon hamu di Batang aek Kison laho mamorangi hamu. Tapi na giot lehenonKu do hamonangan di hamu di parporangan i.’ ”