HARURUAR 14:31 - BIBEL JAMITA NA DENGGAN

³¹ Dung diida halak Israel ditaluhon Tuhan halak Mesir i markite-hite kuaso na godang, tarhalomong ma halahi tu Tuhan. Porsaya ma halahi tuSia dohot tu si Musa naposoNa i.

HARURUAR 14:31 ပူးပေါင်းရင်းမြစ်များ

2 JUJUR TAON 20:20

Ancogotna i sogot sajo dope, ruar ma rayat i jana kehe ma halahi tu luat halongonan na di lambung ni Tekoa. Di na laho kehe halahi, jolo didok si Josafat ma sipaingot songon on, “Hamu angka rayat ni Juda dohot Jerusalem! Porsaya ma hamu tu Tuhan Debatamu, gabe margogo ma hamu martahan. Jagit hamu ma angka sipaingot sian panurirangmunu, gabe manjadi ma hamu!”

NEHEMIA 9:9

Diligi Ho do parkancitan ni ompunami di hatiha na salpu: Ditangihon Ho do tangis ni halahi di Mesir dohot Laut Rara.

MASMUR 119:120

Humitir do au hara ni na mabiar mida Ho, panyogiton do au maradopkon haputusanMu.

HARURUAR 19:9

Didokkon Tuhan ma tu si Musa, “Ro ma Au mandapotkon ho di bagasan ombun na hapal, anso dibege angka jolma i mandok hata Au tu ho, jana mamungka sian on, porsaya noma halahi tu ho.” Laing dipalalu si Musa muse ma antong alus ni bangso i,

HARURUAR 4:31

Gabe porsaya ma halahi boti dung dibege halahi bahaso na dung ro hape Debata marnida sude parkancitan ni halahi, dipaunduk halahi ma marsomba tu Debata.

LUKAS 8:13

Same na madabu tu tano na marbatu i, i ma manggambarkon angka halak na manangihon hata i jana na manjagitsa mardongan sonang ni roha. Tapi nada jabat marurat di bagasan roha ni halahi. Hum santongkin sajo do halahi porsaya hape di na ro pandugaan, marbalik ma halahi.

JOHANNES 11:45

Bahat do halak Jahudi na marroan i manopotkon si Maria gabe porsaya tu Jesus, dung diida halahi na masa i.

JOHANNES 2:11

I ma tanda hahomangan na parjolo dibaen Jesus; i ma na nibaenNia di Kana na di Luat Galilea. Dipatuduhon Jesus ma hasangapanNia markite-hite hahomangan i. Gabe porsaya ma tuSia angka siseanNia i.

BAENON NI ANGKA RASUL 8:13

Si Simon pe gabe porsaya ma. Dung tardidi ia laing torus ma dipaihut-ihut ia si Pilipus. Homang-homang muse ma si Simon paida-ida angka tanda hahomangan na tarjadi i.

IBRANI 3:5

Si Musa pe nian burju do ia songon pangoloi di tonga-tonga ni bagas ni Debata jana dipaboa ia do angka na giot ro.

JOSUA 24:7

pio-pio ma halahi tu au mangido tolong. Jadi gabe manggolap Hubaen inganan antara ni halahi dohot angka halak Mesir i, jana Huparo aek ni laut mangalingkup angka halak Mesir i lopus bonom halahi sudena. Pendekna, sanga aha na Hubaen maradopkon Mesir, sudena i diboto hamu do. Dung i honok sajo ma hamu maringanan di parhorsihan.

JOSUA 4:14

Dibaen Tuhan ma di ari i angka pangalaho na mambaen bangso Israel manjujung si Josua gabe halak na godang. Dipasangap halahi ma si Josua, salolot mangolu ia songon na diparsangapi ni halahi si Musa.

JOSUA 4:24

Marhite na masa on gabe botoon ni sude jolma na di tano on ma sanga songon dia godangna kuaso ni Tuhan. Jana pasangaponmunu ma Tuhan Debatamunu salolot-lolotna.”

1 SAMUEL 12:16

Saonnari ulang jolo hamu kehe! Parate-atehon hamu ma hahomangan godang na giot sibaenon ni Tuhan di jolomunu.

1 SAMUEL 12:18

Dung i martangiang ma si Samuel jana laing di ari i diparo Tuhan ma ronggur dohot udan. Mabiar be ma sude bangso i tu Tuhan dohot tu si Samuel.