HARURUAR 14:30 - BIBEL JAMITA NA DENGGAN

³⁰ Di ari i ma dipalua Tuhan bangso Israel sian halak Mesir, jana diida halak Israel do angka bangke ni halak Mesir i marpayahan di topi ni laut i.

HARURUAR 14:30 ပူးပေါင်းရင်းမြစ်များ

2 JUJUR TAON 32:22

Songon i ma carana dibaen Tuhan paluahon Raja Hiskia dohot halak Jerusalem sian kuaso ni si Sanherib raja ni Asur i dohot sian musu ni halahi na asing i. Dilehen Tuhan ma tu halahi pangalaho na denggan mardongankon angka negara-negara hombar balok ni halahi.

MASMUR 106:10

Gabe malua ma halahi sian tangan ni musuna, sian tangan ni alona, halahi dipalua.

MASMUR 106:8

Tapi hombar tu janjiMu, dipalua Ho do halahi, anso mur tangkas haidaan sahalaMi.

MASMUR 58:10

Marjop ni roha halak na burju, paida-ida halak parjahat hona uhum, jana mambasu patna dohot mudar ni halak na durako.

MASMUR 59:10

Dihaholongi jana didapotkon Debatangku do au, dipaloas Debatangku do au marnida hataluan ni musungku.

MASMUR 91:8

Idaonmu sandiri do halak parjahat hona uhuman.

HARURUAR 14:13

Dialusi si Musa ma, “Ulang hamu mabiar! Martahan ma hamu, idaonmunu ma sanga aha sibaenon ni Tuhan laho paluahon hamu sadari on; nada idaonmunu be halak Mesir i.

JESAYA 63:11

Jadi gabe tarsunggul ma tu roha ni halahi hatiha narobian; hatiha ni si Musa, naposo ni Tuhan i. Marsapa ma halahi, “Di dia do Ia, na manogu-nogu angka pamimpinta mamolus laut? Di dia do Tuhan na mangalehen kuasoNia tu si Musa?

JESAYA 63:8

PandokNia, “Satutuna do bangsongKu halahi, nada Au gabusan ni halahi.” Gabe dipalua Ia do halahi,

JESAYA 63:9

sian sude hasusaan ni halahi. Nada tongoson ni Tuhan suruan sanga duta, Ia sandiri do paluahon halahi. Sian narobi do dipature-ture Ia halahi hara ni holong dohot ibo ni rohaNia.

HOSEA 1:7

Tapi haholonganKu do halak Juda, jana paluaon halahi marhite goar ni Tuhan, Debata ni halahi. PaluaonKu do halahi, sior sanga podang, parhohas ni porang sanga kudo dohot halak na mangalombutsa.”

PANGARATAION 4:34

Jungada ma he adong sada debata na puluk mambuat sada bangso sian bangso na asing lalu mambaen halahi bangsonia sandiri, songon na nibaen ni Tuhan Debatamunu di hamu di Mesir? Diida hamu sandiri do sanga songon dia godang ni hagogoon ni Debata parohon parmaraan dohot porang, mambaen angka hahomangan dohot patuluskon angka pangalaho na jorbut.

JUDAS 1:5

Madung diboto hamu i sudena. Tapi haru songon i pe laing hupaingot ma hamu taringot tu dalan na nibaen ni Tuhan laho paluahon bangso Israel sian tano Mesir, tapi dung salpu i, diragehon Ia do sanga ise angka na so porsaya sian halahi.

HAKIM-HAKIM 10:11

Dialusi Tuhan ma, “Najolo dijajah bangso Mesir do hamu, bangso Amori, Amon, Pilistin, Sidon, Amalek dohot bangso Maon. Jadi gabe pio-pio ma hamu mangido tolong tu Au. Bia do, adong he na so Hupalua hamu sian kuaso ni halahi?

1 SAMUEL 11:13

Tapi didok si Saul ma, “Sada halak pe nada tola bunuon di ari sadari on, angke madung dipalua Tuhan Israel di ari sadari on.”

1 SAMUEL 14:23

Marporang ma halahi saginjang ni dalan lopus salpu Bet-Awen. Dipalua Tuhan ma Israel di ari i.