HARURUAR 14:27 - BIBEL JAMITA NA DENGGAN

²⁷ Dung i dipahortang si Musa ma tangannia tu ginjang laut i, jana marayak andostorang, mulak ma mardomu aek i songon na somal bagasna. Digogo halak Mesir i ma paluahon dirina, hape diparambungkon Tuhan halahi tu bagasan aek i.

HARURUAR 14:27 ပူးပေါင်းရင်းမြစ်များ

NEHEMIA 9:11

Laho mambaen dalan di bangsoMu, laut dibolahon Ho; di dalan na so maraek halahi dipataripar Ho. Marmogapan angka na mangkojar halahi di aek na bagas, songon batu na bonom di laut na jingar boti na ganas.

MASMUR 106:11

Dibonomkon aek alo i; umpe sahalak dipatola luncat.

MASMUR 136:15

Hape anggo raja ni Mesir dohot paranganna dibonom Ia, hot do holong ni rohaNia sapanjangna.

MASMUR 78:53

Sonang jana nada mabiar halahi di panoguNia tapi didondoni hamatean do anggo musuna.

JESAYA 10:26

Au Tuhan Na Markuaso, giot sambohonKu halahi dohot loncing-loncing, songon panggosangKu di halak Midian di Dolok Batu Oreb. UhumanKu do Asur songon panguhumKu di Mesir.

PANGARATAION 11:4

Diida hamu do ias dihais Tuhan tentara ni Mesir, rap dohot sude kudo dohot karetana di na dibonomkonNia halahi di Laut Rara di na ro halahi mangkojar hamu.

IBRANI 11:29

Hara ni haporsayaan, gabe tartaripari halak Israel do Laut Rara songon na mamolus di tano na mahiang, hape anggo halak Mesir dibondut laut i do di na nicubo ni halahi manyiborang muse.

JOSUA 24:7

pio-pio ma halahi tu au mangido tolong. Jadi gabe manggolap Hubaen inganan antara ni halahi dohot angka halak Mesir i, jana Huparo aek ni laut mangalingkup angka halak Mesir i lopus bonom halahi sudena. Pendekna, sanga aha na Hubaen maradopkon Mesir, sudena i diboto hamu do. Dung i honok sajo ma hamu maringanan di parhorsihan.

JOSUA 4:18

Disi lalu angka malim i tu topi ni batang aek i, mamungka ma mardalan aek i mangulahi songon na somal jana bubung ma batang aek i.