HARURUAR 14:25 - BIBEL JAMITA NA DENGGAN

²⁵ Marsangkotan ma dibaen Ia angka roda ni kareta i, jadi gabe maol ma mardalan. Ninna halak Mesir i ma, “Tuhan do marporang di halak Israel mangalo hita. Beta ma hita morot sian on!”

HARURUAR 14:25 ပူးပေါင်းရင်းမြစ်များ

2 JUJUR TAON 20:29

Mabiar ma sude bangso na asing umbege sanga na bia pambaen ni Tuhan manaluhon angka musu ni Israel i.

NEHEMIA 4:14

Di na huida mabiar rayat i, hudok ma tu halahi dohot tu angka hatobangon maradu tu angka pamimpin, “Ulang hamu mabiar mida musu! Tuhan na gogo jana na markuaso i ma ingot hamu, jana parjuangkon hamu ma angka kahanggimunu, angka dakdanak, dongan saripe dohot bagasmunu!”

NEHEMIA 6:16

Dung tarbege pangalaho i tu angka musunami sian tonga-tonga ni angka bangso na humaliang i, mabiar ma halahi martilako, angke sude do halak umbotosa bahaso na niurupan ni Debata do karejo i dipatulus.

NEHEMIA 9:11

Laho mambaen dalan di bangsoMu, laut dibolahon Ho; di dalan na so maraek halahi dipataripar Ho. Marmogapan angka na mangkojar halahi di aek na bagas, songon batu na bonom di laut na jingar boti na ganas.

JOB 11:20

Tapi anggo parjahat sai balangboling panailina, hara ni na so adong pangambilingan dapotsa. Hum sada noma arop ni rohana, i ma dung dapot ujung ni ajalna.”

JOB 20:24

Sugari marlojong ia pasiding podang bosi baja, mabugang do ia dibaen pana sian tumbaga.

JOB 27:22

Dijalahi ia do nian parondingan, hape anggo alogo i laing manondong ma so maralangan.

MASMUR 35:1

Tuhan, alo ma sanga ise na mangalo au, porangi ma sanga ise na mamorangi au.

MASMUR 46:9

Diantak Ia do parporangan di tano on sudena, diropuk Ia angka parkokas ni porang jana ditutungi Ia.

MASMUR 68:12

“Ma pola maporus angka raja dohot paranganna, songon darapati halahi kehe habang.” Di bagas, marbagibagi ma angka dadaboru i perak dohot sere na martadingan i. Haru pe bahat na so dohot marporang, bangso ni Debata do hape na monang.

MASMUR 76:6

Ale Debata ni si Jakob, Ho do manyonggak halahi, gabe marmatean ma sude na manengget dohot kudona i.

HARURUAR 14:14

Tuhan do marporang humopkop hamu, jana nada porlu sanga aha baenonmunu.”

HARURUAR 14:18

Di na Hutaluhon halahi disi ma tandaon ni halahi bahaso Au do Tuhan.”

HARURUAR 14:4

Jogal do baenonKu rohania anso gabe diayak-ayak ia hamu. Hamonanganmunu maradopkon raja ni Mesir dohot tentarania i ma mambaen halak pagodangkon Au. Gabe botoon ni halak Mesir i ma, Au do Tuhan.” Dipatulus halak Israel do songon na nidok ni Tuhan tu halahi.

HARURUAR 15:3

Tuhan do panglima ni porang; Tuhan, i ma goarNa.

JESAYA 31:4

Didok Tuhan do tu au, “Songon singa na mampartahankon soroanna jana na so tarpabiar-biar surak-surak dohot pangarar ni parmahan, laing songon i ma Au mampartahankon Dolok Sion, jana nada adong na tarbaen mangambati Au.

JEREMIA 51:21

Hupake do ho laho mangaropuk kudo dohot na manenggetsa, maradu kareta dohot na marobansa.

AMOS 1:14

Hara ni i, tongosonKu ma api tu angka tembok ni kota Raba, jana surbuonKu lopus abis angka bentengna i. Tarbege ma disi hagaoron ni sora ni porang, jana mur jebu ma porang i songon pangalingkup ni ombak.

AMOS 5:19

Tudos tu halak na marlojong sian singa do pangalahona, hape marsuo dohot gompul. Sanga songon halak na mulak tu bagasna, jana ditungkolkon tanganna tu tembok lalu diturbing ulok!

AMOS 9:1

Huida ma Tuhan jongjong di lambung ni sada langgatan. Dilehen Ia ma parenta songon on, “Toko ma gogo-gogo angka ulu ni tiang i anso humutur sude emperna i. Rumpakkon angka tiang i tu ginjang ni ulu ni angka jolma i. Angka na so mate disi, Hubunu marhite podang. Sahalak pe nada tarbaen paluahon dirina; sahalak pe nada adong na malua.

PANGARATAION 1:30

Tuhan Debatamunu do mamimpin hamu dohot marporang humopkop hamu songon na dung niidamunu sandiri di Mesir

PANGARATAION 3:22

Ulang ho mabiar tu halahi, angke Tuhan Debatamu do na giot marporang di ho.’ ”

PANGARATAION 32:31

Diboto musu ni Israel sandiri do na so margogo debatana i, nada alona Debata ni Israel na hebat i.

JOSUA 10:14

Nada jungada tarjadi songon i jana indangkan na tarjadi muse be ari songon i, disi diihutkon Tuhan hagiot ni jolma, marporang Tuhan di pihak ni Israel!

HAKIM-HAKIM 4:15

dung i diserang halahi ma si Sisera. Jana dipasarsar Tuhan ma sude pasukan ni si Sisera i dohot angka kareta porangna gabe mijur ma si Sisera sian karetana i lalu marlojongi mardalan pat.