HARURUAR 14:24 - BIBEL JAMITA NA DENGGAN

²⁴ Marayak andostorang, ditatap Tuhan ma sian tiang api dohot tiang ombun i tu tentara ni Mesir jana dipasarsar Ia ma halahi.

HARURUAR 14:24 ပူးပေါင်းရင်းမြစ်များ

JOB 22:13

Hape laing manyapai dope ho, ‘Aha diboto Ia? Di balik ni ombun do Ia, bia ma he baenonNia manguhumi hita.’

JOB 34:20

Di tonga borngin, ra do halahi mate tompu. Diuhumi Debata ma halahi jana halahi pe gabe magopu; mura do uhumanNia halak na gogo.

JOB 34:29

Muda diputuskon roha ni Debata manghohom Ia, nada adong sahalak pe manggagaisa. Muda ditabunihon Ia bohiNia, nada adong be sanga ise na marsuohonsa.

JOB 40:12

Olo, tatap ma da halak na sombong, patunduk ma! Ropukkon ma halak na jahat di ingananna.

MASMUR 104:32

Ditatap Ia tu tano on jana humitir ma i dibaen Ia, digoit Ia angka dolok gabe ruar ma timusna.

MASMUR 48:5

Hape paida-ida dolok i, gabe ngangang halahi; gaor halahi jana maturubus marlojongi.

MASMUR 78:14

Muda arian diiring Ia halahi marhite ombun, salolot borngin marhite api na marsijongjong.

MASMUR 90:4

Anggo di Ho saribu taon, dos do i songon ari natuari, songon panjago di hatiha borngin.

HARURUAR 13:21

Muda hatiha arian, mardalan ma Tuhan di jolo ni halahi di bagasan tiang ombun, jana hatiha borngin dijoloi Ia ma halahi di bagasan tiang api laho patidahon dalan. Dung songon i, tarbaen halahi ma mardalan arian dohot borngin.

HARURUAR 14:25

Marsangkotan ma dibaen Ia angka roda ni kareta i, jadi gabe maol ma mardalan. Ninna halak Mesir i ma, “Tuhan do marporang di halak Israel mangalo hita. Beta ma hita morot sian on!”

AMOS 9:4

Muda hona tangkup halahi dibaen musu, parentahononKu ma anso dibunu halahi. Madung putus rohangKu laho mangabisi halahi jana nada urupanKu halahi.”

1 SAMUEL 11:11

Ancogotna i, manyogot-nyogot, dibagi tolu si Saul ma angka parangannia i. Jana painte so bincar mataniari diroro halahi ma tu tonga-tonga ni parbandaran ni parangan Amon i mamorangi halahi. Painte so kotu, madung dibunui halak ni si Saul musu i. Halak Amon na sanga malua masarsar be ma i lopus nada adong tarbaen mardua-dua rap marlojong.