HARURUAR 14:23 - BIBEL JAMITA NA DENGGAN

²³ Diayak-ayak halak Mesir ma halahi lalu mangihut masuk tu laut i dohot sude kudo, kareta dohot na maroban kareta i.

HARURUAR 14:23 ပူးပေါင်းရင်းမြစ်များ

1 RAJA-RAJA 22:20

Disapai Tuhan ma, ‘Ise dehe na manyosoi si Ahab anso ra ia kehe lalu dibunu di Ramot muse?’ Jadi adong ma sian tonga-tonga ni surusuruan i na mandok songon on, adong na mandok songon i.

HARURUAR 14:17

PatangkangonKu ma roha ni halak Mesir i, anso dikojar halahi halak Israel, anso diida raja Mesir dohot angka paranganna, kareta dohot parkaretana i hagodanganKu na manaluhon halahi.

HARURUAR 14:4

Jogal do baenonKu rohania anso gabe diayak-ayak ia hamu. Hamonanganmunu maradopkon raja ni Mesir dohot tentarania i ma mambaen halak pagodangkon Au. Gabe botoon ni halak Mesir i ma, Au do Tuhan.” Dipatulus halak Israel do songon na nidok ni Tuhan tu halahi.

HARURUAR 15:19

Di na nitariparan ni halak Israel laut i, mardalan di tano na mahiang do halahi. Tapi dung masuk angka kareta ni halak Mesir bope kudo dohot na manjuguhisa tu laut i, dipadalan Tuhan ma mulak aek i, gabe bonom halahi.

HARURUAR 15:9

Ninna musu, ‘Ayakonku ma halahi anso hutangkup jana hubuat por ni rohangku. Sintahonku ma podangku jana hurampas ma sude arta ni halahi, hubagi-bagi jana di au ma i lopus sombu rohangku.’

PARJAMITA 9:3

Jadi, sarupa do bagian na mandondoni halahi sudena. Nada tigor songon i laing songon sude na masa na di tano on. Salolot di ngolu ni jolma i gok hajungkaton do rohana jana pikiranna pe gok haotoon do. Dung i tompu ma ro ajalna.