HARURUAR 14:22 - BIBEL JAMITA NA DENGGAN

²² Mabola ma aek i, taripar ma halak Israel di laut i, mardalan di tano na mahiang na marpanembok aek di siamun siambirang.

HARURUAR 14:22 ပူးပေါင်းရင်းမြစ်များ

2 RAJA-RAJA 2:14

Dung i dilipatkon ia ma juba ni si Elia i tu aek i didok ia ma, “Di dia dehe Tuhan, Debata ni si Elia i?” Dung bola dua aek i dilipat ia, taripar ma ia tu bariba.

2 RAJA-RAJA 2:8

Ditalduskon si Elia ma jubania i, dibalun ia jana dilipatkon ia ma tu batang aek i. Jadi marbagi dua ma aek i, lopus tardalani ia dohot si Elisa tandolan na mahiang i.

NEHEMIA 9:11

Laho mambaen dalan di bangsoMu, laut dibolahon Ho; di dalan na so maraek halahi dipataripar Ho. Marmogapan angka na mangkojar halahi di aek na bagas, songon batu na bonom di laut na jingar boti na ganas.

MASMUR 106:9

Hara ni parentaMu, mahiang ma Laut Rara, dibolus bangsoMu laut i, songon na mardalan di tonga padang.

MASMUR 136:13

Dibola Ia Laut Rara, hot do holong ni rohaNia sapanjangna;

MASMUR 136:14

dioban Ia bangsoNia taripar laut, hot do holong ni rohaNia sapanjangna.

MASMUR 66:6

Dipauba Ia laut i gabe tano na hiang, ditaripari ompunami do i mardalan pat. Dibaen i marjop ni roha hami hara ni sude pambaenanNa i.

MASMUR 74:15

Dibaen Ho do mual dohot batang aek na mardalan, dipahiang Ho batang aek na godang.

MASMUR 78:13

Dibola Ia laut i, jana dipataripar Ia halahi; ditembok Ia aek i, songon tembok.

HARURUAR 14:29

Hape di na taripar halak Israel di laut i, mardalan di tano na mahiang do halahi, martembok aek di siamun siambirangna.

HARURUAR 15:19

Di na nitariparan ni halak Israel laut i, mardalan di tano na mahiang do halahi. Tapi dung masuk angka kareta ni halak Mesir bope kudo dohot na manjuguhisa tu laut i, dipadalan Tuhan ma mulak aek i, gabe bonom halahi.

HARURUAR 15:8

Diombus Ho do laut i, jana marbalun songon dolok na gincat; jongjong tingkos songon panambok; gabe pir tandolan ni laut i.

JESAYA 11:15

Pahiangon ni Tuhan ma dohot Solok Sues. BaenonNia ma mangombus alogo na milas lopus mahiang Batang aek Efrat jana gabe pitu batang aek na pejet-pejet ma disi jana sude halak tarbaen manariparisa.

JESAYA 11:16

Dapot halak Israel na teba i ma dalan godang laho ruar sian Asur, songon na masa di hatiha ni ompu-ompu ni halahi ruar sian Mesir.

JESAYA 43:16

Songon on ma hata ni Tuhan, na mambaen dalan mamolus laut jana na mamolus aek na godang,

JESAYA 51:10

Ho muse do na pahiangkon laut bidang; na mambaen dalan sian aek i, gabe tarbaen bangso na nipaluaMi manariparisa.

JESAYA 63:12

Di dia do na mandongani si Musa marhite tanganNa na gogo marmulia, jana na mambola aek di jolo ni bangsoNia anso tarbarita goarNia?

JESAYA 63:13

Di dia do Tuhan na manogu halahi mardalan mamolus laut i songon kudo mamolus padang gurun damos patna i nada unjung tartuktuk?”

ZAKARIA 2:5

Madung dijanjihon Tuhan bahaso na giot Ia sandiri do gabe tembok api humaliang kota i laho mangondingisa jana na giot disi noma Ia di bagasan sude kuaso dohot hagodanganNia.”

BILANGAN 33:8

Dung i ditinggalkon halahi ma Pi Hahirot torus manaripari Laut Rara dung i torus tu Parhorsihan Zur dung tolu ari di pardalanan, marbandar ma halahi di Mara.

1 KORINTUS 10:1

Hamu ale angka dongan! Angkon tangkas do ingotonmunu sanga aha na tarjadi tu angka ompunta di na mangihutkon si Musa halahi. Dilinggomi ombun halahi sude, jana horas do halahi sude manaripari Laut Na Rara i.

IBRANI 11:29

Hara ni haporsayaan, gabe tartaripari halak Israel do Laut Rara songon na mamolus di tano na mahiang, hape anggo halak Mesir dibondut laut i do di na nicubo ni halahi manyiborang muse.

JOSUA 3:16

magotap ma manigor pardalan ni aek i. Dao di juluan marlagut ma aekna i di Adam, i ma sada kota donok tu kota Sartan. Aek na di jae na mardalan tu Laut Mate magotap ma i sude, lopus tarbaen halak Israel taripar di tano na mahiang tu inganan na di tongtang ni Jeriko.

JOSUA 3:17

Anggo angka malim na mamorsan Poti Parjanjian i torus do jongjong di tonga-tonga ni batang aek i lopus taripar sude halahi tu bariba.

JOSUA 4:22

tama do caritohononmunu tu halahi na masa taringot tu halak Israel na manaripari Batang aek Jordan on di ginjang ni tano na mahiang.

1 SAMUEL 25:16

Arian na borngin diondihon halahi do hami salolot marmahan hambeng dohot biri-biri i hami donok tu halahi.