HARURUAR 14:21 - BIBEL JAMITA NA DENGGAN

²¹ Dung i dipahortang si Musa ma tangannia tu ginjang ni laut i, jana diparo Tuhan ma haba-haba na gogo situtu na mangombus sian Habincaran pola sumurut aek i. Manyipat saborngin i sai mangombus haba-haba na gogo i mambaen laut i marbola dua jana maruba gabe tano na mahiang.

HARURUAR 14:21 ပူးပေါင်းရင်းမြစ်များ

PAMUNGKAAN 8:1

Nada dihalupahon Debata si Noak rap dohot sude binatang na adong di bagasan kapal i; mangombus ma alogo dibaen Debata gabe mamungka ma surut aek i.

2 RAJA-RAJA 2:8

Ditalduskon si Elia ma jubania i, dibalun ia jana dilipatkon ia ma tu batang aek i. Jadi marbagi dua ma aek i, lopus tardalani ia dohot si Elisa tandolan na mahiang i.

NEHEMIA 9:11

Laho mambaen dalan di bangsoMu, laut dibolahon Ho; di dalan na so maraek halahi dipataripar Ho. Marmogapan angka na mangkojar halahi di aek na bagas, songon batu na bonom di laut na jingar boti na ganas.

JOB 26:12

Talu do dibaen kuasoNia laut na bidang an dohot Rahab pe dibasbas Ia do marhite surung ni hamatean.

JOB 38:24

Diboto ho dehe inganan parmulaan ni mataniari? Sanga sian dia asal ni alogo Habincaran?

MASMUR 136:13

Dibola Ia Laut Rara, hot do holong ni rohaNia sapanjangna;

MASMUR 148:8

ale hilap dohot ambolas, es dohot ombun, halingsungsung na mangoloi parenta ni Tuhan!

MASMUR 66:6

Dipauba Ia laut i gabe tano na hiang, ditaripari ompunami do i mardalan pat. Dibaen i marjop ni roha hami hara ni sude pambaenanNa i.

MASMUR 74:13

Marhite gogo na so hatudosan, mabola laut dibaen Ho, ulu ni naga laut marropukan dipotuki Ho.

MASMUR 78:13

Dibola Ia laut i, jana dipataripar Ia halahi; ditembok Ia aek i, songon tembok.

HARURUAR 14:16

Buat ma tungkotmu, pahortang ma tu ginjang ni laut i. Gabe mabola ma aek i, jana tarbaen halak Israel ma manaripari laut i mardalan di tano na mahiang.

HARURUAR 14:20

di antara ni halak Mesir dohot halak Israel. Gabe golapan ma sude halak Mesir i hara ni ombun i, hape anggo di halak Israel torang do, jabat nada tarbaen padonok-donok parangan na dua i.

HARURUAR 15:8

Diombus Ho do laut i, jana marbalun songon dolok na gincat; jongjong tingkos songon panambok; gabe pir tandolan ni laut i.

HARURUAR 7:19

Didok Tuhan ma tu si Musa, “Suruhon ma si Harun mambuat tungkotnia jana dipagistang ia ma i tu ginjang ni sude batang aek, tu angka bondar-bondar dohot angka tobat na di Mesir. Gabe mudar ma aekna i, jana sap mudar ma sude luat i, lopus tu bagasan tong hayu dohot sambong batu pe sap ma mudar.”

JESAYA 23:11

Madung dipatoltol Tuhan tanganna di ginjang ni laut jana ditunggalingkon angka harajaan. Diparenta Ia do Kanaan anso dironcohon angka benteng ni Penisia.

JESAYA 43:16

Songon on ma hata ni Tuhan, na mambaen dalan mamolus laut jana na mamolus aek na godang,

JESAYA 44:27

‘Hesut!’ ningKu tu tandolan ni laut, ‘Angka batang aekmu pe pahiangonKu.’

JESAYA 50:2

Biasi nada adong na ro umpe sahalak sian bangsongKi, di na ro Au marpio halahi? Adong he na so sanggup Au dietong roha ni halahi paluahonsa umbaen na sip sajo halahi? Nada he sumurut aek ni laut hara ni parentangKu, Hupauba batang aek gabe padang manyahatang, gabe mate ihan sudena?

JESAYA 51:10

Ho muse do na pahiangkon laut bidang; na mambaen dalan sian aek i, gabe tarbaen bangso na nipaluaMi manariparisa.

JESAYA 51:15

Harana Au do Tuhan Debatamu, Au do namangatur laut jana mambaen marsasak galumbangna. Tuhan Na Markuaso do goarNa.

JESAYA 63:12

Di dia do na mandongani si Musa marhite tanganNa na gogo marmulia, jana na mambola aek di jolo ni bangsoNia anso tarbarita goarNia?

JESAYA 63:13

Di dia do Tuhan na manogu halahi mardalan mamolus laut i songon kudo mamolus padang gurun damos patna i nada unjung tartuktuk?”

HABAKUK 3:8

Maradopkon angka batang aek ma he? Maradopkon angka batang aek ma he hamumurukMu? Dipanaek Ho do ombun songon tompangan, di na nilehenmu di bangsoMu hamonangan.

BAENON NI ANGKA RASUL 7:36

Si Musa i ma na manguluhon halak Israel haruar sian Mesir jana na mambaen angka hahomangan dohot angka na so jungada masa di Mesir, di Laut Na Rara dohot di parhorsihan i opat pulu taon honokna.

JOSUA 2:10

Na dung hami bege do baritana bagi na songon dia dibaen Tuhan pahiangkon Laut Rara di jolo ni matamunu di na kehe hamu manadingkon Mesir. Hami bege muse do sanga na bia dibaen hamu mamunu si Sihon dohot si Og raja ni bangso Amori na dua i di Habincaran ni Batang aek Jordan.

JOSUA 3:17

Anggo angka malim na mamorsan Poti Parjanjian i torus do jongjong di tonga-tonga ni batang aek i lopus taripar sude halahi tu bariba.

JOSUA 4:23

Caritohon hamu ma tu angka dakdanakmunu i bahaso na nipahiang ni Tuhan Debatamu Batang aek Jordan di hamu lopus lalu hamu sude di bariba, laing songon Laut Rara na nipahiangnia di hamu.