HARURUAR 14:16 - BIBEL JAMITA NA DENGGAN

¹⁶ Buat ma tungkotmu, pahortang ma tu ginjang ni laut i. Gabe mabola ma aek i, jana tarbaen halak Israel ma manaripari laut i mardalan di tano na mahiang.

HARURUAR 14:16 ပူးပေါင်းရင်းမြစ်များ

2 RAJA-RAJA 4:29

Ditailihon si Elisa ma si Gehasi jana didok ia ma, “Patibu! Buat tungkotku, ompoti kehe tu bagas ni inanta on. Ulang ho maradian-adian di tonga dalan manjalang sanga na ise pe. Muda adong pe halak manjalang ho, ulang parsayang tingki laho manjalangsa. Disi lalu ho manigor payakkon ma tungkotki tu pamatang ni dakdanak i.”

HARURUAR 14:15

Didok Debata ma tu si Musa, “Biasi pio-pio ho mangido tolong? Suru ma halak Israel i torus mardalan.

HARURUAR 14:26

Didok Tuhan ma tu si Musa, “Pahortang ma tanganmu tu ginjang ni laut i, dung i mulak ma mardomu aek i mangogap halak Mesir i, bope angka kareta dohot angka na juguk di kareta i.”

HARURUAR 17:5

Didok Tuhan ma tu si Musa, “Piohon ma sanga piga-piga halak pamimpin ni halak Israel jana joloi hamu ma mardalan bangso i. Laing oban ma tungkot na nipakemu mangalipat Batang aek Nil i.

HARURUAR 17:6

Jongjong pe Au di jolomu di sada batu di Dolok Sinai. Lipat ma batu i, gabe haruar ma aek sian batu i, anso minum halahi.” Dibaen si Musa ma songon i disaksihon angka pamimpin ni Israel i.

HARURUAR 4:17

Oban ma tungkot i, baenonmu ma angka hahomangan marhite i.”

HARURUAR 4:2

Disapai Debata ma si Musa, “Aha na di tanganmi?” “Tungkot,” ning si Musa.

HARURUAR 4:20

Dung i dialap si Musa ma dadaborunia dohot angka anaknia jana dipajuguk ia tu halode asa kehe ma halahi tu Mesir jana maroban tungkot na nidok ni Debata obanonnia.

HARURUAR 7:19

Didok Tuhan ma tu si Musa, “Suruhon ma si Harun mambuat tungkotnia jana dipagistang ia ma i tu ginjang ni sude batang aek, tu angka bondar-bondar dohot angka tobat na di Mesir. Gabe mudar ma aekna i, jana sap mudar ma sude luat i, lopus tu bagasan tong hayu dohot sambong batu pe sap ma mudar.”

HARURUAR 7:9

“Muda dipangido Raja Parao baenonmunu hahomangan songon bukti, suru ma dibuat si Harun tungkotnia jana diambungkon ia tu tano di jolo ni raja i. Muba ma tungkot i gabe ulok.”

JESAYA 10:26

Au Tuhan Na Markuaso, giot sambohonKu halahi dohot loncing-loncing, songon panggosangKu di halak Midian di Dolok Batu Oreb. UhumanKu do Asur songon panguhumKu di Mesir.

HABAKUK 3:8

Maradopkon angka batang aek ma he? Maradopkon angka batang aek ma he hamumurukMu? Dipanaek Ho do ombun songon tompangan, di na nilehenmu di bangsoMu hamonangan.

BILANGAN 20:11

Dung i dilipatkon si Musa ma tungkot i tu batu na godang i pola dua noli. Manigor kaluar ma aek na doras sian batu i gabe minum halahi sude dohot pahan-pahanan ni halahi.

JOSUA 8:18

Dung i didok Tuhan ma tu si Josua, “Angkat hujurmi jana ondamkon adop Ai; saonnari Hulehen ma kota i tu ho.” Dipatulus si Josua ma songon na niparentahon ni Tuhan i tusia.