HARURUAR 14:13 - BIBEL JAMITA NA DENGGAN

¹³ Dialusi si Musa ma, “Ulang hamu mabiar! Martahan ma hamu, idaonmunu ma sanga aha sibaenon ni Tuhan laho paluahon hamu sadari on; nada idaonmunu be halak Mesir i.

HARURUAR 14:13 ပူးပေါင်းရင်းမြစ်များ

PAMUNGKAAN 15:1

Dung i dijagit si Abram ma sada halumbaan, jana dibege ia ma Tuhan mandok tusia, “Ulang ho mabiar Abram, Au do mangondingi ho sian parmaraan, jana lehenonKu ma tu ho upa bahat.”

PAMUNGKAAN 26:24

Jadi borngin i dipataridahon Debata ma diriNa tusia mandok, “Au ma da Debata ni amangmu si Abraham. Ulang ho mabiar. Au do mandongani ho. PasupasuonKu ma ho jana lehenonKu ma tu ho bahat pomparanmu hara ni janjingKu tu naposongKu si Abraham.”

PAMUNGKAAN 46:3

“Au do Debata, Debata na nisomba ni amangmu,” ninna. “Ulang pola mabiar ho kehe tu Mesir. BaenonKu ma gabe bangso na godang pomparanmu disi.

PAMUNGKAAN 49:18

O Tuhan, hum haluaan na sian Ho do na hupainte-inte.

2 RAJA-RAJA 6:16

“Ulang pola mabiar ho,” ning si Elisa. “Umbahat dope na manjago hita ulang pado halahi.”

2 JUJUR TAON 20:15

jana mandok hata ma ia, “Daulat rajanami, maradu angka kahanggi sasudena. Pandok ni Tuhan, nada tola hamu mandele sanga mabiar mida tentara na bahat i. Angke nada hamu na marporang, tapi Debata do.

2 JUJUR TAON 20:17

Nada pola porlu hamu martempur di porang on. Jongjong sajo ma hamu songon i di inganan ni parkarejoanmunu jana painte hamu ma disi. Idaonmunu ma Tuhan mangalehen hamonangan di hamu. O hamu halak Juda dohot Jerusalem, ulang hamu gamang sanga na mabiar. Masuhi hamu sajo ma songon i parporangan i, tolongon ni Tuhan do hamu!”

NEHEMIA 9:9

Diligi Ho do parkancitan ni ompunami di hatiha na salpu: Ditangihon Ho do tangis ni halahi di Mesir dohot Laut Rara.

MASMUR 3:8

Sian Ho do ro pangurupion, ibo ma rohaMu, ra ma jolo Ho mamasumasu bangsoMon.

MASMUR 68:21

Satutuna ropuhan ni Debata do ulu ni musuNia, i ma ulu ni halak na laing hot mangolu di bagasan dosa.

MASMUR 78:53

Sonang jana nada mabiar halahi di panoguNia tapi didondoni hamatean do anggo musuna.

MASMUR 91:8

Idaonmu sandiri do halak parjahat hona uhuman.

HARURUAR 14:30

Di ari i ma dipalua Tuhan bangso Israel sian halak Mesir, jana diida halak Israel do angka bangke ni halak Mesir i marpayahan di topi ni laut i.

HARURUAR 20:20

Didok si Musa ma, “Ulang mabiar hamu, na giot mancubo rohamunu sajo do dibaen na ro Debata, anso tongtong mangoloi hamu tuSia jana ulang mardosa hamu.”

JESAYA 26:3

Dilehen Ia do dame dohot hasonangan tu halak na togu rohana, hara ni na porsaya ia tuSia.

JESAYA 30:15

Tuhan Debata, Debata Na Badia ni Israel, mandok tu bangsoNia, “Manopoti sala ma hamu tu Au, gabe paluaonKu ma hamu. Haporsayai hamu ma Au di bagasan roha na sonang, gabe pargogoanKu ma hamu.”

JESAYA 35:4

Dok ma tu halak na enek roha, “Ulang ho mabiar, papir ma rohamu. Ro do Debata, paluaonNa ma ho, jana tu angka musumu dabuonNa uhum.”

JESAYA 43:11

Au sandiri ma da Tuhan, asing sian Au nada adong na gabe haluaan.

JESAYA 7:4

Dokkon ma tusia: Patogu ma rohamu jana pasonang, ulang ma mabiar sanga puntol rohamu, hara ni surpu ni api na dua i, i ma hamumuruk ni si Resin dohot Aram dohot anak ni si Remalya.

JEREMIA 3:23

Nada adong gunana marsomba gana-ganaan hami di puncu ni angka dolok! Hum sian Tuhan Debatanami do pangurupion anggo tu Israel.

ANDUNG 3:26

Antong, painte ma di bagasan sonang lopus ro Tuhan mangalehen partolongan.

HOSEA 1:7

Tapi haholonganKu do halak Juda, jana paluaon halahi marhite goar ni Tuhan, Debata ni halahi. PaluaonKu do halahi, sior sanga podang, parhohas ni porang sanga kudo dohot halak na mangalombutsa.”

HOSEA 13:4

Didok Tuhan ma, “Au do Tuhan Debatamu, mamungka sian tano Mesir. Nada adong Tuhan Debatamunu asing sian Au. Jana nada adong sipalua asing sian Au.

HOSEA 13:9

SargehononKu ma hamu, ale bangso Israel! Jana ise ma na margogo mangurupi hamu?

HABAKUK 3:13

Mardalan ma Ho tu jolo laho paluahon bangsoMi dohot mambaen malua raja na nitodoMi. Dipukul Ho do dabu pamimpin ni halak na so hasaya, dihais Ho sude na mangihut tusia.

HABAKUK 3:8

Maradopkon angka batang aek ma he? Maradopkon angka batang aek ma he hamumurukMu? Dipanaek Ho do ombun songon tompangan, di na nilehenmu di bangsoMu hamonangan.

BILANGAN 14:9

Ulang alo hamu Tuhan i, jana ulang mabiar hamu mida halak na maringanan disi. Momo do aloonta halahi, nada he Tuhan i do donganta, jana taluhononNia do angka debata na manjago halahi. Hara ni i ulang ma mabiar.”

MATEUS 28:5

Didok surusuruan i ma tu angka dadaboru i, “Ulang hamu mabiar! Huboto do na manjalahi Jesus na diparsilangkon i do hamu.

PANGARATAION 20:3

‘Hamu angka donganku sabangso! Di ari sadari on, na giot kehe ma hamu marporang. Ulang hamu mabiar tu angka musumunu i, sanga lepe, sanga pe golap rohamunu.

1 SAMUEL 11:13

Tapi didok si Saul ma, “Sada halak pe nada tola bunuon di ari sadari on, angke madung dipalua Tuhan Israel di ari sadari on.”

1 SAMUEL 12:16

Saonnari ulang jolo hamu kehe! Parate-atehon hamu ma hahomangan godang na giot sibaenon ni Tuhan di jolomunu.