HARURUAR 14:12 - BIBEL JAMITA NA DENGGAN

¹² Nada he na dung hami dokkon hian do na salpu i, na angkon masa na songon on? Hami suru hian do anso kehe ho maninggalkon hami jana padiaronmu hami diparhatoban di Mesir. Gumonan dope gabe hatoban disi, ulang pado mate di parhorsihan on!”

HARURUAR 14:12 ပူးပေါင်းရင်းမြစ်များ

MASMUR 106:7

Nada diastui ompunami di Mesir; hahomangan na nikarejohonMu nada diboto halahi. Lupa do halahi di holong ni rohaMu na godang i; di lambung ni Laut Rara dialo halahi do Na Gumincat i.

HARURUAR 13:17

Di na nipaloas ni raja Mesir kehe bangso Israel, nada dioban Debata halahi manopi-nopi laut laho tu Luat Pilistin, haru pe nian dalan i do na dumonok. Didok roha ni Debata, “Nada por rohangKu muda manyolsoli halahi gabe mulak tu Mesir dung diida halahi na angkon marporang halahi.”

HARURUAR 3:9

Madung Hubege tangis ni bangsongKi jana madung Huida sanga songon dia halahi diparkanciti halak Mesir.

HARURUAR 5:21

Ninna angka mandur i ma, “Madung diida Debata pambaenanmunu jana uhumonNia ma hamu, angke hara ni hamu do bonsirna gabe magigi raja i dohot angka parpangkat mida hami. Madung dilehen hamu alasan tu halahi, dalan laho mamunu hami.”

HARURUAR 6:9

Sude Tona Ni Tuhan i dipabolkas si Musa do tu bangso Israel, tapi nada ditangihon halahi be si Musa dibaen madung mandele halahi patunda ni hancitna parhatobanan i.

HOSEA 4:17

Mardomu do Efraim dohot angka gana-ganaan, padiar ma ia!

JUNUS 4:3

Saonnari ale Tuhan, padiar ma mate au, angke gumonan noma au mate ulang pado mangolu.”

JUNUS 4:8

Dung bincar mataniari, diparo Debata ma alogo na milas na mangombus sian Habincaran. Giot tarkatos ma si Junus hara ni pandoit ni mataniari i songon dia na manutung ulunia. Gabe mandele ma ia jana por rohania sugari mate. Ning ia ma, “Gumonan noma da iba mate ulang pado mangolu!”

MARKUS 1:24

“Na giot mambaen bia do Ho tu hami, o Jesus halak Nasaret? Betak na giot mamatehon hami do Ho? Hutanda do sanga ise Ho: Suruan na badia ni Debata do Ho!”

MARKUS 5:7

Gogo ma didokkon ia, “Jesus, Anak Ni Debata Na Gumincat! Na giot mambaen bia do Ho tu au? Mangasahon Debata, mangido au, ulang ma parkanciti au!” (