HARURUAR 14:10 - BIBEL JAMITA NA DENGGAN

¹⁰ Dung diida halak Israel mur donok raja Mesir dohot tentarania i, sun ma biar ni halahi, jana pio-pio ma halahi tu Tuhan mangido pangurupion.

HARURUAR 14:10 ပူးပေါင်းရင်းမြစ်များ

2 JUJUR TAON 18:31

Jadi di na niida ni halahi Raja Josafat, diambang halahi do ia raja ni Israel. Jadi diserang halahi ma ia. Tapi pio-pio ma si Josafat tu Tuhan, jadi gabe ditolong Tuhan ia antong, jana dipaegol ma serangan i adop na asing.

NEHEMIA 9:9

Diligi Ho do parkancitan ni ompunami di hatiha na salpu: Ditangihon Ho do tangis ni halahi di Mesir dohot Laut Rara.

MASMUR 106:44

Tapi di na pio-pio halahi, laing ditangihon Ho do, diparrohahon Ho do hasusaan ni halahi, ale Tuhan.

MASMUR 107:13

Di bagasan hasusaan, pio-pio halahi tu Tuhan, jana dipalua Ia halahi sian hasompitan.

MASMUR 107:19

Di bagasan hasusaan, pio-pio halahi tu Tuhan, jana dipalua Ia halahi sian hasompitan.

MASMUR 107:28

Di bagasan hasusaan, pio-pio halahi tu Tuhan, jana dipalua Ia halahi sian hasompitan.

MASMUR 107:6

Di bagasan hasusaan, pio-pio do halahi tu Tuhan, jana dipalua Ia halahi sian hasompitan.

MASMUR 34:17

Muda pio-pio halak na daulat, ditangihon Tuhan, jana dipalua Ia halahi sian sandok hasusaan.

MASMUR 53:5

Ligi da, gaor hara ni biar ma angka musu ni bangso ni Debata, nada jungada dope dihilala halahi songon i hagaoran, harana giot sarsarkonon ni Debata ma angka holi-holi ni halahi ditulak Debata do halahi, gabe ditaluhon ma halahi.

MASMUR 81:7

Di bagasan hasusaanmu pio-pio do hamu tu Au, gabe ro do Au paluahon hamu. Hualusi pe sian ronggur, inganan partabunianKu, di mata mual Meriba, Huuji hamu.

HARURUAR 13:17

Di na nipaloas ni raja Mesir kehe bangso Israel, nada dioban Debata halahi manopi-nopi laut laho tu Luat Pilistin, haru pe nian dalan i do na dumonok. Didok roha ni Debata, “Nada por rohangKu muda manyolsoli halahi gabe mulak tu Mesir dung diida halahi na angkon marporang halahi.”

HARURUAR 15:25

Dung i martangiang ma si Musa marsitutu tu Tuhan, dung i gabe dipatidahon Tuhan ma tu si Musa samponggol hayu. Diambungkon si Musa ma hayu i tu aek i, gabe tarinum ma aek i. Di inganan i ma dilehen Tuhan angka paraturan tu halahi, jana disi ma diuji Ia halahi.

JESAYA 26:16

Ale Tuhan, hatiha na sompit dijalahi halahi do Ho, hatiha hona uhumMu, tu Ho do halahi pio-pio di bagasan tangiang.

JESAYA 7:2

Di na tarbege tu si Ahas raja ni Juda na masuk tentara ni Siria tu luat ni Israel, gabe sun ma biar ni rohania dohot bangsona, jabat humitir halahi songon bona ni hayu na niombus ni alogo.

JEREMIA 22:23

Sonang hamu tinggal dihaliangi angka tiang sampinur Libanon, tapi sanoli on muda ro na hancit tu hamu, mangae ma hamu songon ina na manubuhon dakdanak.”

PANGARATAION 9:7

Ingot hamu sanga na bia dibaen hamu gabe muruk Tuhan Debatamunu di parhorsihan i. Mamungka sian ari disi ditadingkon hamu Mesir, lopus tu ari parlalumunu dison, na dung mangalo do hamu tu Tuhan.

JOSUA 24:6

Au do maroban ompumunu haruar sian Mesir, lalu ro angka halak Mesir mangkojar halahi mardongan angka kareta porang dohot tentara na markudo. Jana di na lalu angka ompumunu i di Laut Rara,

JOSUA 24:7

pio-pio ma halahi tu au mangido tolong. Jadi gabe manggolap Hubaen inganan antara ni halahi dohot angka halak Mesir i, jana Huparo aek ni laut mangalingkup angka halak Mesir i lopus bonom halahi sudena. Pendekna, sanga aha na Hubaen maradopkon Mesir, sudena i diboto hamu do. Dung i honok sajo ma hamu maringanan di parhorsihan.

1 JOHANNES 4:18

Nada adong biar ni roha di bagasan holong; holong na sanggam mangagohon sude biar; angke adong do uhuman di bagasan biar i. Jadi barang ise na mabiar; nada dope sanggam ia di bagasan holong.