HARURUAR 13:9 - BIBEL JAMITA NA DENGGAN

⁹ Pesta on ma songon singot-singot di hamu tudos tu na nitambatkon di tangan sanga di bohimu. Marhite pesta on, gabe dipaingot hamu anso diapil jana diparsiajari hamu angka Uhum Ni Tuhan, harana madung diparuar Tuhan hamu sian Mesir marhite kuasoNa na godang i.

HARURUAR 13:9 ပူးပေါင်းရင်းမြစ်များ

NEHEMIA 1:10

Tuhan, angka naposoMu do hami on, halakMu sandiri na dung nipaluaMu dohot kuaso bope dohot hagogoonmu na sumurung i.

MASMUR 136:11

Dioban Ia Israel ruar sian Mesir, hot do holong ni rohaNia sapanjangna;

MASMUR 136:12

marhite tangan na gogo jana na marsahala, hot do holong ni rohaNia sapanjangna.

MASMUR 89:13

Na lobi godang do antong kuasoMu, jana na sumurung do hagogoonMu!

HARURUAR 12:14

Ari on ma ari parningotan di hamu. Angkon pagodangonmunu do ari on laho marningot angka aha na dung Hubaen. Rayahon hamu ma ari on salolot-lolotna.”

HARURUAR 12:41

Di ari parpudi di taon pa 430 hon i, sude ma bangso ni Debata maninggalkon tano Mesir.

HARURUAR 13:14

Muda disapai anakmu di pudian ni ari sanga aha astuan ni pesta on, angkon alusanmunu songon on, ‘Marhite hagodangan ni kuaso ni Tuhan do, na maroban hita ruar sian Mesir inganan parhatobananta i.

HARURUAR 13:16

Pesta on ma na paingotkon hita gabe songon sada tanda na ditambatkon di tangan sanga di bohinta. Marhite pesta on, dipaingot hita, bahaso na dung diparuar Tuhan hita sian Mesir marhite kuasoNa na godang i.”

HARURUAR 13:3

Didok si Musa ma tu halak Israel, “Ingot hamu ma ari on ari haruruarmunu sian Mesir inganan parhatobanonmunu. On ma arina Tuhan paluahon hamu marhite kuasoNia na godang i. Ulang pangan hamu roti na marragi.

HARURUAR 3:20

Jadi patidahononKu ma kuasongKu, jana uhumonKu ma halak Mesir i marhite angka bala na jorbut tu halahi. Dung i loasonnia ma hamu kehe.

HARURUAR 7:4

Hara ni i ma angkon uhumanKu Mesir dohot angka uhum na dokdok, dung i obanonKu ma bangso Israel bangsongKi haruar sian luat i.

PODA 1:9

angke songon hiasan bunga-bunga do i di ulumu, jana songon borgok do i di rungkungmu na pajegeskon rupamu.

PODA 3:21

Antong hara ni i, marsitiopan ma ho tu habisuhon dohot tu roha na denggan, ale anakku! Sanga na bia pe ulang palua i,

PODA 7:23

Santongkin nari tombuhon ni anak ni pana ma andorania. Songon unggas na habang manyuruk jaring, nada diboto madung marmara ngoluna.

ENDE NA GODANG 8:6

Sai tulus ma anggimon hasian ni roha ni dangkang, ulang haol sanga na ise pe asing sian anggimon. Togu do holong ni roha i, atehe, sagogo ni hamatean do holong ni roha i; songon inganan ni na mate do tohong ni holong ni roha. Songon parjimbur ni jilam ni api, marjilam-jilam songon api na hagaraanna.

JESAYA 27:1

Pakeon ni Tuhan ma podangNia na togu jana na tajom i laho manguhumi Lewiatan, ulok na margeldok-geldok jana na mangarpe i dohot mamunu naga laut i.

JESAYA 40:10

Ro do Tuhan Debata mardongan kuaso laho mamarenta mamake sahala. Ligi da, dohot do dioban Ia, angka halak na nipaluaNia.

JESAYA 44:5

Okuon ni halak ma dirina, “Nampuna ni Tuhan do Au,” jana na asing muse mandok dirina marhite goar ni si Jakob, jana na patoluhon manyuratkon di tanganna: “Nampuna ni Tuhan,” jana manggoari dirina marhite goar ni Israel.

JESAYA 49:16

Ale Jerusalem, nada ra Au lupa di hamu, Hugorgahon do goarmu di palampak ni tanganKu.

JESAYA 51:9

Jonggor ma, jonggor ma! Pakehon ma hagogoan ale tangan ni Tuhan! jonggor ma songon di hatiha na robi di hatiha pomparan na jolo! Nada he Ho do na mangaropukkon si Rahab na maniham naga i lopus mate?

JESAYA 59:21

BaenonKu ma parjanjian dohot hamu: LehenonKu kuaso dohot pangajaranKu tu hamu. Ingot jana patulus hamu ma angka pangajaranKi jana ajarkon hamu ma i tu angka dakdanakmunu dohot tu pomparanmunu, anso laing dohot halahi marningot dohot patuluskonsa.”

JEREMIA 22:24

Didok Tuhan ma tu Raja Joyakin, anak ni si Joyakim raja ni Juda, “Mangasahon Au Debata na mangolu, Huondolkon ma, haru pe di Au tudos tu tintin sitempel ho di tangan siamunKu, angkon buatonKu do ho

DANIEL 9:15

Ale Tuhan Debatanami, madung dipatuduHon Ho kuasoMu marhite na maroban bangsoMi haruar sian Mesir, jana laing siingoton do tongtong kuasoMi. Madung mardosa hami jana mambaen hasalaan.

JOEL 2:11

Mangaronggur ma sora ni Tuhan mangalehen tanda, jana tunduk do tuSia parangan i sude. Na bahat do paranganNia! Santak gogo ni tentara na nipimpinNa! Ari na godang jana na jorbut do ari ni Tuhan! Ise he na bisa mangambati i?

BILANGAN 15:39

Hasaya ni rambu-rambu i gabe parningotan ma i. Ganop diida hamu i ingotonmunu ma sude parentangKu jana angkon patulusonmunu. Jadi hara ni i nada hudukkononmunu be Au giot patuluskon lungun ni rohamunu dohot hagiotmunu sandiri.

MATEUS 23:5

Sude pambaenan ni halahi, hum anso diida jolma sajo do. Sangajo do dipake halahi angka tali ni abit sumbayang na bidang-bidang dohot rambu ni baju juba ni halahi!

SURAT NI SI PAULUS TU PARLAGUTAN ROM 10:8

Tapi aha do na nidok ni i? On do, “Na donok do Hata i tu ho, i ma di bagasan pamanganmu dohot di bagasan rohamu.”

PANGARATAION 30:14

Nada! Dison, di hamu sandiri do hata i. Diboto jana tarenet hamu do i, antong oloi hamu ma i saonnari.

PANGARATAION 5:15

Ingot ma, na diparhatoban do ho di Mesir jana Au do Tuhan Debatamu na dung paluahon ho mardongan hagogoon na godang. Hara ni i ma umbaen na Huparentahon tu ho laho manghagodangkon Ari Sabat i.

PANGARATAION 6:21

Jadi angkon alusanmu ma songon on, ‘Na jolo gabe hatoban ni halak Mesir do hita, dung i dipalua Tuhan ma hita mardongan hagogoon na godang.

PANGARATAION 6:6

Angka parenta na hulehen tu hamu sadari on, ulang jabat dihalupahon hamu i.

PANGARATAION 6:8

Tambatkon ma i di tanganmu jana lilitkon di bohimu baen sipaingot-ingoton.

HALUMBAAN 18:8

Hara ni na songon i ma gabe angkon hona bala ia tompu di sada ari – nyae, hamarsahan dohot tangkuraparon. Tutungon ma ia tu api angke na sun do kuaso ni Tuhan Debata i na mangadili ia.”

HAKIM-HAKIM 2:12

Ditadingkon halahi ma Tuhan na maroban halahi ruar sian Mesir. Jana mulai ma halahi marsomba tu debata na asing, i ma debata ni angka bangso na humaliang halahi. Hara ni i gabe muruk ma Tuhan.