HARURUAR 13:5 - BIBEL JAMITA NA DENGGAN

⁵ Mardongan sumpa dijanjihon Tuhan tu ompumunu laho pasahatkon tu luat ni halak Kanaan, Het, Amori, Hewi dohot Jebus. Dung dioban Tuhan hamu tu luat na mora bope na napu i, ganop taon di bulan parjolo angkon hagodangkononmunu do pesta on.

HARURUAR 13:5 ပူးပေါင်းရင်းမြစ်များ

PAMUNGKAAN 26:3

Hudongani pe ho jana Hupasupasu. LehenonKu do di ho dohot di pomparanmu sude banua on. GohanKu do janji na dung Hupasahat tu si Abraham amangmi.

PAMUNGKAAN 50:24

Didok ia ma tu kahangginia i, “Donok noma ajalku, tapi pasti Debata do manyarihon dohot mamimpin hamu ruar sian luat on, tu luat na nijanjihonNia mardongan sumpa tu si Abraham, si Ishak dohot si Jakob.”

1 JUJUR TAON 1:15

Hewi, Arki, Sini,

HARURUAR 12:24

Angkon oloanmunu do dohot dakdanakmunu aturan on ro di salolot-lolotna.

HARURUAR 13:10

Pestahon hamu ma pesta on ganup taon di hatiha na dung ditontuhon.”

HARURUAR 13:11

Didok si Musa ma tu bangso Israel, “Obanon ni Tuhan ma hamu tu tano Kanaan na dung dijanjihonNa i mardongan sumpa tu hamu dohot tu ompumunu. Dung dipasahat tano i tu hamu,

HARURUAR 3:17

Madung Huputuskon di rohangKu laho maroban halahi ruar sian Mesir, inganan ni halahi diparkanciti, jana taruhononKu ma halahi tu luat na mora bope na napu – luat ni halak Kanaan, Het, Amori, Peris, Hewi dohot Jebus.

HARURUAR 3:8

Jadi hara ni i, madung mijur Au laho palua halahi sian tangan ni halak Mesir, bope maroban halahi haruar sian luat i, tu sada luat na bidang jana na napu, tano inganan ni susu dohot aer ni loba, jana saonnari diingani halak Het, Amori, Peris, Hewi dohot Jebus.

HARURUAR 32:13

Ingot ma si Abraham, si Ishak dohot si Israel naposoMi, angke madung marsumpa hian do Ho tu halahi mangasahon diriMu sandiri di na nidokMu tu halahi: BaenonKu ma pomparanMu sabahat ni bintang na di langit, jana sude tano na dung Hujanjihon on lehenonKu ma i tu pomparanmu, anso gabe halahi nampunasa salolot-lolotna.”

HARURUAR 33:1

Didok Tuhan ma tu si Musa, “Mardalan ma ho sian on rap dohot bangso na niuluhonmu ruar sian Mesir, tu luat na Hujanjihon mardongan sumpa tu si Abraham, si Ishak dohot si Jakob dohot tu pomparan ni halahi.

HARURUAR 34:11

Tapi anggo ho angkon marsitiopan tu na Huparentahon tu ho sadari on. Ligi ma angkon Huayak halak Amori sian jolomu, songon i halak Kanaan, halak Het, halak Peris, halak Hewi dohot halak Jebus.

HARURUAR 6:4

Hubaen muse do parjanjian dohot halahi. Madung Hujanjihon na giot lehenonKu tano Kanaan di halahi, luat inganan ni halahi najolo songon halak sileban.

HARURUAR 6:8

ObanonKu ma hamu tu luat na dung Hujanjihon hian di bagasan sumpa tu si Abraham, si Ishak dohot si Jakob; lehenonKu ma tano i gabe nampunamunu sandiri, Au do Tuhan.’ ”

JEREMIA 11:5

Muda dipatulus halahi sudena i, patulusonKu ma janjingKu tu ompu ni halahi, bahaso lehenonKu ma tu halahi tano napu jana na sonang na niinganan ni halahi saonnari.” Hualusi ma, “Denggan ale Tuhan.”

JEREMIA 32:22

Dilehen Ho tano na denggan jana na napu on tu halahi songon na nijanjihonMu tu ompu ni halahi.

JEHESKIEL 20:6

Marjanji do Au di hatiha i giot maroban halahi ruar sian Mesir manuju tu tano na Hutodo di halahi. Tano na mora jana na napu do luat i, i ma tano na dumenggan di portibi on sudena.”

HAMALIMON 20:24

Madung Hujanjihon bahaso tano na mora jana na napu i gabe hamu ma nampuna i, jadi lehenonKu ma i di hamu. Au do Tuhan Debatamu jana madung Hupaasing hamu sian angka bangso na asing i.

BILANGAN 11:12

Au dehe lakna manompa sanga manubuhon halahi? Biasi dipangido Ho au songon sada halak parorot na mangompa dakdanak? Gabe angkon pature-tureonku halahi salolot di pardalanan tu tano na nijanjihonMu tu ompung ni halahi?

BILANGAN 13:27

Ninna halahi ma tu si Musa, “Madung hami pareso luat i, tutu do tano na mora do i jana na napu, jana on ma saotik batu ni hayu na hami oban sian i.

BILANGAN 14:16

madung dibunu Ho bangsoMu di halongonan, dibaen nada tolap Ho be maroban halahi tu luat na dung nijanjihonMi.

PANGARATAION 12:29

“Di na mamorangi luat i hamu, abiskonon ni Tuhan Debatamunu i ma angka bangso na maringanan disi, gabe tarbuat hamu ma luat i jana taringani hamu.

PANGARATAION 19:1

“Dung diabisi Tuhan Debatamunu angka bangso i jana dilehen tu hamu tano i, gabe pambuatanmunu ma angka kotana i dohot angka bagas ni halahi lalu maringanan hamu disi,

PANGARATAION 26:1

“Muda dung dibuat hamu tano na giot silehenon ni Tuhan i tu hamu, jana dung maringanan hamu disi,

PANGARATAION 7:1

“Giot obanon ni Tuhan Debatamu ma ho tu tano siingananmu jana paorotonNia ma bahat bangso sian i. Di jolo ni matamu ayahonNia ma pitu bangso na gumodang jana na gumogo sian ho: Halak Het, Girgasi, Amori, Kanaan, Peris, Hewi dohot Jebus.

JOSUA 24:11

Dung i ditaripari hamu ma Batang aek Jordan, lalu ma hamu di Jeriko. Diporangi halak Jeriko do hamu, songon i halak Amori, halak Peris, Kanaan, Het, Girgasi, Hewi dohot halak Jebus. Tapi Hutaluhon do halahi sudena di hamu.