HARURUAR 13:21 - BIBEL JAMITA NA DENGGAN

²¹ Muda hatiha arian, mardalan ma Tuhan di jolo ni halahi di bagasan tiang ombun, jana hatiha borngin dijoloi Ia ma halahi di bagasan tiang api laho patidahon dalan. Dung songon i, tarbaen halahi ma mardalan arian dohot borngin.

HARURUAR 13:21 ပူးပေါင်းရင်းမြစ်များ

NEHEMIA 9:12

Muda arian dipimpin Ho do halahi dohot tiang ombun, muda borngin torang boluson ni halahi hara ni tiang api na gara.

NEHEMIA 9:19

Hape nada ditadingkon Ho halahi di gurun pasir i, dibaen na gok holong ni roha do Ho antong. Nada diumpat Ho tiang ombun dohot api mangulahi, na patudu dalan ni halahi arian dohot borngin ni ari.

MASMUR 105:39

Dilinggomi Tuhan anakNia i marhite ombun; muda borngin, dilehen Ia di halahi api patorang dalan.

MASMUR 68:7

Di na nitoguMu bangsoMu, ale Debata, mardalan mamolus padang na hiang,

MASMUR 77:20

Songon parmahan diiring-iring Ho bangsoMu, na nipimpin ni si Musa dohot si Harun.

MASMUR 78:14

Muda arian diiring Ia halahi marhite ombun, salolot borngin marhite api na marsijongjong.

MASMUR 99:7

Sian tiang ombun mangkuling Ia tu halahi, dioloi halahi do sude parentaNia i.

HARURUAR 10:10

Ninna raja i ma, “Husumpahon ma mangasahon Tuhan paboa na so huloas angka dadaboru dohot dakdanakmunu! Madung tangkas, na mambaen kompolotan do hamu laho mangalo.

HARURUAR 16:10

Hatiha mangkobari dope si Harun tu bangso i sude, humusor ma halahi adop parhorsihan, jana tompu ma diida halahi sumirlak sinondang ni Tuhan di bagasan ombun i.

HARURUAR 32:1

Dung diida bangso i laing na so manuat si Musa sian dolok i, gabe marlagut ma halahi mangarongomi si Harun jana didok halahi ma tusia, “Nada hami paboto-boto be da na masa tu si Musa i na manogu hita ruar sian Mesir; saonnari baen ma di hami debata laho mangiring hami.”

ENDE NA GODANG 3:6

Ise dehe i na ro sian padang-padang an, tarsongon timus na suman tu tiang? Huskusna songon mur dohot dupa, dupa na nigadis ni parboniaga.

BILANGAN 10:34

Salolot marpinda-pinda halahi sian ganop inganan parbandaran, sai tongtong do di ginjang ni halahi ombun ni Tuhan i muda arian.

BILANGAN 14:14

Jana nadung dibaritahon halahi do angka pangalaho i tu halak na maringanan di luat on. Jadi madung diboto halahi, na rap do Ho dohot hami. Jana madung dibege halahi, bahaso tarida do Ho tangkas muda maradian ombunMu di ginjangnami, dijoloi Ho do hami mardongan tiang ombun muda arian, jana marhite tiang api muda borngin.

PANGARATAION 1:33

haru pe sai tongtong dijoloani Ia hamu laho manjalahi inganan parbandaran di hamu. Dijoloani Ia do hamu laho patuduhon dalan, di bagasan tiang api taran borngin dohot tiang ombun muda di arian.”

PANGARATAION 31:8

Tuhan sandiri do na giot manogu dohot mandongani ho. Nada pailaon sanga tadingkononNia ho. Antong, ulang ho mabiar sanga hurang togu rohamu.”