HARURUAR 13:19 - BIBEL JAMITA NA DENGGAN

¹⁹ Dioban si Musa do holi-holi ni si Josep, angke dompak di ngolunia madung dibaen halak Israel marsumpa laho patuluskon songon i. Didok si Josep do, “Muda dung dipalua Tuhan hamu, angkon obanonmunu do bangkengku sian inganan on rap dohot hamu.”

HARURUAR 13:19 ပူးပေါင်းရင်းမြစ်များ

PAMUNGKAAN 48:21

Jadi didok si Jakob ma tu si Josep, “Songon na niidamu, donok noma da ajalku; tapi laing donganan ni Debata do hamu jana obanonNa mulak tu luat ni ompungmunu.

HARURUAR 4:31

Gabe porsaya ma halahi boti dung dibege halahi bahaso na dung ro hape Debata marnida sude parkancitan ni halahi, dipaunduk halahi ma marsomba tu Debata.

LUKAS 1:58

Dibege angka hombar bagasnia i ma songon i dohot koum sisolkotnia, songon i ma hape dengganna roha ni Tuhan maradopkon si Elisabet, gabe dohot ma halahi sude marjop ni roha.

LUKAS 7:16

Sude ma halak mabiar, dipuji halahi ma Debata. Ninna halahi, “Madung tarida sada panurirang na godang di tonga-tonganta! Madung ro Debata laho paluahon bangsoNia!”

BAENON NI ANGKA RASUL 7:15

Jadi bungkas ma si Jakob tu tano Mesir jana disi ma marujung ngolunia dohot angka ompunta i.

BAENON NI ANGKA RASUL 7:16

Anggo holi-holi ni halahi dioban do muse tu Sikem jana dikuburkon ma di kuburan na nitobusan ni si Abraham dohot hepeng sian angka anak ni si Hemor na di Sikem i.

IBRANI 11:22

Hara ni haporsayaan, di na giot mate si Josep, dibaritahon ia do taringot tu haruruar ni halak Israel. Laing ditonahon ia hian do sibaenon taringot tu holi-holinia.

JOSUA 24:32

Saring-saring ni si Josep na nioban ni halak Israel sian Mesir, ditanom ma di Sikem, di tano na nitobusan ni si Jakob mararga saratus potong hepeng perak sian angka anak ni si Hemor, amang ni si Sikem. Jana dipateankon do tano i tu angka pomparan ni si Josep.