HARURUAR 13:14 - BIBEL JAMITA NA DENGGAN

¹⁴ Muda disapai anakmu di pudian ni ari sanga aha astuan ni pesta on, angkon alusanmunu songon on, ‘Marhite hagodangan ni kuaso ni Tuhan do, na maroban hita ruar sian Mesir inganan parhatobananta i.

HARURUAR 13:14 ပူးပေါင်းရင်းမြစ်များ

PAMUNGKAAN 30:33

Mura do botoonmunu tu joloan on sanga na tigor au maradopkon hamu. Muda ro hamu sanga sadihari mamareso upangki, manigor mura do botoonmunu sanga na tigor na hubaen i tu hamu. Muda ro ho mamareso upangku, sugari sura ma adong hambengku na so marbolang sanga na so marturik, sanga sada biri-biri na so lomlom, disi botoonmu ma manigor na hutangko do pahan-pahanan i.”

1 JUJUR TAON 16:12

O hamu pomparan ni si Jakob, angka naposo ni Debata! ale pomparan ni si Israel, bangso na nipiliNia! Ingot ma hahomangan na nibaen ni Debata, patulus hamu ma angka parentaNia.

NEHEMIA 1:10

Tuhan, angka naposoMu do hami on, halakMu sandiri na dung nipaluaMu dohot kuaso bope dohot hagogoonmu na sumurung i.

MASMUR 136:11

Dioban Ia Israel ruar sian Mesir, hot do holong ni rohaNia sapanjangna;

MASMUR 145:4

Sian sundut tu sundut, sai pujionna do goarMu, jamitahonon ni halahi do hasangapanMu.

MASMUR 78:4

Nada i giot bunihononta sian angka dakdanakta, tapi pajojoronta do i tu sundut na mangihut taringot tu kuaso ni Tuhan dohot karejoNa na pahomang roha, dohot angka pambaenanNia na so tartangkup roha.

HARURUAR 10:2

anso tarcaritohon ho i tu anakmu dohot tu pahompumu sanga songon dia Hubaen marmayam-mayamkon bangso Mesir marhite hahomangan na dung Hubaen di tonga-tonga ni halak i. Sude ma hamu mambotosa, bahaso Au do Tuhan.”

HARURUAR 12:41

Di ari parpudi di taon pa 430 hon i, sude ma bangso ni Debata maninggalkon tano Mesir.

HARURUAR 13:3

Didok si Musa ma tu halak Israel, “Ingot hamu ma ari on ari haruruarmunu sian Mesir inganan parhatobanonmunu. On ma arina Tuhan paluahon hamu marhite kuasoNia na godang i. Ulang pangan hamu roti na marragi.

HARURUAR 13:8

Di parmulaan ni pesta i, angkon baritahononmunu do tu angka dakdanakmunu, dibaen hamu pe sudena i, i ma hara ni sasude na dung dibaen Tuhan tu hamu di na laho maninggalkon tano Mesir hamu.

HARURUAR 13:9

Pesta on ma songon singot-singot di hamu tudos tu na nitambatkon di tangan sanga di bohimu. Marhite pesta on, gabe dipaingot hamu anso diapil jana diparsiajari hamu angka Uhum Ni Tuhan, harana madung diparuar Tuhan hamu sian Mesir marhite kuasoNa na godang i.

HARURUAR 20:2

“Au do Tuhan Debatamu, na maroban ho ruar sian tano Mesir, sian tano parhatobanan i.

HARURUAR 6:1

Dung i didok Debata ma tu si Musa, “Ligionmu ma saonnari sanga aha na giot baenonKu tu raja i. PaksahononKu ma tusia anso dipalua ia bangsongKu. Angkon paksaonKu ia anso dipatola ia kehe halahi sian luat on.”

HARURUAR 6:6

Jadi baen ma boa-boa tu bangso Israel, bahaso madung Hudok tu halahi: ‘Au do Tuhan; sai na urupanKu do hamu jana paluaonKu sian parhatobanon ni bangso Mesir i. SurduhononKu tanganKu na gogo i mandabu uhum na dokdok tu bangso Mesir, jana paluaonKu hamu.

HARURUAR 6:7

Gabe bangsongKu ma hamu baenonKu jana Au gabe Debatamunu. Anso diboto hamu, Au do Tuhan Debatamunu di na Hupalua hamu sian parhatobanon di Mesir.

JEREMIA 34:13

Debata ni Israel marsuru au mandok tu angka jolma songon on, “Di na Huoban ompungmunu haruar sian Mesir jana Hupalua sian parhatobanon, na dung Hubaen do parjanjian dohot halahi.

DANIEL 9:15

Ale Tuhan Debatanami, madung dipatuduHon Ho kuasoMu marhite na maroban bangsoMi haruar sian Mesir, jana laing siingoton do tongtong kuasoMi. Madung mardosa hami jana mambaen hasalaan.

BAENON NI ANGKA RASUL 13:17

Madung dipili Debata ni Israel angka ompunta i, jana dibaen Ia gabe bangso na godang bangsonta on hatiha halak dagang halahi di tano Mesir, dung i diparuar Ia ma halahi sian i markite-hite gogoNia.

PANGARATAION 5:15

Ingot ma, na diparhatoban do ho di Mesir jana Au do Tuhan Debatamu na dung paluahon ho mardongan hagogoon na godang. Hara ni i ma umbaen na Huparentahon tu ho laho manghagodangkon Ari Sabat i.

PANGARATAION 5:6

Ninna Debata ma, ‘Au do Tuhan Debatamu, na maroban hamu ruar sian tano Mesir, sian inganan parhatobanan i.

PANGARATAION 6:12

denggan ma jagohon hamu anso ulang jabat lupa ho tu Tuhan na dung paluahon ho sian Mesir, ingananmu diparhatoban.

JOSUA 22:24

Nada, hamu angka dongan! Nada songon i maksudnami! Hami pajongjong pe langgatan i, hara ni na gamang do hami sanoli on di pudian ni ari dokkonon ni angka pomparanmunu tu pomparannami, ‘Nada adong sanga na aha parsambunganmunu tu Tuhan, Debata ni Israel!

JOSUA 24:17

Tuhan Debatanta do antong na paluahon ompunta dohot hita sian parhatobanan di Mesir. Madung taida angka hahomangan na nibaen ni Tuhan. Sai diondihon Tuhan do hita di bagasan sude pardalananta manyalpui angka luat na asing.

JOSUA 4:6

Angka batu i ma na paingotkon halak Israel tu na nibaen ni Tuhan. Dilaon-laon ni ari muda sapa-sapa angka dakdanakmunu sanga aha arti ni angka batu on di hamu,

HAKIM-HAKIM 2:12

Ditadingkon halahi ma Tuhan na maroban halahi ruar sian Mesir. Jana mulai ma halahi marsomba tu debata na asing, i ma debata ni angka bangso na humaliang halahi. Hara ni i gabe muruk ma Tuhan.

HAKIM-HAKIM 6:8

Diutus Tuhan ma sada halak panurirang tu halahi. Didok panurirang i ma, “Songon on ma pandok ni Tuhan, Debata ni Israel: ‘Madung Hupalua hamu sian parhatobanan di Mesir.