HARURUAR 13:12 - BIBEL JAMITA NA DENGGAN

¹² angkon pasahatonmunu do sude anak siangkaan tu Tuhan. Sandok pahan-pahanan jantan na parjolo sorang, Tuhan do nampunasa.

HARURUAR 13:12 ပူးပေါင်းရင်းမြစ်များ

NEHEMIA 10:36

Obanonnami ma anaknami siangkaan tu angka malim di Bagas Ni Tuhan laho pasahatkonsa tu Debata, songon na diaturkon ni Uhum. Laing pasahatonnami ma anak ni lombu, anak ni biri-biri sanga anak ni hambengnami na parjolo sorang.

NEHEMIA 10:37

Obanonnami ma tu angka malim di Bagas Ni Tuhan adonan na sian gandum na parjolo disabi ganop taon, songon i muse angka haul na asing songon anggur, miak zetun dohot ragam-ragam ni parbatu ni suan-suanan. Obanonnami ma haul parsampuluan sian suha ni ladangnami tu angka halak Levi na palagut angka haul parsampuluan di hutanami be.

HARURUAR 13:1

Didokkon Tuhan ma tu si Musa,

HARURUAR 13:2

“Haulkon ma tu Au sude anak halaklahi siangkaan. Ganop anak halaklahi siangkaan di halak Israel dohot sandok pahan-pahanan jantan na parjolo sorang, Au do nampunasa.”

HARURUAR 22:28

Ulang burai hamu Debata jana ulang pasumpahon pamimpin ni bangsomu.

HARURUAR 22:29

Haulkon ma tu Au deba sian suha ni ememu, sian aek ni anggurmu, sian miak ni zetunmu muda mandapot hasil hamu. Pasahat ma tu Au angka dakdanakmunu siangkaan.

HARURUAR 34:19

Sandok anak halaklahi na parjolo sorang, Au do nampunasa, bope sandok jantan sian pahan-pahananmu, anak ni lombu sanga biri-biri na parjolo sorang.

HARURUAR 34:20

Tapi anggo anak ni halode na parjolo sorang, angkon tobusonmunu do dohot sada biri-biri songon gontina. Muda nada ra hamu manobusna angkon ponggolkononmu do rungkungna i. Ganop anak siangkaanmunu angkon tobusonmunu do i. Ulang ma adong sahalak na tarida ro tu jolongKu na so marsilua.

JEHESKIEL 16:20

Dung salpu i dipelehon ho muse ma angka dakdanakmu, halaklahi dohot dadaboru na ditubuhonmu di Au gabe haul tu angka gana-ganaan. Na diambang ho do parkaro na menek dope parkarosuanmon?

JEHESKIEL 44:30

Angkon bagian na dumenggan do lehenon di angka malim sian sude ragam ni suha patumonaan ni suan-suanan, dohot sian sandok na dihaulkon tu Au. Ganop mambaen roti bangso Israel, anggo roti na parjolo dibaen i bagian ni malim do i. Jadi gabe pasupasuonKu ma angka bagas ni bangso Israel.

HAMALIMON 27:26

Pahan-pahanan na adong parjolo Tuhan do nampuna i. Jadi sahalak pe nada tola mangalehen i tu Tuhan gabe haul jop ni roha. Anak ni lombu, anak ni biri-biri sanga anak ni hambeng na adong parjolo Tuhan do nampuna i.

BILANGAN 18:15

Sude anak dohot pahan-pahanan na parjolo sorang, na dihaulkon ni halak Israel tu Au, bagianmu do i. Jadi angkon jagitonmunu hepeng partobus ni ganop anak siangkaan dohot ganop pahan-pahanan na haram na parjolo sorang.

BILANGAN 3:12

“Saonnari Au do nampuna halak Levi. Di hatiha Hubunu sude anak siangkaan ni halak Mesir, madung Hupili di Au, anak siangkaan halaklahi sian ganop ripe di Israel bope anak siangkaan ni pahan-pahanan ni halahi. Jadi, songon gonti ni anak halaklahi siangkaan di Israel, Hupili halak Levi di Au, Au do nampuna halahi. Au do Tuhan.”

BILANGAN 8:17

Di hatiha na Hubunu sude anak siangkaan di Mesir, anak halaklahi siangkaan sian ganop marga di Israel dohot sian pahan-pahanan na parjolo adong, madung Hubaen Au puna sandiri.

LUKAS 2:23

Harana tarsurat do antong di Tona Ni Tuhan songon on: “Sude anak halaklahi panggoaran, angkon nipasahat do tu Tuhan.”

PANGARATAION 15:19

Lombu jantan, hambeng jantan, dohot biri-biri jantan na parjolo sorang, haulkon hamu ma i tu Tuhan. Nada tola pakeon lombu i manarik bajak, jana biri-biri i nada tola cukuron.