HARURUAR 12:9 - BIBEL JAMITA NA DENGGAN

⁹ Angkon nitutung do sude uluna, patna dohot isi ni butuhana. Pangan hamu ma juhut na nitutung i ulang adong mangan na mata sanga na nibolgang.

HARURUAR 12:9 ပူးပေါင်းရင်းမြစ်များ

2 JUJUR TAON 35:13

Dung i ditutungi angka halak Levi i ma haul Paskah i di ginjang api, hombar tu paraturan, jana dibolgang halahi ma angka haul na mardohonan di bagasan hudon, huali dohot panci, dung i diompot ma mambagi-bagihon juhutna i tu angka jolma i.

HARURUAR 12:8

Borngin i ditutung ma juhutna i, dipangan ma rap dohot sayur paet dohot roti na so marragi.

HARURUAR 29:13

Dung i muse angkon buatonmu do sude tabo-tabo na manutupi butuhana i, bagian na dumenggan sian ate-atena dohot piana na dua i dohot tabo-tabo na lohot disi, payakkon ma i di langgatan jana tutung ma i songon haul tu Au.

HARURUAR 29:17

Sambol ma biri-biri i marbagi-bagi, dung i basu ma butuhana dohot patna, jana payakkon ma i di ginjang ni uluna rap dohot bagian-bagian na asing.

ANDUNG 1:13

Dipaijur Ia api sian langit na manutungi holi-holingku lopus mangampir. Di taon Ia jorgong di jolongku na mambaen au madabu. Lalu dipadiar au disi marhancit torus sasadari.

HAMALIMON 1:9

Angkon basuon ni halahi do butuha dohot pat pudi ni pahan-pahanan i, dung i markarejo ma malim manutung sude haul sipanganon i pajop roha ni Tuhan.

PANGARATAION 16:7

Angkon bolgangon do juhut ni pahan-pahanan i, jana angkon di inganan paribadatan i do i panganon, jana ancogotna i angkon mulak hamu.