HARURUAR 12:8 - BIBEL JAMITA NA DENGGAN

⁸ Borngin i ditutung ma juhutna i, dipangan ma rap dohot sayur paet dohot roti na so marragi.

HARURUAR 12:8 ပူးပေါင်းရင်းမြစ်များ

2 JUJUR TAON 35:13

Dung i ditutungi angka halak Levi i ma haul Paskah i di ginjang api, hombar tu paraturan, jana dibolgang halahi ma angka haul na mardohonan di bagasan hudon, huali dohot panci, dung i diompot ma mambagi-bagihon juhutna i tu angka jolma i.

MASMUR 22:14

Abis ma sude gogongku, songon aek na durus tu tano, martalgangan sude holi-holingki, ate-ate i pe malala songon lilin na hona api.

HARURUAR 1:14

mambaen ngolu ni halahi markancit. Saotik pe nada adong ibo ni roha di halahi, dipaksa do halahi markarejo di angka proyek pambangunan dohot di ladang-ladang.

HARURUAR 12:9

Angkon nitutung do sude uluna, patna dohot isi ni butuhana. Pangan hamu ma juhut na nitutung i ulang adong mangan na mata sanga na nibolgang.

HARURUAR 13:3

Didok si Musa ma tu halak Israel, “Ingot hamu ma ari on ari haruruarmunu sian Mesir inganan parhatobanonmunu. On ma arina Tuhan paluahon hamu marhite kuasoNia na godang i. Ulang pangan hamu roti na marragi.

HARURUAR 13:7

Pitu ari lolotna nada tola panganonmunu roti na marragi jana di sude luatmunu nada tola adong ragi sanga roti na marragi.

HARURUAR 23:18

Ulang haulkon hamu mudar ni binatang sisambolon tu Au dohot roti na marragi jana ulang tebahon tabo-tabo ni binatang na nihaulkon di ari pesta i lalu tu ancogotna i.

HARURUAR 34:25

Ulang haulkon hamu roti na marragi muda ro hamu manghaulkon pahan-pahanan tu Au. Na nisambol baen haul di Pesta Paskah, nada tola tinggalhononmunu saotik pe lalu tu ancogotna.

JESAYA 53:10

Tapi hagiot ni Tuhan do manaon na hancit ia, jana mate songon haul panyesa ni dosa. Idaonnia do pomparannia jana ginjang umurnia tulus ma hagiot ni Tuhan markite-hite ia.

AMOS 4:5

Datdati hamu ma na manghaulkon roti mandok tarimakasi tu Au, jana toruskon hamu ma mamburas paboa na dung dioban hamu tamba-tamba ni haulmunu! Nada he songon i do diparhagiot rohamunu ale halak Israel?” Songon i ma didok Tuhan Debata.

ZAKARIA 12:10

Dung i lehenonKu ma tondi na sai marhagiot mangampuni dohot na marhagiot martangiang tu pomparan ni si Daud dohot tu halak na maringanan di Jerusalem. Tatapon ni halahi ma na nitiham ni halahi jana andungan ni halahi ma i songon pangandungi ni anak sasada. Lungun noma pangandung ni halahi, songon dia na agoan anak siangkaan.

MATEUS 16:12

Ujungna gabe diboto halahi ma astuan ni na nidokNia i. Disuru Jesus pe halahi manat-manat nada na mandok taringot tu ragi na nipake laho mambaen roti. Tapi taringot tu pangajaran ni halak Parise dohot Saduse do.

MATEUS 26:26

Hatiha na mangan i halahi dibuat Jesus ma roti. Dipasahat Ia ma tangiang mandok tarimakasi. Dung i dilehen Ia ma roti i tu angka anak siseanNia i, didok Ia ma dohot hataNa, “Jagit, jana pangan hamu ma, on ma pamatangKu.”

GALATIA 5:9

“Gabe kombang do sude adonan i hara ni ragi na saotik sajo.”

PANGARATAION 16:7

Angkon bolgangon do juhut ni pahan-pahanan i, jana angkon di inganan paribadatan i do i panganon, jana ancogotna i angkon mulak hamu.

1 TESSALONIKA 1:6

Madung gabe ditiru hamu tiruannami dohot tiruan ni Tuhan i. Haru pe markancit situtu hamu, laing dijagit hamu do hata i mardongan jop ni roha. Tondi Parbadia do na mangalehen jop ni rohamunu i.