HARURUAR 12:49 - BIBEL JAMITA NA DENGGAN

⁴⁹ Dos do aturan tu halak Israel asli dohot tu halak na leban na dung hot rap dohot hamu.”

HARURUAR 12:49 ပူးပေါင်းရင်းမြစ်များ

HARURUAR 12:50

Sude halak Israel tunduk do patulus na niparentahon ni Tuhan tu si Musa dohot si Harun.

HAMALIMON 19:34

Baen ma tu halahi songon na nibaenmu tu bangsomu sandiri jana haholongi halahi songon pangkaholongimu di dirimu sandiri. Ingot, hamu pe jungada do gabe halak na leban di Mesir. Au do Tuhan Debatamu.

HAMALIMON 24:22

Mangonai do uhum on tu sude halak Israel, bope tu halak na leban na rap dohot hamu, angke Au do Tuhan Debatamu.”

BILANGAN 15:29

Dos do aturan i mangonai sanga tu ise pe na mardosa so hara ni na niuntil ia, bope halak Israel ia bope halak na leban na maringanan disi.

BILANGAN 35:15

Gabe kota haporusan ma i di halak Israel dohot di halak na leban na rap dohot hamu santongkin sanga manongtong pe. Sanga ise na mamunu halak na asing na so disangajo, tola do maporus tu angka kota i.

BILANGAN 9:14

Muda adong halak na leban na rap dohot hamu giot dohot marpesta Paskah, angkon pestahononnia do pesta i mangihutkon paraturan na mardomu tusi. Mangonai do uhum on tu sude jolma, bope halak Israel bope halak na leban.”

GALATIA 3:28

Anggo taringot tuson, nada adong be dibaen mardia imbar halak Jahudi sanga angka halak Junani, hatoban dohot na mardeka, halaklahi dohot dadaboru. Gabe sada do hamu sudena hara ni Kristus Jesus.

KOLOSSE 3:11

Hara ni sasudena i gabe mago ma angka parasingan ni halak Jahudi dohot na so Jahudi, halak na marsunat dohot na so marsunat; nada adong be parasingan ni angka bangso; nada adong be hatoban sanga na mardeka; angke hum Kristus noma sasudena. Mardomu do Kristus dohot halahi sudena!