HARURUAR 12:41 - BIBEL JAMITA NA DENGGAN

⁴¹ Di ari parpudi di taon pa 430 hon i, sude ma bangso ni Debata maninggalkon tano Mesir.

HARURUAR 12:41 ပူးပေါင်းရင်းမြစ်များ

PAMUNGKAAN 50:24

Didok ia ma tu kahangginia i, “Donok noma ajalku, tapi pasti Debata do manyarihon dohot mamimpin hamu ruar sian luat on, tu luat na nijanjihonNia mardongan sumpa tu si Abraham, si Ishak dohot si Jakob.”

1 RAJA-RAJA 6:1

Di bulan Ziv, i ma bulan paduahon, di taon paopatkon mamarenta si Salomo, opat ratus salapan pulu taon dung ditinggalkon bangso Israel Mesir, mamungka ma si Salomo markarejo pajongjong Bagas Ni Debata.

2 JUJUR TAON 14:12

Jadi diroro si Asa dohot tentara ni Juda i ma tentara ni Sudan i. Ditaluhon Tuhan ma tentara ni Sudan i lopus maporus halahi.

MASMUR 102:13

Giot jongjong do Ho jana manghaholongi Sion, madung dapot hatihana maribo roha Ho tusia.

MASMUR 114:1

Di na ruar halak Israel sian Mesir, dompak ditadingkon pomparan ni si Jakob tano i,

MASMUR 136:11

Dioban Ia Israel ruar sian Mesir, hot do holong ni rohaNia sapanjangna;

HARURUAR 12:17

Angkon tongtong do baenonmunu parningotan di Ari Pesta on, angke di ari on ma Huoban sude bangsomunu haruar sian Mesir. Tu angka ari na ro pe angkon baenon do parningotan di Ari Pesta on lalu tu angka pomparanmunu.

HARURUAR 12:51

Di ari i ma dioban Tuhan halak Israel i ruar sian tano Mesir songon sada parangan.

HARURUAR 13:14

Muda disapai anakmu di pudian ni ari sanga aha astuan ni pesta on, angkon alusanmunu songon on, ‘Marhite hagodangan ni kuaso ni Tuhan do, na maroban hita ruar sian Mesir inganan parhatobananta i.

HARURUAR 13:16

Pesta on ma na paingotkon hita gabe songon sada tanda na ditambatkon di tangan sanga di bohinta. Marhite pesta on, dipaingot hita, bahaso na dung diparuar Tuhan hita sian Mesir marhite kuasoNa na godang i.”

HARURUAR 13:3

Didok si Musa ma tu halak Israel, “Ingot hamu ma ari on ari haruruarmunu sian Mesir inganan parhatobanonmunu. On ma arina Tuhan paluahon hamu marhite kuasoNia na godang i. Ulang pangan hamu roti na marragi.

HARURUAR 13:9

Pesta on ma songon singot-singot di hamu tudos tu na nitambatkon di tangan sanga di bohimu. Marhite pesta on, gabe dipaingot hamu anso diapil jana diparsiajari hamu angka Uhum Ni Tuhan, harana madung diparuar Tuhan hamu sian Mesir marhite kuasoNa na godang i.

HARURUAR 3:10

Saonnari Husuru ho anso kehe mangadop tu raja ni Mesir, anso bolas ho manguluhon bangsongKi haruar sian luat i.”

HARURUAR 3:8

Jadi hara ni i, madung mijur Au laho palua halahi sian tangan ni halak Mesir, bope maroban halahi haruar sian luat i, tu sada luat na bidang jana na napu, tano inganan ni susu dohot aer ni loba, jana saonnari diingani halak Het, Amori, Peris, Hewi dohot Jebus.

HARURUAR 6:26

Si Harun dohot si Musa na manjagit hata ni Debata na mandok, “Boan hamu ma halak Israel hombar tu angka pasukanna be haruar sian Mesir.”

HARURUAR 6:6

Jadi baen ma boa-boa tu bangso Israel, bahaso madung Hudok tu halahi: ‘Au do Tuhan; sai na urupanKu do hamu jana paluaonKu sian parhatobanon ni bangso Mesir i. SurduhononKu tanganKu na gogo i mandabu uhum na dokdok tu bangso Mesir, jana paluaonKu hamu.

HARURUAR 7:4

Hara ni i ma angkon uhumanKu Mesir dohot angka uhum na dokdok, dung i obanonKu ma bangso Israel bangsongKi haruar sian luat i.

DANIEL 9:24

Pitu noli pitu pulu taon, i ma hatiha na ditontuhon ni Debata laho paluahon bangsomu dohot kotamu na badia i sian dosa dohot hajahatan. Ampunan noma sude jana pahoton hatigoran na manongtong, lopus gabe tulus tarjadi parnidaan i, jana Bagas Ni Tuhan na badia i pasahaton ma mangulahi tu Tuhan i.

HAMALIMON 23:43

anso diboto pomparanmu, Tuhan do na manyuru halak Israel tinggal di bagasan undung-undung, hatiha dioban Ia halahi haruar sian Mesir. Ibana do Tuhan Debatamu.”

HABAKUK 2:3

Suratkon ma i, angke nada saonnari dope hatihana. Tapi manigor ro ma hatihana i, jana musti tarjadi sanga aha na Hudokkon i tu ho. Haru pe laing honok dope idaon, tapi painte sajo ma! Pasti do ro hatiha ni i jana nada dipalambat-lambat.

BILANGAN 23:22

Sian Mesir dioban Debata halahi haruar, marporang halahi songon lombu riar.

BILANGAN 33:1

Dung ditinggalkon halak Israel tano Mesir di bagasan barisan ni marga-margana be, na niuluhon ni si Musa dohot si Harun, maradian do halahi di angka inganan na nitontuhon.

JOHANNES 7:8

Hamu sajo ma jolo kehe tu pesta i. Anggo Au indangkon ma sai kehe tusi, angke nada hatihana dope di Au.”

BAENON NI ANGKA RASUL 1:7

Dialusi Jesus ma, “Damang do na umboto taringot tu ari dohot hatiha ni i. Nada porlu botoonmunu i, angke kuaso ni Damang do i.

BAENON NI ANGKA RASUL 7:36

Si Musa i ma na manguluhon halak Israel haruar sian Mesir jana na mambaen angka hahomangan dohot angka na so jungada masa di Mesir, di Laut Na Rara dohot di parhorsihan i opat pulu taon honokna.

PANGARATAION 16:1

“Pagodang hamu ma Pesta Paskah di bulan Abib laho pasangap Tuhan Debatamunu, angke di bulan i do antong, taran borngin-borngin dipalua Tuhan hamu sian Mesir.

PANGARATAION 4:37

Hara ni na holong rohaNia di ompumunu, madung ditodo Ia hamu; mardongan godang ni kuasoNia, madung dioban Ia hamu ruar sian Mesir.

JOSUA 24:5

Dung i Huutus ma si Musa dohot si Harun, lalu ditimpalkon halahi hasusaan godang tu Mesir; hape anggo hamu, Huparuar do sian i.

JOSUA 5:14

“Nada dongan, jana nada alo,” ning bayo i mangalusi. “Panglima ni tentara ni Tuhan do au dison.” Manungkap ma si Josua, marsomba jana didok ia ma, “Aha do na giot dohonon ni Tuanku di naposomon?”