HARURUAR 12:32 - BIBEL JAMITA NA DENGGAN

³² Oban hamu ma biri-biri, hambeng dohot lombumunu i, kehe ma hamu! Laing pangido hamu pasupasu di au!”

HARURUAR 12:32 ပူးပေါင်းရင်းမြစ်များ

PAMUNGKAAN 15:14

Tapi uhumonKu do bangso na marhatobankon pomparanmu; jana di na manadingkon luat i pomparanmu, obanon ni halahi ma bahat arta sinadongan.

PAMUNGKAAN 27:34

Dung dibege si Esau na songon i, mangangguk godang ma ia jana dangol sajo dihilala ia; jadi didok ia ma, “Laing pasupasu ma da au, amang!”

PAMUNGKAAN 27:38

Nada marnamantak si Esau mangelek-elek amangnia i, “Hum i sajo ma he amang pasupasumu? Laing pasupasu ma da dohot au, amang!” Dung i tangis ma ia mangulahi.

ESRA 6:10

Patulus sudena i anso tarbaen halahi pasahatkon haul na pasonangkon roha ni Debata na markuaso di banua ginjang, jana anso dipangido halahi pasupasu di au dohot di angka anakku.

HARURUAR 10:26

Jana boanonnami do sude pahan-pahanannami, sada pe nada adong tinggalkononnami. Angkon pilionnami sandiri do pahan-pahanan sihaulkononnami tu Tuhan Debatanami. Painte so lalu tusi, nada hami boto dope sanga dia sian pahan-pahanan i sihaulkononkon tu Tuhan.”

HARURUAR 10:9

Dialusi si Musa, “Sude do hami giot kehe, dakdanak dohot halak na matobang. Obanonnami do sude dakdanaknami, sude biri-biri dohot hambeng bope lombunami, angke na giot baenonnami ma pesta laho pasangap Tuhan.”

HARURUAR 8:28

Ninna raja i ma, “Hupaloas pe hamu kehe tu halongonan, laho manghaulkon haul tu Tuhan Debatamunu i, asal ma ulang dao hamu kehe. Antong, tangiangkon ma au!”

HARURUAR 9:28

Tangiangkon hamu ma tu Tuhan, madung tuk parkancitannami dibaen ambolas on. Marjanji ma au laho paloaskon hamu kehe. Indangkon pola tinggal be hamu dison.”