HARURUAR 12:29 - BIBEL JAMITA NA DENGGAN

²⁹ Di tonga borngin i, dibunu Tuhan ma sude anak halaklahi siangkaan di Mesir, mamungka sian anak siangkaan ni raja i, lalu tu anak siangkaan ni na di hurungan. Angka pahan-pahanan na parjolo sorang pe dibunu.

HARURUAR 12:29 ပူးပေါင်းရင်းမြစ်များ

PAMUNGKAAN 15:14

Tapi uhumonKu do bangso na marhatobankon pomparanmu; jana di na manadingkon luat i pomparanmu, obanon ni halahi ma bahat arta sinadongan.

JOB 34:20

Di tonga borngin, ra do halahi mate tompu. Diuhumi Debata ma halahi jana halahi pe gabe magopu; mura do uhumanNia halak na gogo.

MASMUR 105:36

Dung i dibunu Ia sude anak siangkaan ni Mesir, gabe marobur ma angka anak ni bangso na diarop roha.

MASMUR 135:8

Di Mesir dibunu Ia sude anak siangkaan ni binatang dohot anak siangkaan ni jolma.

MASMUR 136:10

Dibunu Ia angka anak siangkaan ni Mesir, hot do holong ni rohaNia sapanjangna.

MASMUR 78:50

Dipadiar Ia murukNia manggilap jana dipangabis halahi marhite nyae na mangalangkoti.

MASMUR 78:51

Sian sude ripe ni halak Mesir, dibunu Ia anak siangkaan halaklahi.

HARURUAR 11:1

Didok Tuhan ma tu si Musa, “DabuonKu dope sada nari uhum tu raja Mesir dohot tu rayatnia. Dung i paloasonnia ma hamu kehe. Olo! Angkon paorotonnia ma sude hamu sian on.

HARURUAR 12:12

Di borngin i bolusanKu ma sude tano Mesir, jana bunuonKu ma sude anak halaklahi siangkaan, bope di jolma bope di pahan-pahanan. UhumanKu ma sude sombaon na di Mesir, angke Au do Tuhan.

HARURUAR 12:28

Dung i kehe ma halak Israel patuluskon na niparentahon ni Tuhan tu si Musa dohot si Harun.

HARURUAR 13:15

Di na manangkang roha ni raja Mesir jana nada diloas ia hita kehe, dibunu Tuhan ma sude halaklahi anak siangkaan ni halak Mesir, bope anak siangkaan ni jolma dohot pahan-pahanan. I ma da dalanna tahaulkon tu Tuhan ganop pahan-pahanan jantan na parjolo sorang, tapi tatobus ma anggo anak siangkaan di hita.’

HARURUAR 4:23

jana madung Huparentahon tu ho, laho paloaskon kehe anakKi anso tarbaen halahi mangoloi Au, hape nada dioloi ho. Hara ni i bunuonKu ma anakmu siangkaan i.’ ”

HARURUAR 9:6

Ancogotna i dipatulus Tuhan ma songon na nidokNia i. Sandok pahan-pahanan ni halak Mesir i mate sude, hape pahan-pahanan ni halak Israel, sada pe nada adong na mate.

JESAYA 24:22

Rap palaguton ma halahi sude songon tahanan na di bagasan liang. Hurungon ma halahi di bagasan hurungan lopus dapot hatihana niuhuman.

JESAYA 41:11

Sapetona, sude halak na bingkas rimasna tu ho, angkon maila jana hodar; angka halak na mangalo ho, angkon songon sisoada jana ripur.

JESAYA 51:14

Ia na tartaban angkon manigor dipalua; nada mijur be ia tu hamatean jana nada hurangan di sipanganon.

JEREMIA 38:13

Dung i ditarik halahi ma au tu ginjang, haruar sian sumur i. Dung i ditahan ma au di alaman ni bagas godang i.

JEREMIA 38:6

Dung i dialap halahi ma au jana ditantan halahi ma au dohot tali tu bagasan sumur ni si Malkia anak ni raja i. Di alaman ni bagas godang i do sumur i. Nada adong aek di bagasan sumur i, hum bustak do jana masuk ma au tu bustak i.

HABAKUK 3:5

Disuru Ho do nyae mardalan di joloMu jana ihut ma hamatean di pudiMu.

ZAKARIA 9:11

Didok Tuhan ma tu bangsoNia, “Ho pe markite-hite mudar ni parjanjianKu dohot do paluaonKu angka na tarbuang sian ho, malua sian sumur na so marisi aek.

BILANGAN 33:4

di hatiha mananom anak siangkaan ni halahi na dung dibunu Tuhan i. Marhite na songon i ma dipatidahon Tuhan i, na gumogo do Ia sian angka debata ni halak Mesir.

BILANGAN 8:17

Di hatiha na Hubunu sude anak siangkaan di Mesir, anak halaklahi siangkaan sian ganop marga di Israel dohot sian pahan-pahanan na parjolo adong, madung Hubaen Au puna sandiri.

IBRANI 11:28

Hara ni haporsayaannia, dipatupa si Musa do Paskah jana dibaen ia parenta, angkon pispiskonon ni halak Israel mudar di pintu ni bagas ni halahi anso ulang dimatehon angka anak siangkaan ni halahi.

IBRANI 12:23

Sada parsuoan godang do na niadopanmunu – parsuoan ni angka anak siangkaan ni Debata na dung disuratkon goarna di banua ginjang. Debata do na niadopanmunu, Panguhum ni sude jolma manusia. Adopanmunu do angka tondi ni halak na burju na dung dipasanggam.