HARURUAR 12:27 - BIBEL JAMITA NA DENGGAN

²⁷ Alusanmunu ma, ‘On ma da haul Paskah laho pasangapkon Tuhan, angke sude bagas ni halak Israel di Mesir disalpui Ia do, jana dibunu Ia do angka halak Mesir, hape anggo hita dipadiar Ia do mangolu!’ ” Dung i marsinggang ma halak Israel jana marsomba tu Tuhan i.

HARURUAR 12:27 ပူးပေါင်းရင်းမြစ်များ

1 JUJUR TAON 29:20

Dung ditangianghon ia songon i didok si Daud ma tu halak na bahat na marlagut disi, ning ia ma, “Puji hamu ma Tuhan Debatamunu i!” Jadi dipuji halahi ma Tuhan, Debata na nisomba ni angka ompu ni halahi i. Manungkap ma halahi pasangapkon Tuhan dohot raja i.

2 JUJUR TAON 20:18

Gabe marsomba ma Raja Josafat. Laing dohot ma sude rayat i mandongani ia unduk marsomba tu Tuhan.

2 JUJUR TAON 29:30

Disuru raja dohot angka hatobangon ni rayat i ma endehonon ni angka halak Levi i puji-pujian tu Tuhan na nikarang ni si Daud dohot Panurirang Asap. Marjop ni roha situtu ma sude jolma i na marende i lalu marsinggang manyomba Debata.

NEHEMIA 8:6

Didok si Esra ma, “Puji hamu ma Tuhan, Debata Na Bolon i!” Sude ma rayat i mangangkat tanganna tu ginjang jana didok halahi ma, “Amen, amen!” Dung i manungkap ma halahi marsomba Debata.

MASMUR 44:1

Hami bege sandiri do, ale Debata, holong ni roha na nibaritahon ni ompunami, taringot tu hagodangan ni karejo na nipatulusMu di hatiha na salpu di na robi.

MASMUR 78:5

Dilehen Ia do tu Israel angka aturanNia, dohot tu pomparan ni si Jakob parentaNa. Disuru Ia angka ompu na umpompar hita mangajarkonsa tu angka dakdanakna,

HARURUAR 10:2

anso tarcaritohon ho i tu anakmu dohot tu pahompumu sanga songon dia Hubaen marmayam-mayamkon bangso Mesir marhite hahomangan na dung Hubaen di tonga-tonga ni halak i. Sude ma hamu mambotosa, bahaso Au do Tuhan.”

HARURUAR 12:11

Angkon mopop do hamu mangankon harana marpakean do hamu singkop songon na giot mardalanan, marsipatu patmunu jana tiop hamu tungkot di tanganmunu. On ma Ari Pesta Paskah laho pasangapkon Au Tuhan.

HARURUAR 12:23

Muda dibolus Tuhan luat on laho mamunu angka halak Mesir, idaon ni Tuhan ma mudar na di pamalpal dohot tiang ni pintu i, gabe nada loasonNia be Surusuruan Pangago i masuk tu bagasmunu laho mamunu hamu.

HARURUAR 12:28

Dung i kehe ma halak Israel patuluskon na niparentahon ni Tuhan tu si Musa dohot si Harun.

HARURUAR 13:14

Muda disapai anakmu di pudian ni ari sanga aha astuan ni pesta on, angkon alusanmunu songon on, ‘Marhite hagodangan ni kuaso ni Tuhan do, na maroban hita ruar sian Mesir inganan parhatobananta i.

HARURUAR 13:8

Di parmulaan ni pesta i, angkon baritahononmunu do tu angka dakdanakmunu, dibaen hamu pe sudena i, i ma hara ni sasude na dung dibaen Tuhan tu hamu di na laho maninggalkon tano Mesir hamu.

HARURUAR 34:25

Ulang haulkon hamu roti na marragi muda ro hamu manghaulkon pahan-pahanan tu Au. Na nisambol baen haul di Pesta Paskah, nada tola tinggalhononmunu saotik pe lalu tu ancogotna.

HARURUAR 34:8

Diompot si Musa ma mangalompit tot tu tano marsomba.

HARURUAR 4:31

Gabe porsaya ma halahi boti dung dibege halahi bahaso na dung ro hape Debata marnida sude parkancitan ni halahi, dipaunduk halahi ma marsomba tu Debata.

1 KORINTUS 5:7

Jolo ambungkon hamu ma ragi na lolot i, i ma dosa i anso gabe songon adonan ni topung na imbaru boti na ias hamu sian ragi ni dosa na honok i. Harana madung mamungka Ari Pesta Paskah di hita; Kristus na gabe songon biri-biri Paskah di hita, madung dihaulkon.

PANGARATAION 16:2

Kehe ma hamu tu inganan paribadatan i laho manyambol sada sian biri-biri sanga lombumunu gabe panganon Paskah laho pasangapkon Tuhan Debatamunu.

PANGARATAION 16:5

Angka pahan-pahanan na nipake tu Pesta Paskah i angkon disambol di inganan paribadatan na sada i do i jana nada tola di inganan na asing di sandok tano na giot silehenon ni Tuhan di hamu. Angkon patupaonmunu ma i di halulusut ni mataniari, laing songon di hatiha na manadingkon Mesir hamu.