HARURUAR 12:2 - BIBEL JAMITA NA DENGGAN

² “Bulan on ma na gabe bulan parjolo di almanakmunu.

HARURUAR 12:2 ပူးပေါင်းရင်းမြစ်များ

ESTER 3:7

Di taon padua bolaskon mamarenta Raja Ahasweros di bulan sada, i ma bulan Nisan, disuru si Haman ma mambaen undi na margoar “purim” laho mamboto sanga ari dohot bulan dia na tumbuk laho palaluhon nietnia na jahat i. Jadi gabe ditontuhon ma tanggal tolu bolas bulan dua bolas, i ma bulan Adar.

HARURUAR 12:1

Dipangkulingi Tuhan ma si Musa dohot si Harun di tano Mesir, ninna ma,

HARURUAR 12:18

Di bulan parjolo, mamungka sian borngin ni ari opat bolas lopus borngin tanggal dua pulu sada, nada tola panganonmunu roti na marragi.

HARURUAR 12:3

Dokkon ma parenta on tu halak Israel: Di ari sampulu bulan on ganop halaklahi angkon mamili sada anak ni biri-biri sanga anak ni hambeng di ganop ripe.

HARURUAR 13:3

Didok si Musa ma tu halak Israel, “Ingot hamu ma ari on ari haruruarmunu sian Mesir inganan parhatobanonmunu. On ma arina Tuhan paluahon hamu marhite kuasoNia na godang i. Ulang pangan hamu roti na marragi.

HARURUAR 13:4

Sadari on, ari sada bulan Abib, ditinggalkon hamu tano Mesir.

HARURUAR 23:15

Di bulan Abib, angkon baenonmunu do Pesta Roti Na So Marragi songon na dung Huparentahon tu hamu, angke di bulan i ma hamu manadingkon tano Mesir. Ulang pangan hamu roti na nibaen marcampur ragi salolot pesta sipitu ari i. Ulang hamu ro maribadat tu Au anggo so maroban haul.

HARURUAR 34:18

Pasangap ma Ari Pesta Roti Na So Marragi; pitu ari honokna angkon mangan roti na so marragi hamu, laing songon na Huparentahon tu ho di tingki na niaturkon di bulan Abib; harana di bulan Abib i do hamu ruar sian tano Mesir.

HARURUAR 40:17

Jadi di tanggal sada bulan sada di taon paduahon dung ditadingkon bangso Israel tano Mesir, dipajongjong ma Bandar Parmianan ni Tuhan.

JEHESKIEL 45:18

Didok Tuhan Debata i ma tu bangsoNia i, “Di tanggal sada bulan sada, angkon paiasonmunu do BagasKu marhite na manghaulkon sada lombu jantan na so martihas.

JEHESKIEL 45:21

Di tanggal opat bolas bulan sada, angkon pestahononmunu do Pesta Paskah. Pitu ari honokna angkon mangan roti na so marragi sude halak.

HAMALIMON 23:5

Ari Pesta Paskah na nipestahon pasangap Tuhan mamungka sian na lusut mataniari di tanggal opat bolas bulan sada.

BILANGAN 28:16

“Di tanggal opat bolas bulan sada, angkon pestahononmunu do Pesta Paskah pasangapkon Tuhan.

PANGARATAION 16:1

“Pagodang hamu ma Pesta Paskah di bulan Abib laho pasangap Tuhan Debatamunu, angke di bulan i do antong, taran borngin-borngin dipalua Tuhan hamu sian Mesir.