HARURUAR 12:19 - BIBEL JAMITA NA DENGGAN

^19-20 Di bagasan na pitu ari i, nada tola simpanonmunu ragi di bagasmunu. Betak adong halak, bope halak Israel, bope halak na asing mangankon roti na marragi, nada tola etongon be i sahalak sian bangsongKu.”

HARURUAR 12:19 ပူးပေါင်းရင်းမြစ်များ

HARURUAR 12:15

Didok Tuhan, “Pitu ari honokna nada tola panganonmunu roti na marragi. Di ari parjolo, nada tola adong ragi di bagasmunu, angke muda adong halak mangan roti na marragi di bagasan pitu ari i, nada etongon be ia bangsongKu.

HARURUAR 12:43

Didok Tuhan ma tu si Musa dohot tu si Harun, “On ma aturan di Pesta Paskah. Nada tola panganon ni halak sileban panganon Paskah i.

HARURUAR 12:48

Halak na so disunat nada tola dohot mangankon panganon pesta i. Betak adong sian halak na leban na dung hot rap dohot hamu na malungun dohot mamestahon Paskah i laho pasangap Debata, angkon jolo sunatonmunu do angka halaklahi na adong di bagasnia i. Dung i angkon etongonmunu do halahi songon halak Israel asli jana tola ma ia dohot mamestahon Paskah i.

HARURUAR 13:3

Didok si Musa ma tu halak Israel, “Ingot hamu ma ari on ari haruruarmunu sian Mesir inganan parhatobanonmunu. On ma arina Tuhan paluahon hamu marhite kuasoNia na godang i. Ulang pangan hamu roti na marragi.

HARURUAR 13:7

Pitu ari lolotna nada tola panganonmunu roti na marragi jana di sude luatmunu nada tola adong ragi sanga roti na marragi.

HARURUAR 23:15

Di bulan Abib, angkon baenonmunu do Pesta Roti Na So Marragi songon na dung Huparentahon tu hamu, angke di bulan i ma hamu manadingkon tano Mesir. Ulang pangan hamu roti na nibaen marcampur ragi salolot pesta sipitu ari i. Ulang hamu ro maribadat tu Au anggo so maroban haul.

HARURUAR 30:33

Sanga ise mambaen miak na songon i, sanga mamakesa sanga na tu ise pe na so malim, nada sietongon be i songon sahalak sian bangsongKu.”

HARURUAR 34:18

Pasangap ma Ari Pesta Roti Na So Marragi; pitu ari honokna angkon mangan roti na so marragi hamu, laing songon na Huparentahon tu ho di tingki na niaturkon di bulan Abib; harana di bulan Abib i do hamu ruar sian tano Mesir.

HAMALIMON 23:5

Ari Pesta Paskah na nipestahon pasangap Tuhan mamungka sian na lusut mataniari di tanggal opat bolas bulan sada.

BILANGAN 9:13

Tapi halak na ias mangihutkon ugamo nada muse di pardalanan ia, hape nada dipestahon ia Paskah i, nada etongon be halak i bangsongKu, angke nada dihaulkon ia haul tu Au di ari na dung ditontuhon. Taononnia ma panginona ni dosania i.

PANGARATAION 16:3

Ulang pangan rap dohot roti na marragi panganon Paskah i. Pitu ari lolotna hamu angkon mangankon roti na so marragi, laing songon di na morot hamu sian tano Mesir maradu mopop. Pangan hamu ma roti i – na margoar roti pardangolan – anso salolot mangolu diingot hamu ari i di na morot hamu sian Mesir, ingananmunu diparhatoban.