HARURUAR 12:16 - BIBEL JAMITA NA DENGGAN

¹⁶ Di ari parjolo dohot di ari papituhon, angkon marlagut ma hamu maribadat. Di ari i nada tola adong markarejo hum saotik pe. Hum pasingkop panganon do tola si karejohononmunu.

HARURUAR 12:16 ပူးပေါင်းရင်းမြစ်များ

HARURUAR 16:23

Gabe didok si Musa ma tu halahi, “Madung ditontuhon Tuhan, ancogot i ma ari na badia laho maradian, ari na nihaulkon tu Tuhan. Sanga aha na giot tutungonmunu sadari on, tutung hamu ma. Lobina i dipaasing jana disimpan ma i tu ancogot.”

HARURUAR 16:29

Ingot ma, Au, Tuhan, madung Hulehen di hamu sada ari anso maradian. Hara ni i ma da dibaen na Hulehen di ari paonomkon i sipanganon tu dua ari. Di ari papituhon i sude jolma angkon tinggal di bagas, ulang haruar.

HARURUAR 16:5

Di ari paonomkon angkon sude halak Israel papunguhon jana pasingkop panganon i dua lompit bahatna.”

HARURUAR 20:10

tapi ari papituhon, i ma Ari Sabat ni Tuhan, Debatamu. Nada jadi mangkarejohon nasa karejo di na sadari i, bope ho, bope anakmu, bope borumu, bope naposomu halaklahi, bope naposomu dadaboru, bope pahan-pahananmu, bope halak na mardagang di hutamu.

HARURUAR 34:18

Pasangap ma Ari Pesta Roti Na So Marragi; pitu ari honokna angkon mangan roti na so marragi hamu, laing songon na Huparentahon tu ho di tingki na niaturkon di bulan Abib; harana di bulan Abib i do hamu ruar sian tano Mesir.

JESAYA 1:13

Parcuma do diparobani hamu haul i sude. Gialan Au manganggo uap ni hamonyan na nitutungmunu i. Goyak rohangKu jana magigi Au paida-ida hamu manghagodangkon Bulan Na Imbaru, angka Ari Sabat dohot angka ari pesta maradu sude angka parlagutan parugamoan. Sude do i dipahodar hamu dohot angka dosamunu jana gabe boban sitanggunganKu; maloja Au mamorsan i.

HAMALIMON 23:21

Di ari i nada tola karejohononmunu sanga aha pe, angkon marlagut do hamu pasangap Au. Angkon patuluson ni pomparanmu do paraturan on sapanjangna sanga di dia pe hamu maringanan.

HAMALIMON 23:35

Sapanjang na pitu ari i, ganop ari angkon pasahatonmunu haul sipanganon. Di ari parjolo dohot pasalapankon angkon marlagut hamu di pesta i pasangap Au mangalehen haul sipanganon jana nada tola mangkarejohon sanga karejo aha pe.

BILANGAN 28:18

Di ari parjolo Ari Pesta i angkon marpungu ma hamu maribadat, jana nada tola karejohononmunu barang aha pe.

BILANGAN 28:25

Di ari papituhon marpungu ma hamu, jana nada tola mangkarejohon barang aha pe di ari i.”

BILANGAN 28:26

“Di ari parjolo di Pesta Gotilon di hatiha mangalehen sabagian sian gandum na nisabi parjolo tu Tuhan, angkon marpungu do hamu maribadat, jana nada tola mangkarejohon barang aha pe.

BILANGAN 29:1

“Di tanggal sada bulan pitu angkon marlagut do hamu maribadat, nada tola mangkarejohon barang aha pe. Di ari i angkon paluon ma angka sarune.

BILANGAN 29:12

“Di tanggal lima bolas bulan pitu, angkon marlagut do hamu maribadat laho pasangap Tuhan. Pesta i angkon pestahononmunu pitu ari honokna. Salolot ni pesta i nada tola karejohononmunu barang aha pe.

JOHANNES 19:31

Ari Jumahat do hatiha i, i ma ari parhobasan tu Ari Pesta Paskah i. Nada tola di halak Jahudi laing gantung bangke ni halak na niparsilangkon di hayu parsilang di Ari Sabat. Tarlobi Ari Sabat na gumodang do Ari Sabat on. Jadi hara ni i dipangido halak Jahudi i ma tu si Latus anso niponggolan holi-holi ni pat ni angka na diparsilangkon i anso nipaijur bangke ni halahi sian hayu parsilang i.

PANGARATAION 16:8

Na onom ari na mangihut i, angkon roti na so marragi do panganonmunu. Di ari papituhon angkon marlagut do hamu laho manyomba Tuhan Debatamunu. Ulang ma markarejo anggo di ari i.”