HARURUAR 12:14 - BIBEL JAMITA NA DENGGAN

¹⁴ Ari on ma ari parningotan di hamu. Angkon pagodangonmunu do ari on laho marningot angka aha na dung Hubaen. Rayahon hamu ma ari on salolot-lolotna.”

HARURUAR 12:14 ပူးပေါင်းရင်းမြစ်များ

2 RAJA-RAJA 23:21

Dung i diparentahon Raja Josia ma rayat i anso mamestahon Paskah songon na tarsurat di Buku Parjanjian i. Songon i ma dalanna dipasangap halahi Tuhan, Debata ni halahi.

MASMUR 111:4

Gabe parningotan do dibaen Ia angka tanda hahomangan na nibaenNia; paribo jana parholong roha do Tuhan i.

MASMUR 135:13

Ale Tuhan, sai hot do Ho dijamitahon jana goarMu pe sai diingot di sudena sundut.

HARURUAR 12:17

Angkon tongtong do baenonmunu parningotan di Ari Pesta on, angke di ari on ma Huoban sude bangsomunu haruar sian Mesir. Tu angka ari na ro pe angkon baenon do parningotan di Ari Pesta on lalu tu angka pomparanmunu.

HARURUAR 12:24

Angkon oloanmunu do dohot dakdanakmunu aturan on ro di salolot-lolotna.

HARURUAR 12:43

Didok Tuhan ma tu si Musa dohot tu si Harun, “On ma aturan di Pesta Paskah. Nada tola panganon ni halak sileban panganon Paskah i.

HARURUAR 12:6

Jana di ari paopatbolaskon bulan on, sude ma halak Israel manyambol anak ni pahan-pahanan i.

HARURUAR 23:15

Di bulan Abib, angkon baenonmunu do Pesta Roti Na So Marragi songon na dung Huparentahon tu hamu, angke di bulan i ma hamu manadingkon tano Mesir. Ulang pangan hamu roti na nibaen marcampur ragi salolot pesta sipitu ari i. Ulang hamu ro maribadat tu Au anggo so maroban haul.

HARURUAR 27:21

Angkon pagaraon ni si Harun dohot dakdanaknia do lampu i. Di ruar ni tire panutup ni Poti Parjanjian i ma inganan ni lampu i. Di Bandar ParmiananKi, angkon torus do gara lampu sian potang ari lalu tu torang ari. Angkon dalankonon ni halak Israel dohot pomparanna do parenta on sapanjangna.”

HARURUAR 5:1

Dung i kehe ma si Musa dohot si Harun manopot raja Mesir, ninna halahi ma, “Songon on ma hata ni Tuhan Debata ni Israel, ‘Paloas ma bangsongKi kehe anso dibaen halahi ibadat tu Au di halongonan.’ ”

JEHESKIEL 46:14

Tamba ni i, ganop manyogot angkon laing haulkonon muse do dua kilo gandum dohot saliter miak zetun sicampurkonon dohot gandum i. I ma haul gandum sihaulkonon ganop ari di Tuhan; sapanjangna do dalankonon aturan i.

HAMALIMON 23:6

Ancogotna i tanggal lima bolas mamungka ma Pesta Roti Na So Marragi. Pitu ari honokna, nada tola panganonmunu roti na nipauli mardongan ragi.

ZAKARIA 6:14

Disimpan ma tuku i di bagasan BagasKu baen parningotan tu si Heldai, si Tobia, si Jedaya dohot si Josia.

BILANGAN 10:8

Na mangombus sarune i angkon malim do, angka anak ni si Harun. Angka paraturan na deba nari angkon torus do ihutkononkon.

BILANGAN 15:15

Sude tona dohot aturan dos do di hamu dohot di halak sileban na maringanan rap dohot hamu, angke dos do hamu dohot halahi diida Tuhan. Jana salolot-lolotna do dalankonon na songon i.

BILANGAN 16:40

Gabe parningotan di bangso Israel, bahaso asing sian pomparan ni si Harun, sahalak pe nada tola ro tu langgatan laho manutung hamonyan di Tuhan i. Halak na mangalanggar aturan on angkon dibunu songon si Korah dohot donganna. Jadi sudena i dipatulus do i songon na dung diparentahon Tuhan tu si Eleasar marhite si Musa.

BILANGAN 18:8

Didok Tuhan tu si Harun, “Ingot ma ho! Sude silehen-lehen na mardohonan na nilehen tu Au na so pola ditutung songon haul, i ma bagianmu. I ma bagianmu na dung ditontuhon ro di salolot-lolotna. Hulehen i di ho dohot di pomparanmu.

MATEUS 26:13

Ingot hamu ma! Sanga na di dia di tano on dipararat Jamita Na Denggan na sian Debata i, angkon dicaritohon muse ma pambaenan ni anak boru on baen parningotan tusia.”

LUKAS 22:19

Dung i dibuat Jesus ma roti. Dung didokkon Ia tarimakasi tu Debata, dibola-bola Ia ma roti i, dung i diparleheni Ia ma tu halahi jana didok Ia ma, “On ma pamatangKu, [na nilehen di hamu. Baen hamu ma songon i laho marningot Au.”

PANGARATAION 16:1

“Pagodang hamu ma Pesta Paskah di bulan Abib laho pasangap Tuhan Debatamunu, angke di bulan i do antong, taran borngin-borngin dipalua Tuhan hamu sian Mesir.

PANGARATAION 16:11

Marjop ni roha ma hamu di adopan ni Tuhan, di inganan paribadatan na sada i, rap dohot angka dakdanakmunu, angka naposomunu dohot halak Levi, halak na asing, na so marama dohot angka na mabalu na tinggal di hutamunu.

PANGARATAION 6:8

Tambatkon ma i di tanganmu jana lilitkon di bohimu baen sipaingot-ingoton.

JOSUA 4:7

paboa hamu ma tu halahi bahaso na jungada mahiang Batang aek Jordan on di na dioban Poti Parjanjian ni Tuhan manaripari batang aek i. Sai na paingoton ni angka batu on do halak Israel tu pangalaho na masa dison.”

1 SAMUEL 30:25

Dung i dibaen si Daud ma i gabe sada aturan, jana dipadalan do i di Israel lopus saonnari.