HARURUAR 12:13 - BIBEL JAMITA NA DENGGAN

¹³ Mudar na di pintu ni bagasmunu i ma tandana paboahon bagas ingananmunu. Muda Huida mudar i salpuanKu ma hamu, jana nada agoonKu hamu di na manguhum halak Mesir i Au.

HARURUAR 12:13 ပူးပေါင်းရင်းမြစ်များ

PAMUNGKAAN 17:11

Mamungka saonnari angkon pasunatkononmu ma ganop anak halaklahi na baru sorang na marumur salapan ari, dohot do disi angka hatoban na sorang di bagasmu dohot angka hatoban na nitobusanmu sian halak na asing. Sunat i ma na gabe tanda na tarida paboa na hot parjanjian i antara ho dohot Au.

HARURUAR 12:11

Angkon mopop do hamu mangankon harana marpakean do hamu singkop songon na giot mardalanan, marsipatu patmunu jana tiop hamu tungkot di tanganmunu. On ma Ari Pesta Paskah laho pasangapkon Au Tuhan.

HARURUAR 12:23

Muda dibolus Tuhan luat on laho mamunu angka halak Mesir, idaon ni Tuhan ma mudar na di pamalpal dohot tiang ni pintu i, gabe nada loasonNia be Surusuruan Pangago i masuk tu bagasmunu laho mamunu hamu.

HARURUAR 12:7

Dung i daiskon ma saotik sian mudarna i tu dua tiang ni pintu i dohot tu pamalpal ni pintu sian ginjang di bagas inganan ni halahi mangankon juhutna i.

JEHESKIEL 9:4

Didok Tuhan ma tusia: “Mardalan ma ho sian tonga-tonga ni kota Jerusalem, jana suratkon ma hurup T di ganop bohi ni halak na marsak dohot na susa hara ni sude parbuatan sihagigian na dibaen di kota on.”

1 TESSALONIKA 1:10

Laing di hatahon halahi do sanga na bia ngolngolna pangkilalaanmunu painte-intehon haroro ni Anak Ni Debata sian banua ginjang; i ma Jesus na dung dipangolu Debata sian hamatean i. Laing Jesus i do na paluahon hita sian rimas ni Debata na giot ro i.

IBRANI 11:28

Hara ni haporsayaannia, dipatupa si Musa do Paskah jana dibaen ia parenta, angkon pispiskonon ni halak Israel mudar di pintu ni bagas ni halahi anso ulang dimatehon angka anak siangkaan ni halahi.

JOSUA 2:12

Antong sumpahon hamu ma mangasahon goar ni Tuhan bahaso na denggan do baenonmunu tu au dohot tu koumku songon denggan ni na hubaen tu hamu. Janjihon hamu ma paboa na so bunuonmunu damang dohot dainang, angka dongan sainangku dohot sude dongan sabagas ni halahi, tapi ondihononmunu do. Antong, lehen hamu ma sada tanda paboa na tutu do hamu bisa huhaporsayai!”

JOSUA 2:18

Angkon baenonmu do songon on. Muda ro hami mamorangi luatmunu on, tambatkon ma tali na rara on di jandela inganan parmijurannami on. Palagut ma amanta-inanta, angka ibotomu dohot sude sisolkot ni amanta di bagas on.

1 JOHANNES 1:7

Tapi muda mangolu di na torang hita laing songon Debata na maringanan di na torang i, gabe mangolu ma hita di bagasan pardomuan na solkot na sada tu na asing, jana hara ni mudar ni Jesus AnakNa i gabe ias ma hita sian sasude dosanta.