HARURUAR 12:12 - BIBEL JAMITA NA DENGGAN

¹² Di borngin i bolusanKu ma sude tano Mesir, jana bunuonKu ma sude anak halaklahi siangkaan, bope di jolma bope di pahan-pahanan. UhumanKu ma sude sombaon na di Mesir, angke Au do Tuhan.

HARURUAR 12:12 ပူးပေါင်းရင်းမြစ်များ

1 JUJUR TAON 14:12

Marsilojong di ibana be ma tentara ni halak Pilistin i, nada jabat taroban halahi angka patung ni halahi. Dung i diparentahon si Daud ma anso ditutungi angka patung i.

MASMUR 135:8

Di Mesir dibunu Ia sude anak siangkaan ni binatang dohot anak siangkaan ni jolma.

MASMUR 82:1

Diuluhon Debata do rapot hadebataon di banua ginjang, lalu dilehen Ia haputusanNia:

MASMUR 82:6

Hudok do, anggo hamu debata do jana angka anak ni Na Gumincat do hamu.

MASMUR 91:7

Haru rage saribu halak di lambungmu, jana sampulu ribu halak di humaliangmu, tapi anggo ho nada jabat mahua.

MASMUR 95:3

Angke Debata na godang do Tuhan, raja na marsahala mangatasi sandok debata.

HARURUAR 12:23

Muda dibolus Tuhan luat on laho mamunu angka halak Mesir, idaon ni Tuhan ma mudar na di pamalpal dohot tiang ni pintu i, gabe nada loasonNia be Surusuruan Pangago i masuk tu bagasmunu laho mamunu hamu.

HARURUAR 18:11

Saonnari madung huboto, gumodang do hape Tuhan i sian sandok debata, harana di hatiha di hasombongan ni halak Mesir maradopkon halak Israel do dibaen Tuhan sudena on.”

HARURUAR 21:6

jadi angkon obanon ni tuanna i do ia tu inganan paribadatan. Dung lalu disi, angkon suruon ni tuanna i ma ia jongjong markusande di pintu sanga di tiang ni pintu ni inganan paribadatan i jana ditura ia ma pinggolna i. Gabe hatobannia noma i salolot mangolu.

HARURUAR 22:28

Ulang burai hamu Debata jana ulang pasumpahon pamimpin ni bangsomu.

HARURUAR 6:2

Mangkuling ma Debata tu si Musa, ninna ma, “Au do Tuhan.

HARURUAR 9:6

Ancogotna i dipatulus Tuhan ma songon na nidokNia i. Sandok pahan-pahanan ni halak Mesir i mate sude, hape pahan-pahanan ni halak Israel, sada pe nada adong na mate.

JESAYA 19:1

On ma tona salaho tu Mesir. Ro do Tuhan tu Mesir manengget ombun na hipas. Humitir ma angka gana-ganaan ni Mesir di joloNia jana menek ma roha ni halak Mesir marnidasa.

JEREMIA 43:12

Pagaraonnia ma api di angka inganan pamelean ni debata ni Mesir, jana tutungan ni raja ni Babel ma angka patung na di inganan pamelean i sanga obanonna tu kotana. Songon parmahan na paiaskon pakeanna sian tusa, songon i muse ma ias ni Mesir sapuon ni raja ni Babel, lalu kehe ma ia mulak maroban hamonangan.

JEREMIA 43:13

Roncohononnia ma angka tugu ni gana-ganaan na di Heliopolis di Mesir, jana angka inganan pamelean ni angka debata ni Mesir abis ma tutunganna.”

JEREMIA 46:25

Didok Tuhan Na Markuaso i, Debata ni Israel, “Uhumanku ma Amon, debata na sian Tebe, rap dohot Mesir sudena maradu angka debatana dohot raja-rajana. Raja ni Mesir dohot sude na mangasahon ia

JEHESKIEL 12:16

Adong do saotik sian halahi na giot paluaonKu sian parporangan, sian tangkuraparon dohot nyae, anso diboto halahi di tonga-tonga ni bangso sileban i hajorbuton ni pambaenan ni halahi. Jadi okuon ni halahi ma disi, Au do Tuhan.”

AMOS 5:17

Di sude kobun anggur, mangandung ma halak, muda mardalan Au sian tonga-tongamunu,” ninna Tuhan.

ZEPANYA 2:11

Mabiar ma halahi baenon ni Tuhan. PatoruhonNia ma sahala ni angka debata na di tano on lopus nada adong be arga ni i sude. Jadi gabe marsomba tu Tuhan noma sandok bangso, di tanona sandiri be.

BILANGAN 33:4

di hatiha mananom anak siangkaan ni halahi na dung dibunu Tuhan i. Marhite na songon i ma dipatidahon Tuhan i, na gumogo do Ia sian angka debata ni halak Mesir.

1 SAMUEL 5:3

Tapi ancogotna i manyogot-nyogot, diida halak Asdod ma na dung unggal patung Dagon i tungkap tu tano, di jolo ni Poti Parjanjian ni Tuhan i. Jadi gabe diangkat halahi ma patung i jana dipasuang halahi ma tu ingananna humani.

1 SAMUEL 6:5

Jadi angkon baenonmunu do tiruan ni baro dohot monci na mangganas di luatmunu on. Songon i ma baen hamu pasangapkon Debata ni Israel i. Betak antahonNia ma manguhum hamu dohot angka debata maradu tanomunu.