HARURUAR 12:11 - BIBEL JAMITA NA DENGGAN

¹¹ Angkon mopop do hamu mangankon harana marpakean do hamu singkop songon na giot mardalanan, marsipatu patmunu jana tiop hamu tungkot di tanganmunu. On ma Ari Pesta Paskah laho pasangapkon Au Tuhan.

HARURUAR 12:11 ပူးပေါင်းရင်းမြစ်များ

2 RAJA-RAJA 23:21

Dung i diparentahon Raja Josia ma rayat i anso mamestahon Paskah songon na tarsurat di Buku Parjanjian i. Songon i ma dalanna dipasangap halahi Tuhan, Debata ni halahi.

HARURUAR 12:13

Mudar na di pintu ni bagasmunu i ma tandana paboahon bagas ingananmunu. Muda Huida mudar i salpuanKu ma hamu, jana nada agoonKu hamu di na manguhum halak Mesir i Au.

HARURUAR 12:21

Dipalagut si Musa ma sude hatobangon ni Israel, ning ia ma tu halahi, “Kehe ma hamu manjalahi anak ni biri-biri sanga anak ni hambeng sisambolon, anso ganop ripe tarbaen dohot mamestahon Paskah.

HARURUAR 12:27

Alusanmunu ma, ‘On ma da haul Paskah laho pasangapkon Tuhan, angke sude bagas ni halak Israel di Mesir disalpui Ia do, jana dibunu Ia do angka halak Mesir, hape anggo hita dipadiar Ia do mangolu!’ ” Dung i marsinggang ma halak Israel jana marsomba tu Tuhan i.

HARURUAR 12:43

Didok Tuhan ma tu si Musa dohot tu si Harun, “On ma aturan di Pesta Paskah. Nada tola panganon ni halak sileban panganon Paskah i.

JESAYA 52:12

Anggo sanoli on nada porlu kehe maradu tibu maporus palua diri pe nada porlu. Angke Tuhan Debatamu do manogu ho ondihononNia do ho sian sasude na ro.

JEHESKIEL 45:21

Di tanggal opat bolas bulan sada, angkon pestahononmunu do Pesta Paskah. Pitu ari honokna angkon mangan roti na so marragi sude halak.

HAMALIMON 23:5

Ari Pesta Paskah na nipestahon pasangap Tuhan mamungka sian na lusut mataniari di tanggal opat bolas bulan sada.

BILANGAN 28:16

“Di tanggal opat bolas bulan sada, angkon pestahononmunu do Pesta Paskah pasangapkon Tuhan.

BILANGAN 9:1

Di bulan parjolo taon paduahon dung ditinggalkon halak Israel tano Mesir, didok Tuhan ma tu si Musa di Parhorsihan Sinai. Ninna Tuhan i ma,

LUKAS 12:35

“Marjago-jago ma hamu mangadopi sanga aha na ro. Angkon totop do marhohos gontingmu jana gara palitomunu,

LUKAS 15:22

Tapi dipiohon amangna i ma angka naposona jana didok ma, ‘Pasigop buat pakean na dumenggan jana pakehon manigor tusia. Baen tintin tu jari-jarina i dohot sipatu tu patna i.

LUKAS 2:41

Ganop taon sai kehe do simatobang ni Jesus tu Jerusalem laho mamestahon Ari Pesta Paskah.

LUKAS 7:38

Jongjong ma ia di pudi ni Jesus di lambung patNa i, tangis ma ia disi, ditombur ia ma pat ni Jesus dohot ilunia, asa diapusi ia ma i dohot obukna, dung i diumma ia ma i jana diusehon ia ma miak na huskus i.

1 KORINTUS 5:7

Jolo ambungkon hamu ma ragi na lolot i, i ma dosa i anso gabe songon adonan ni topung na imbaru boti na ias hamu sian ragi ni dosa na honok i. Harana madung mamungka Ari Pesta Paskah di hita; Kristus na gabe songon biri-biri Paskah di hita, madung dihaulkon.

EPESUS 6:15

Haburjuon manjamitahon Jamita Na Denggan taringot tu hasonangan i, angkon i ma nian na gabe songon sipatumunu.

PANGARATAION 16:1

“Pagodang hamu ma Pesta Paskah di bulan Abib laho pasangap Tuhan Debatamunu, angke di bulan i do antong, taran borngin-borngin dipalua Tuhan hamu sian Mesir.

JOSUA 5:10

Taran na marbandar di Gilgal di napa na di lambung Jeriko, dipestahon halak Israel ma Paskah di borngin ni tanggal opat bolas di bulan i.

1 PETRUS 1:13

Hara ni i hobas ma hamu. Jonggor ma hamu jana mararop ni roha situtu di pasupasu na giot lehenonNa tu hamu di haroro ni Jesus Kristus muse.