Ulang haulkon hamu mudar ni binatang sisambolon tu Au dohot roti na marragi jana ulang tebahon tabo-tabo ni binatang na nihaulkon di ari pesta i lalu tu ancogotna i.
Ancogotna i manyogotna, ampot sai adong dope lobi juhut i sanga roti i, angkon nitutung do i lopus abis, jana nada tola nipangan be i angke madung diparbadiai do i.
Ulang haulkon hamu roti na marragi muda ro hamu manghaulkon pahan-pahanan tu Au. Na nisambol baen haul di Pesta Paskah, nada tola tinggalhononmunu saotik pe lalu tu ancogotna.
Juhut ni pahan-pahanan i angkon panganon di ari i, disi nisambol pahan-pahanan i, sanga ancogotna i. Juhut na lobi di ari patoluhon angkon nitutung sude
Ulang adong na nitinggalkon sanga panganon aha pe tu ari ancogotna i, jana nada tola hamu mamonggol holi-holi ni pahan-pahanan na haulkon tu Tuhan. Pestahon hamu ma Paskah i mangihutkon sude aturan.